Esra 7:1 - Nobonob Baibel

¹ Amu keeke amu dimppa Persia dilag king Artekserksis nug king dayeye, Esra nug Babilonnu aha, Jerusalem ukkom. Esra mameg am Seraia. Seraia mameg am Asaria. Asaria mameg am Hilkaia.

Esra 7:1 ပူးပေါင်းရင်းမြစ်များ

2 King 22:4

“Na gona, mana mettak ikki danab Hilkaia anidna, amegppa appe, danab ah ag men doɗo aon dona, laa Yawenu mettid lag od gumaegeg madappig amu, Hilkaia nug amu oh ebaqaɗ!

2 King 22:8

⌊Aria, Sapan nug ukka, king aumbia heum. Nug anam he amu, mana mettak ikki danab Hilkaia nug nai amu doya mala,⌋ nug Sapan, Sapan nug nai yaak danab amu, Hilkaia nug nug amegppa inam aum. “Da buk laa Yawenu mettid lag, amuppa dayeye anidmi. Buk amuam Yawenu Ɗo Nai Buk,” awa aum. Hilkaia nug anam ana amu, nug buk amu Sapan mette, Sapan nug ebqeum.

2 King 25:18

Nubusaradan, nug daup Nebukatnesar gumappig dilag okkai amu, nug Juda dilag mana mettak ikki danab Seraia, mana mettak danab Seraia waappa dayom Sepanaia, amu Yawenu mettid lag od gumak danab ewam ele maniguatta,

1 Stori 9:11

Hilkaia bekka Asaria ele. Hilkaia am Mesulam bekka. Mesulam am Sadok bekka. Sadok am Meraiot bekka. Meraiot am Ahitup bekka. Ahitup nug anukka Kayak laug gumaknu danab okkai dayom.

2 Stori 34:15

Hilkaia nug buk amu anttowa, nug nai yaak danab Sapan amegppa inam aum. “Da buk laa Yawenu mettid lagppa dayeye anidmi. Buk amuam Yawenu Ɗo Nai Buk,” awa aum. Hilkaia nug anam ana amu, nug buk amu Sapan mettom.

2 Stori 34:9

Danab ewam amu ag gona, mana mettak ikki danab Hilkaia gumidna teppig. Amge amu ii beebe, Lewi buɗub, ag Kayaknu mettid lagnu od gumak danab amu, ag daaegeg, Israel danab ah ag men doɗo aon uɗin, Kayaknu mettid lag ehanidkkunu Lewi buɗub od gumadppig ele madappig. Manasenu danab, Epraimnu danab, Israel danab laa oh ag oɗo yaak danab ah daappig, Juda danab, Benyamin danab amu danab Jerusalem daappig ele amu, ag oh men doɗo aon uɗin, Lewi buɗub madappig. Danab ah ag men doɗo anam ag mattaeg, Lewi buɗub ag men doɗo amu aoeg, danab ewam imu ag aon gona, mana mettak ikki danab Hilkaia medappig.

Esra 4:7

Dimppa, Artekserksis nug Persia dilag king daye, Bislam nug Mitredat, Tabel ele, amu nuhikkud ehanittak laa ele dilag ehanittakppa pas laa ya me, Artekserksis anidkkunu ukkom. Ag pas amu yaappig amu, ag Aram dilag nainu yaakppa, Aram dilag naippa ele yaappig.

Esra 6:14

Ag anam heppig amunu, Juda dilag ikki danab ag Kayaknu mettid lag heegeg, propet danab Hagai, propet laa Ido buɗub Sekaraia ele, aa naippa ɠagattag aqaeheh, ag lag amu heppig. Ag Kayak, Israel dilag Kayak, ag nuhig haknunab anak, amu Persia dilag king Sairus, Darius, Artekserksis ele, ahilag ɗo maknu anak, ag ele appig bia, ag Kayaknu mettid lag buun malappig.

Esra 7:10

Yawe Nug Esra ehanittomnu diig am, Esra nug Yawenu ɗo ippunittak am aokkunu, ɗo amu dim lamidkkunu ele anuqak doyaya oiyom. Nug amunu anuqak doya, Israel danab ah laa, ag Yawenu ɗo naippa ɗo iɗu iɗu aɗi aɗi amuppa daatteb ele ippunadkkunu anuqak ele doya, amu heum.

Esra 7:12

“Da Artekserksis, da king laa oh dilag king daattem, da pas imu na Esra, nahipnu yaattem. Na mana mettak danab daanna, na Kayak hab attan daatte, na nuhig ɗonu ippunittak danab ele daattem. Da na humidttem.

Esra 7:2

Hilkaia mameg am Salum. Salum mameg am Sadok. Sadok mameg am Ahitup.

Esra 7:21

Anam amunu da, King Artekserksis, da ɗo imu iikku mettem. Amuam kingnu men doɗo gumak danab le Yupretis heqo laih appa daatteb ele, ag Esra, nug mana mettak danab, nug Kayak hab attan daattenu ɗonu ippunittak danab ele daatte amu, nug ag aɗi mettaglagnu oɗ matteb amu, ag yagbak doon, nug metteg!

Nehemaia 11:11

Hilkaia bekka Seraia ele. Hilkaia mameg am Mesulam. Mesulam mameg am Sadok. Sadok mameg am Meraiot. Meraiot mameg amu Ahitup. Ahitup nug Kayak laugnu gumak okkai dayom.

Nehemaia 2:1

Aria, King Artekserksis Persia dilag king dayaya, nuhig king dayaknu maɗ 20ppa, kalam onig Nisan, kalam amuppa da hanhan hemi bia, laa kingnu wain aon uɗin meɗaeg, da king lakkunu awe ukken, nug mettami. Amge gemu da nug noobppa wakkulnu dayeye, da oolppa uug laa dayom. Deɗ laa da anambia ii doomi. Gemuib.

Nehemaia 8:1

ag ahan Jerusalem uɗin, ag aɗnu od onig Lenu Od, ag haɗap laa amu guguittak dayomppa qagmena daappig. Ag qagmen daanna, ag yaak danab Esra, nug Ɗo Nai Buk, Yawe Nug nai amu Israel danab ah dim lamidkkulagnunab Moses amegppa a, Moses nug bukppa yom amu, ag Esra nug Mosesnu buk amu awa uɗia, ebqeeb dooglagnu appig.