Esra 7:5 - Nobonob Baibel

⁵ Buki mameg am Abisua. Abrisua mameg am Pinias. Pinias mameg am Eleasar. Eleasar mameg am Aron. Aron nug mana mettak ikki danab dayom.

Esra 7:5 ပူးပေါင်းရင်းမြစ်များ

1 Stori 6:4

Eleasar bekka am Pinias. Pinias bekka am Abisua.

2 Stori 19:11

Amu nai laa Yawenu ɗonu uɗieb amu, mana mettak ikki danab, Amaraia, nug amunu okkai daakku. Amu nai laa wan ɗonu uɗieb amu, Juda dilag okkai laa, Ismael bekka Sebadaia, nug amunu okkai daakku. Aria, Lewi buɗubppan mana mettak danab iitta, ag ahilkad ehanittak anuqak daan, ag noolagppa uɗat hekkulag. Ag epeɗiak danab tituanak daatteb amu, ag oolagppa ɠagattag doon, uɗat heig! Amu henana, ag oolagppa aun aɗi ag ena hetteb ele amu, Yawe Nug ag ele daaglagnu ool daatte,” awa aum.

2 Stori 26:20

Kayak Nug anam he, haen mana mettak ikki danab Asaria, mana mettak danab laa oh ele ag gaɗa oɗe nau nug uɗappa be anidna, ag nug ele lag uua, dimittim gokkunu huana tappaɗeg, nug ag ele oh paha dimittim goppig. Ge, Usia nug ele, ⌊nug eheɗ he,⌋ Yawe bu mettom doyom amunu, nug lag ooppa daya, kalu danab ile muttuɗig enanag bette qaɗabppa ilakkunu uua, nug ele paha dimittim gokkunu dabmeum.

Esra 7:4

Meraiot mameg am Serahia. Serahia mameg am Usi. Usi mameg am Buki.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Eksodas 6:25

Eleasar, nug Aron bekka, nug Putiel aɗeg awe, nug Pinias menuom. Danab amu oh ag amu Israel dilag huu okkai Lewi ooppan aab ikki amu, ag ikkilkad danab aakku.

Lewitikas 10:12

Amu Moses nug Aron, amu nug bekoɗ, Eleasar, Itamar ele, aa ii mauhpiɗ amu, nug ag amelagppa aum, “Danab ah ag Yawe mettaknu aab aɗunu ofa hena, ag ee aegnu ofa ele haen amuppa hetteb amu, ag mana mettak danab ag eppelag laippuppa plaua appua awa, ee aegnu ofa hak amunu plaua laa daatte, amu ahilagnu aweg! Ag plaua amu yis iitta ele manak ag aon, qaɗab guguittak daanna laig! Aɗinu? Keeke amuam Kayaknu tituanaknab daatte.

Lewitikas 10:16

Amu Moses nug ib etta hipunin haknu ofa haknu meeme dawai, nug amunu oɗ me amu, ag aab aɗuppa manappignu amegppa appig. Moses nug aeg doya, Aron bekoɗ daapiɗ ele, Eleasar, Itamar ele amu, nug amu dilahnu oo nauhom. Nug oɗ meum.

Lewitikas 10:6

Aakku Moses nug Aron, amu nug bekoɗ aɗit, Eleasar, Itamar ele amelagppa aum. “Ag mauhmananu, Yawe Nug Israel dilag tamaniak danab ah oh dilagnu oo nauhmanu, ag aib heppeg, ikkilag uɗug mauhnoak dayom, o iitta aib lamen ahilkad pattiɗadppig. Israel laala, amu na laipad ele ag amu, ag Nadap, Abihu ele dilah, Yawe Nug aab aɗuppa he nauhpiɗ ele, ag ahilahnu mahiglagnu nai iitta.

Namba 27:2

ag mettid haknu peh lag danab ah appa qagmetteb ele, ag lag amu odppa nona, Moses, mana mettak danab Eleasar, amu Israel oh dilag ikki danab ele noolagppa hippaidna daanna, ag appig.

Namba 3:32

Lewi buɗub dilag okkai, ahilag anuqak am Aron bekka Eleasar. Aron nug mana mettak danab dayom. Eleasar nug danab ag Yawenu mettid haknu peh lag, amu amunu keeke ohnu ele dabmedattappig, nug ag anattatta italadttom.

Namba 31:31

Yawe anam aum amunu, Moses, mana mettak danab Eleasar ele aa Yawe, Moses anam hekkununab aum bia hepiɗ.

Namba 31:54

Moses, mana mettak danab Eleasar ele aa ban daup ikki danab dilagppan gol amu diiya, mettid haknu peh lag danab ah appa qagmetteb ele, aa amuppa aoya nopiɗ. Amuam Yawe aɗi heum, amu Israel ag anidppeg, dabmak ahilagppa daakkunu at daakkunu mepiɗ.

Namba 31:6

Ag babaittak daaeg amu, Moses nug maatte, bannu goppig. Amuam Israel dilag huu okkai anen anenppanu danab 1,000 otialattak ele. Nug he, mana mettak danab Eleasar bekka Pinias, nug ele oh goppig. Pinias nug mettid haknu peh lagppanu keeke laala, amu trampet, attem attem iwaladppeg ban danab ag dooglagnu am awe ele goppig.

Hibru 5:4

Aria, mana mettak ikki danab, amu dayaknu am binag ele, amu danab laa nug nukka nug nuhig dabmakppa nug binag amu awa, anam daakkunu ii hema. Iitta! Kayak Nug tatam, anukka Aron uɗat amu hekkunu onigppa eum amubia, Nug danab uɗat amu maokkunu, danab amu onigppa ekkuoitte.

Josua 14:1

Nan bekka Josua, mana mettak danab Eleasar, amu Israel dilag huu okkai anen anen dilag aab igippan ikkilkad danab ag wan laala Kanan appa daappig amu panin, Israel danab ah madappig am iikku. Wan amuam ag aulag daakkunu dayom.

Josua 22:13

Ag anam heppig, amge ag ii goppig daanna, ag Eleasar bekka Pinias, nug mana mettak danab amu, ag nug, aria Israel dilag ikki danab ebqak eblaih laih ele, ag nug ele Gileat wanppa gona, ag Ruben danab, Gad danab, amu Israel dilag huu okkai Manase mahaib danab ele, ag ag ele nai mattiglagnu maatte goppig. Danab okkai eblaih laih ele amu, ag am Israel dilag huu okkai eblaih laih ele anen anen dilag ikki danab. Ag Israel ooppan baelkadppan anen anen dilag ikki danab aakku.

Josua 22:31

Ag oolagppa ena, elele doona, mana mettak danab Pinias, Eleasar bekka, nug nai nob ma, Ruben, Gad amu Israel dilag huu okkai Manase mahaib dilag danab amelagppa aum. “Ag Yawe ippunikkomnu oo metta ii uuak kobol dim lamidkkulagnu ii uun, kobol nau ii heppig amunu, gemu ig doottem, Yawe Nug ig oh oonigppa aakku daatte. Amu gemu ag heeg, Yawe Nug ig Israel bu ii iqama,” awa aum.

Josua 24:33

Amu dimppa amu Aron bekka Eleasar nug mauhe, ag nug Gibea appa boumppig. Aben amuam Epraim wanppa, qauko qauko daattebppa dayom. Ag nug bekka Pinias wan amu matu mettaeg, ag Eleasar appa boumppig.

Ikki Danab 20:28

Eleasar bekka Pinias, Aron alag, nug appa, Tituanak Nainu Kunup guguittak, Yawe noobppa mana mettak danab dayom. Amu Israel ag Yawe oɗ medappig. “Ig lainkad Benyamin ele baula ban hekkunigte, o iitta, ig uugnigtai,” aon od mettan appig. Ag anam oɗ meeg, Yawe aum. “Ag goppeg, ag ele ban heig! Butti amu, da ag eppelagppa maadkkul,” awa aum.