Esta 4:4 - Nobonob Baibel

⁴ Anam heegeg, haen Kuin Estanu ehanittak ah bau, amu danab hipalag aqak ele ag uɗin, nug amegppa Mordekainu mattieg doyom amu, nug oo doyak awa, uug nau doyom. Nug anam doya, nug Mordekai lamen heɗiag ele meum amu nunuɗeb neeb, lamen ena mekkunu me ukkom, amge Mordekai nug uuom.

Esta 4:4 ပူးပေါင်းရင်းမြစ်များ

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

2 King 9:32

Jehu nug amu doya, nug neekke, attan lag amu gililppa ulah ibuppa te, nug inam ewa aum. “Aun am huu dahilppa daatte? Aun?” awa eum. Awa e, maɗi nid hipab qak ele aɗit, o ewam king laugppa daappig, ag Jehu nai aum amu doon, lagnu gililppa ulah ibuppa hippaidna neekkeg no, Jehu antteg,

Esta 1:12

King nug ag anam appeg dookkunu amelagppa a, ag appig, amge Kuin Wasti nug ukkaknunab anak amu dim lamidkkunu uuom. Amuam he, king nug oppoɗi be ameg kokoɗ eppe, nug oo nauhak huananab doyom.

Esta 4:3

Aria, kingnu ɗo amu wan oh tuale amu, Juda oh ag amunu mahittak okkai heppig. Ag ee ohnu kud mena daanna, gaanna, aeqakkanna, danab ah kuɗum ag lamen heɗiag ele takkaladna, uhuɗ laappig.

Esta 4:5

Anam daye amu, Esta nug kingnu danab hipab qak ele onig Hatak, nug nuhig ehanittak uɗat hekkunu epeɗippig ele amu, nug nug onigppa e uɗie, Mordekai anidkkunu me ukkom. Nug Mordekai toppa ukka, aɗi keeke he, nug oo uug ele doya, nug mahiakppa daatte amu dookkununab gokkunu aum.

Sam 77:2

Da uug nauppa dayeye, da Naɗi antten dim lamidkkulnu Nug madittem. Ao, tuqan amu, da bahil ii yeeye, da eppel hume unuqittette, da danab laa eppegppa oo mak aokkulnu uuttem.

Aisaia 56:3

Amu wan laihnu danab laa, nug Yawe dim lamittatta, nug Kayak noobppa dup noa, genab binag mette amu, nug, “Yawe Nug da nuhikkud danab oolagppa daakkulnu genab uukku,” aib aum. Amu danab laa, nug hipab qak daatte amu, nug, “Da nid ele daakkulnu elele iitta amunu, Yawe Nug dahilnu oo ii hema,” aib aum.

Jeremaia 31:15

Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

Aposel 8:27

A amu, aria Pilip nug aha ukkom. Amu ibppa nug Itiopia danab laa uɗa teum. Danab amu nug am Itiopia dilag Kwin Kandasi, nuhig ehanittak anuqak danab okkai laa. Nug am danab hipab qak ele. Nug Kandasinu men doɗo oh gumttom. Danab amu nug Kayak noobppa dup noa binag mekkunu Jerusalem ukkom.

1 Samuel 8:15

Nug heeb, ag ahilag ee aeg ohnu obatak eblaih tanig ele ooppanu obatak laippu king mettaglag; ag ahilag grep meu ele anamib hekkulag. Nug awa, nuhikkud ehanittak anuqak danab, maɗi nid laala ele madakku.