Esta 10:3 - Nobonob Baibel

³ Mordekai Juda ted, wan amu dilagnu gumak danab ba, ɠagattag okkainab ele dayaya, King Ekserksis nukka waappa dayom. Nug am Juda oolagppa danab naɗi, binag okkai ele; ag nuhignu ena doon, binag meppig. Nug danab ah nuhikkud ena daaglagnu uɗat heum, amu nug ag ehanadkkunu haenppa nai mattiom.

Esta 10:3 ပူးပေါင်းရင်းမြစ်များ

Genesis 41:40

amunu, dahil lag enanagnu gumak uɗat oh amu, da na eppenppa mettem; na gumakkut. Dahilad danab oh ag na oɗen dim lamidkkulag. Daib am na eɗittak daakkul,” awa aum.

Genesis 45:10

Uɗippe amu, na, na baenadppa ele, amu doɗ nahip oh ele, amu nahip keeke oh Isip ippa, wan atu onig Gosen, appa da gukkuiɗna daaglag.

Genesis 45:11

Enug haen maɗ tanig ele laa ele daakku amunu, ag wan atu onig Gosen appa daappeg, da heppi, ag elele daaglag. Ag anam ii heppeg amu, na, na baenadppa, amu nahipad laa oh ele, ag oh am daɗeknab daaglag,’ ” awa aum.

2 Stori 28:7

Israelnu daup laa, nug Epraim ted Sikri, nug Ahas bekka Masea qe mauhe, nug danab king laug enanagnab gumom onig Asrikam ele qe mauhe, nug Elkana, King Ahas aakkuib nug danab amu eɗittom amu, nug amu ele qe mauhom.

Nehemaia 2:10

Da ippuanatti, kingnu ehanittak anuqak danab aɗit laa, aa am aab nakok Horon danab Sanbalat, Amon wanppanu ehanittak anuqak danab Tobia ele, aa laa nug Israel danab ehanadkkunu uɗiom doopiɗ amu, aa oolah am ena iittanab iitta.

Esta 2:5

Amu aab okkai Susa ooppa aben aɗ ɠagattagnab ele appa, Juda danab laa onig Mordekai dayom. Nug am Israel dilag huu okkai Benyamin amuppanu, amu Nug am Jair bekka. Jair am Simei bekka, amu Simei nug am Kis bekka.

Esta 3:2

King nug anam haknunab aum amunu, nuhikkud ikki danab laa oh ag Haman, nug am ahilag anuqaknab, okkai daatte epponak hena, haen nug ag noolagppa waawo amu, ag nug noobppa dup nodappig. Amge Mordekai nug nug noobppa gomela, ii dup nottom.

Daniel 5:16

Ag elele iitta, amge na tul niiaknu meu mehuqkkutnu, na keeke uug elenu diig ele mehuqkkutnu elele aeg doottem. Amu na nai eppeg laa gililppa yom amu ebqena, nuhig meu ele appe dookkul dayeb amu, da lamen perpel metten, baagppan sen golppa hak ele metten, da heppi, na Babilon gabman ooppa okkainab, da, laippu laa ele, i waantippaib daakkut. Laa oh ag na waatppa daaglag,” awa aum.

Daniel 5:29

Daniel nug Belsasar amegppa anam a, Belsasar nug haknunab a, ag lamen perpel aon, nug aɗuitteg no, ag sen golppa hak ele aon, baagppa palitteg, Belsasar nug Daniel Babilonnu gabman ooppa danab okkainab, gabmannu okkai aɗit aakkuib waantippa daakkunu a, Daniel nug Babilonnu gabman ooppa okkainab aakku dayom. Belsasar, laippu laa ele aa aya, Daniel waappa ii daapiɗ. Laa oh ag nug waappa daappig.

Daniel 6:3

Ewam amu ag laa anam gumadna daaegeg, Yawenu Ouɗi Daniel ehanittette, ewam amu oolagppa Daniel nug enanagnab he, King Darius nug antta, nug Daniel nug ɗo maɗoɗ oh nug gumom ele ⌊king waappa⌋ gumadkkunu maittak awom.

Rom 10:1

O lailad, Kayak Nug danab dahilad, Israel, ag eɗua diikkunu ool unuqag ele doyeye, da amunu Kayak unuqidttem.

Rom 14:18

Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

1 Samuel 18:16

amge Dawit nug ban danab dilag okkainu uɗat amu enaib heum amunu, Israel, Juda ele ag nuhignu oolag mauhom.

1 Samuel 23:17

“Na aib baɗame! Aɗinu? Mama nug na nitteb mauhkkutnu ib laa ii anidma. Na am Israel dilag king bena daakkut, amu geha da na waatppa nahip ehanittak okkai daakkul. Mama nug amu ele dootte.” Jonatan nug Dawit amegppa anam aum.