Esta 2:4 - Nobonob Baibel

⁴ Amu dimppa ah makkun aun nug na, king, na nuhignu ootppa ena doottem amu, nug geha kuin ba Wastinu aben aokku,” aon appig. Ag anam aeg amu king nug ahilag ulum nai amunu oo heum amunu, nug ag anam hekkulagnu pahanab nai meum.

Esta 2:4 ပူးပေါင်းရင်းမြစ်များ

2 Samuel 17:4

Ahitopel nug anam a, Apsalom, Israel dilag ikki danab oh ele ag nai amunu ena dooppig.

Esta 1:21

Aakku king, amu kingnu anuqak danab nuhikkud ele ag ulum nai amunu ena dooppig amunu, king nug Memukannu mattiak amu dim lamittom.

Esta 2:19

Amu ah makkun laa, Esta ele oh daaegeg, Esta omaleg king toppa ukkom, amu dimugppa ah makkun laa oh daappig ele, ag ele king wauud daappig, ag lag amuppa gona malappig amu, haen gamag amuppa Mordekai nug king laugnu ikki danab laa ba dayom.

Esta 2:3

Amu king nug anam heeb anadppeppeg, ag diin aab okkai Susa ooppa aben aɗ ɠagattagnab ele imuppa uɗiglagnu king nug prowins anen anennu danab epeɗiatteb, ag ah makkun ena ena, iɗulkad tuqak ele appanu diin, aab okkai Susa ooppa aben aɗ ɠagattagnab ele imuppa king wauud daattebppa uɗiglag. Hegai, kingnu hipab qak danab laa, nug king wauud atognoadtte ele, nug am geha ahilag gumak danab dayaya, nug aɗi keeke ah makkun amu, ag iɗulag tuqaknab ele daan aoglagnu daatteb amu, nug ag madakku.

Esta 2:5

Amu aab okkai Susa ooppa aben aɗ ɠagattagnab ele appa, Juda danab laa onig Mordekai dayom. Nug am Israel dilag huu okkai Benyamin amuppanu, amu Nug am Jair bekka. Jair am Simei bekka, amu Simei nug am Kis bekka.

Matyu 14:6

Anam dayom, amge Herotnu menuak deɗppa, Herodias aɗeg ɗo danab kuɗum noolagppa ahi goɗe, Herot nug ittag qeum

Matyu 20:16

Jesus Nug anam ana amu, Nug nai tuɗitta aum. “Amubia dim daatteb amu, ag anuqkkulag. Anuqak daatteb amu, ag dim daaglag,” awa aum.

Matyu 22:14

Jesus Nug anam ana amu Nug nai tuɗitta aum. “Ao, Kayak Nug danab ah kuɗum onilagppa ette, amge laippu laippu tituanadtte,” awa aum.