Esta 10:2 - Nobonob Baibel

² Am nug aɗi hettenu ɠagattagnu kaya, amu Mordekai, king nug awa me, anuqakppa teum, nuhig gumaknu ɠagattag ena elenu kaya, amu ele am Midia, Persia ele dilag king dilag kaya bukppa yaappig.

Esta 10:2 ပူးပေါင်းရင်းမြစ်များ

1 King 11:41

Amu keeke kuɗum laa ele King Solomon heum, amu nuhig doyak dabmak ena ele oh ele amu, ag amu oh buk laappa, buk amuam onig Solomonnu Hak, Amunu Buk, buk amuppa yaappig daatte.

1 King 14:19

Amu keeke kuɗum laa ele King Jeroboam heum, kaya amuam ag buk laappa, buk amu onig am, Israel Dilag Kingnu Kaya, buk amuppa yaappig daatte. Yaak amuppa Jeroboam nug kekeɗ ele ban heppig, amu wan gumaknu kobol laala nug heum, kaya amu ele buk amuppa daatte.

1 King 22:39

Amu keeke kuɗum laa ele King Ahap heum amu, kaya amuam ag buk laappa, buk amu onig am, Israel Dilag Kingnu Kaya, ag buk amuppa yaappig daatte. Nug lag enanagnab buua, lag amuppa kobol kobol hoiyak dayomppa elepan aeg babaittak qataqa, aab okkai laalanu aɗ keeke, heum amu, keeke amu ohnu kaya amuppa daatte.

Esta 2:23

Aria, hettoɗiak amunu be amu, ag Mordekainu nai amu genab anidna, ag Bigtana, Teres ele balal attan, danab aihaknu hak, amuppa maatna aihatppig. Ag amu heeg amu, danab keeke bukppa yaappig ele, ag amunu buk laappa, buk amuam King Ekserksis gumaknu kaya, ag nug noobppa buk amuppa amu yaappig.

Esta 6:1

Amu tuqan amuppa king nug niikkunu elele iitta doyom amunu, nug nuhig maɗi nid laa nuhig gumaknu kaya bukppa yaak amu ebqeebnab dookkunu aum.

Esta 8:15

Haen Mordekai nug king uuitta ukka amu, nug lamen enappa bala meum. Nug lamen king metteb ele, amuam lamen elab ed, hakkab ele, nug amu takka, igippa nug haɗ golppa hak okkai laa ma, amu lamen tatam takkom hautaknu nug lamen perpel ele, linen enappa hak ele meum. Aria, danab ah aab okkai Susanu ag ɗo nai yaak laa anidna, ag amunu oo gamag ahak dooppig.

Esta 8:2

King nug nuhig doyaknu at ringppa daatte, nug ring amu eppeg doɗoppanu awa, Mordekai mettom. Nug anukka ring amu Haman mettom, amge ag nug qeppeg mauhkkunu dayeye, nug uɗitta eɗua awa, gemu Mordekai mettom. Esta nug keeke Haman gumom ele oh am Mordekai gumakkunu otiom.

Esta 9:4

Am king nug Mordekai awa me, gumak uɗat aben attannabppa ta daye, nuhig hak, nai amunu wan maha ohppa ugekke, nug binag awe, ɠagattag okkai ele naɗi meeme, nai amu ele ukkom ⌊amunu, okkai danab laa ag nuhignu baɗappig⌋.

Sam 18:35

O Kayak, na guppiɗ aɗan, kekeɗ eɗadttem ele amu, na guppiɗ amu da meɗae, da ena daattem. Ao, na nahip ɠagattag naɗippa ehaniɗttem. Ge, na dahil unuqittak nob me, danab ah ag da ɠagattag daattem aniɗtteb.

Daniel 2:48

Nebukatnesar nug anam awowa, nug he, Daniel nug danab okkainab abenabppa te, king nug keeke ena ena kuɗum Daniel mettom. Nug he, Danab okkainab abenabppa teum amu, aben amuam nug prowins onig Babilon, nug prowins amunu danab ah dilag okkai daya gumattatta, nug Babilon wannu danab doyak ele oh ele gumattom.