Esta 2:9 - Nobonob Baibel

⁹ Hegai nug Estanu dayak, oiyak keeke antta, nug Estanu ena doya, oo bodoettak kobolppa nug ehanittatta, nug dabmetta auta awom. Nug he, ag pahanab nuhignu ee enanag, nuhig anttak enanag daakkunu keeke babaittona medappig. Nug ah eblaih aɗit ele kingnu lag enanagnabppanu otiatta he, ag nug ehanidkkulagnu daaegeg, nug he, nug am nuhig ehanittak ah ele ag aben enanag, aben laa oh king wauud daattebppa eɗattak, ag amuppa noppig.

Esta 2:9 ပူးပေါင်းရင်းမြစ်များ

Genesis 39:21

haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

Genesis 39:4

nug nuhignu ena doya, nug he, Josep nug nuhig maɗi nidnab dayom. Josep anam dayeye, Potipar nug nug laug, nuhikkud keeke laa oh ele Josep gumakkunu eppegppa meum.

1 King 8:50

amu na ig nahipad danab ah, na ig ihinig hipunin digdig oh, ig nahip-ppa hemut amu, na amu oh uhuqna mekkan, na heppe, kekeɗ ig eɗigppig ele, ag ihinignu oo gai-iitta doya oo metta ehanittak kobol dim lamidna ig amu mekkaglagnu ool daatte.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Nehemaia 2:8

Laa ele amu, danab onig Asap, nug appa adnu dad nahip gumam daatte, amu na pas laa nuhignu ele yaan meɗappe, da awe ukken ippunidppi, nug da aben aɗ ɠagattagnab ele Kayaknu mettid lagnu guguittak daatte, nug aɗ amunu od hekkulnu, da aab okkainu aɗnu od ele hekkulnu, amu da laul ele buukkulnu nug dad amuppanu ad okkai meɗakkunu oɗ medattem.” Da king anam oɗ mettami. Da anam oɗ mettai, Kayak, Nug enanag atognoiɗtte amu, Nug ehaniɗom amunu, king nug keeke oh da nug amunu oɗ mettami amu, nug keeke amu oh da meɗom.

Esta 2:12

Amu ag ah makkun anen anen omaladna, King Ekserksis toppa ii goppig daaegeg, anen anen oh neekkak ahilag enanag bekkunu, laa ag ah makkun amu ag neekkak ahilag enanag daakkunu kobol haknu dooppig, ag ahilag uɗat amu heppig. Amunu maɗi ahilag amuam kalam 12 uɗatab heppig. Kalam eblaih laippu ele oh amu, ag mir goɗenppa heppig, amu kalam eblaih laippu ele laa amu, ag leppu muttuɗig enanag, amu keeke kaala ele, ag amuppa ele heppig.

Esta 2:3

Amu king nug anam heeb anadppeppeg, ag diin aab okkai Susa ooppa aben aɗ ɠagattagnab ele imuppa uɗiglagnu king nug prowins anen anennu danab epeɗiatteb, ag ah makkun ena ena, iɗulkad tuqak ele appanu diin, aab okkai Susa ooppa aben aɗ ɠagattagnab ele imuppa king wauud daattebppa uɗiglag. Hegai, kingnu hipab qak danab laa, nug king wauud atognoadtte ele, nug am geha ahilag gumak danab dayaya, nug aɗi keeke ah makkun amu, ag iɗulag tuqaknab ele daan aoglagnu daatteb amu, nug ag madakku.

Esta 5:2

Esta nug anam ukka hibaitta dayeye, ⌊king daatteppan oonu od matulak daye,⌋ king nug Kuin Esta appa king laugppan haɗap-ppa hibaitta daye antta, nuhignu ena doya, nug kingnu qakun golppa hak aɗom am me waum amunu, Esta nug ukka, qakun amu noob lauɗittom.

Sam 106:46

Nug he, laa ag ag aɗualatteg, ag eppelagppa daappig amu, ag ahilagnu oolag gai-iitta doon, oolag mattan, ehanadppig.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Daniel 1:9

Amu Kayak Nug matu he, danab okkai amu nug Danielnu oo ena daye, nug Danielnu oo ele doyom,

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.