Esta 3:2 - Nobonob Baibel

² King nug anam haknunab aum amunu, nuhikkud ikki danab laa oh ag Haman, nug am ahilag anuqaknab, okkai daatte epponak hena, haen nug ag noolagppa waawo amu, ag nug noobppa dup nodappig. Amge Mordekai nug nug noobppa gomela, ii dup nottom.

Esta 3:2 ပူးပေါင်းရင်းမြစ်များ

Genesis 41:43

Palitteg, Paro nug oiyaknu karis laa, karis amuam danab aun Paro nugib Isip wanppa eɗittom amu, nug amuppa oikkunu dayom, nug karis amu awa, Josep mette, nug amuppa oiyom. Amu Josep nug oiyaknu karisppa ugekke, Paronu daup danab laala ag danab ibppa oippig, ag qemekkulagnu eegeg, Josep nug ukkom. Paro nug anam heum amunu, Josep nug Isip wan ohnu gawana dayom.

Esta 2:19

Amu ah makkun laa, Esta ele oh daaegeg, Esta omaleg king toppa ukkom, amu dimugppa ah makkun laa oh daappig ele, ag ele king wauud daappig, ag lag amuppa gona malappig amu, haen gamag amuppa Mordekai nug king laugnu ikki danab laa ba dayom.

Esta 2:21

Amu deɗ laa Mordekai nug king laugppa nuhig uɗat heehe, kingnu danab aɗit hipalah aqatak ele, Bigtana, Teres ele, aa King Ekserksisnu oolah nauhe, aa nug qepeɗ mauhkkunu maidya madipiɗ. Aa am Ekserksis nug dayaya niittom ele, oo amunu od gumattapiɗ.

Esta 2:5

Amu aab okkai Susa ooppa aben aɗ ɠagattagnab ele appa, Juda danab laa onig Mordekai dayom. Nug am Israel dilag huu okkai Benyamin amuppanu, amu Nug am Jair bekka. Jair am Simei bekka, amu Simei nug am Kis bekka.

Esta 3:1

Haen laa dimppa, King Ekserksis nug Haman he, wan amunu ikki danab anuqak beum. Haman nug am Hamedata bekka. Hamedata nug am Agag buɗubppan. Nug ikki danab anuqak beum amunu, nug kingnu anuqak danab laa oh eɗattak.

Esta 3:3

Mordekai nug anam heehe, kingnu ehanittak anuqak danab laala king laug odppanu ag Mordekai oɗ medappig. “Na aɗinu kingnu nai haknunab anak amu ii dim lamidttem?” oɗ medappig.

Esta 3:5

Ag Haman amegppa anam aeg amu, Haman nug Mordekai nug noobppa gomela, ii dup noum antta, nug oppoɗi be ameg kokoɗ eppa auta awom.

Esta 5:9

⌊Esta nug anam a amu, king nug anam haknu oo dayom.⌋ Am Haman nug ee lanak amuppan gamag ahakppaib aha ugakka, nug Mordekai king laugppa wanaknu od oɗeppa dayeye anttom, amge Mordekai nug Haman uɗie antta, aha hibaitta ii dayom, nuhignu ele ii baɗom antta, nug oppoɗi be ameg kokoɗ eppom.

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Eksodas 17:14

Moses, Israel ele ag anam heeg, dimppa Yawe Nug Moses amegppa inam aum. “Dabmak imu iitta memanu amu, na nai imu buk itoɗiakppa yaan, na heppe, Josua nug doyaɗ! Aɗinu? Da geha heppi, Amalek ag iitta mena autna aoppeg, hab waappa amu, danab laa nug Amalek dilagnu baula dab-ii-mema.” Yawe Nug anam aum.

Eksodas 17:16

Moses nug anam ha, nug aum. “Amalek ag Yawe tabappeg nekkunu heppig amunu, Yawe Nug hanhan Amalek ele ban hekku,” awa aum.

Daniel 2:49

King anam he, Daniel nug danab okkai daya, nug king oɗ mette, king he, Satrak, Mesak, Abetnego ag ele Babilon prowinsnu danab okkai daappig, amge Daniel nug king uɗat hettom abenppa dayaya, uɗat hettom.

Duteronomi 25:19

Ag anam heppig amunu, haen Yawe, ahilag Kayak, haen Nug heeb, ag hik aon ena daaglagnu, wan Nug ag aulag daakkunu madatte, ag amuppa daanna amu, haen amuppa ag banelag gona, Amalek danab ah ag iitta mena autna aoppeg, hab waappa, danab laa nug baula ahilagnu dab-ii-memanu heig! Ag amu hekkulagnu aib daulag atiom.

Pilipai 2:10

Kayak Nug geha danab oh hab attannu, wanppanu, amu mauhakppanu ele, ag oh Jesus onig doona, ag Nug noobppa gatelag qaun okkulagnu, ag, “Jesus Kristus Nug am Naɗi,” amu ele akkulagnu, Nug onig amu Jesus mettom. Danab oh ag, “Jesus Kristus Nug am Naɗi,” akkulag amu, amuppa Mame Kayak, Nug binag amahlak oppiaawak ele aokku.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.