Esra 7:7 - Nobonob Baibel

⁷ Esra nug Babilonnu aha, Jerusalem uɗiom, haen amuppa Israel danab laala ele uɗippig. Nug ele uɗippig amu, ag oolagppan laala am Lewi buɗubppan mana mettak danab, Lewi buɗubppan mana mettak danab iitta, ahiettak danab ah, od gumak danab, amu Kayaknu mettid lagnu maɗi nid ele. Amu oh ag ahaeg, Esra ele uɗippig. Ag Artekserksis, Persia dilag king dayaya, nuhig king dayaknu maɗ eblaih aɗitppa, ag ahan uɗippig.

Esra 7:7 ပူးပေါင်းရင်းမြစ်များ

Esra 6:14

Ag anam heppig amunu, Juda dilag ikki danab ag Kayaknu mettid lag heegeg, propet danab Hagai, propet laa Ido buɗub Sekaraia ele, aa naippa ɠagattag aqaeheh, ag lag amu heppig. Ag Kayak, Israel dilag Kayak, ag nuhig haknunab anak, amu Persia dilag king Sairus, Darius, Artekserksis ele, ahilag ɗo maknu anak, ag ele appig bia, ag Kayaknu mettid lag buun malappig.

Esra 7:24

Laa ele amu, ag le Yupretis heqo laihnu gumak danab ag doyeg! Ag heppeg, Juda dilag Lewi buɗubppan mana mettak danab, Lewi buɗubppan mana mettak danab iitta, ahiettak danab ah, od gumak danab, Kayak laugppan maɗi nid ele amu, ag heppeg, danab ah amu ag takis, am en takis bia ele ag ii mattamna. Ag am ahilag takis ag mattaglagnu akkulagnu elele iitta.

Esra 7:8

Esra nug Artekserksis nug Persia dilag king dayaya, nuhig king dayaknu maɗ eblaih aɗitnu kalam tanig eleppa Jerusalem teum.

Nehemaia 1:1

Nai imuam Hakalia bekka Nehemaianu nai. Amu Artekserksis nug Persia dilag king dayaya, nuhig king dayaknu maɗ 20ppa, maɗ amunu kalam Kisleb, kalam amuppa da aab okkai Susa ooppa aben aɗ ɠagattagnab ele, da appa daaiyi,

Nehemaia 10:28

Nai qakkaknu nai, danab ag amuppa onilag yaappig am inam. “Ig oh, ig Lewi buɗubppan mana mettak danab, ig Lewi buɗubppan mana mettak danab iitta ele, ig Kayaknu mettid lagnu od gumak danab, ig ahiettak danab, ig Kayaknu mettid lagnu maɗi nid, ig danab laa, ihinkad ah ele, amu ihinkad nid ag nakok okkai meppig, nai doon diig dooglagnu elele daatteb, ig oh ig Kayaknu ɗo dabmetat, wan laihnu danab, ag uɗin, ihinig wanppa daatteb amu, ig amu dilagnu, ig awaidta, ig ikka daattem amu,

Nehemaia 12:1

Amu mana mettak danab, aria Lewi buɗubppan mana mettak danab iitta ele, ag Sealtiel bekka Serubabel, ⌊mana mettak ikki danab⌋ Jesua ele oh eɗun uɗippig amu, ag onilkad amu iikku. ⌊Mana mettak danab ag am,⌋ Seraia, Jeremaia, Esra,

Nehemaia 2:1

Aria, King Artekserksis Persia dilag king dayaya, nuhig king dayaknu maɗ 20ppa, kalam onig Nisan, kalam amuppa da hanhan hemi bia, laa kingnu wain aon uɗin meɗaeg, da king lakkunu awe ukken, nug mettami. Amge gemu da nug noobppa wakkulnu dayeye, da oolppa uug laa dayom. Deɗ laa da anambia ii doomi. Gemuib.