Esra 5:3 - Nobonob Baibel

³ Amu haen amuppa Tatenai, nug Persianu prowins Yupretis lenu qaban uɗitteppanu gawana dayom. Nug anam daye, nug, Setar Bosenai ele, ahilti ehanittak laala ele ag Juda heppig doon, ag ahan gona, Juda danab Kayaknu mettid lagnu uɗat heppig ele oɗ mattan appig. “Aun aum amunu ag Kayaknu mettid lag imu eɗun bappaidna henan daatteb?” aon oɗ madappig.

Esra 5:3 ပူးပေါင်းရင်းမြစ်များ

Esra 1:3

Nug anam aum amunu, ag Juda buɗub amu, ag oolagppa aun ag Jerusalem gona, amu hekkulagnu dabmetteb ele amu, Yawe, ahilag Kayak, Nug ag ele daanna, ag Juda wanppa, Jerusalem appa gona, ag Yawe, Nug Israel dilag Kayak, nuhig dayak aben am Jerusalem appa daatte amu, ag appa tena, lag nuhig buuglag.

Esra 4:12

Na king amu, na imu dookkutnu daattem. Juda danab ag na daattemppanu uɗin, wan atu ig daattem ele, ippa ig oonigppa, ag Jerusalem appa beppig ele amu, ag Jerusalem aab eɗun bappaidtteb. Ag aab amunu aɗ ukku, aɗ ele bappaidtteb, amge anukka aab amunu amu, nau hak danab, nai tappe nak danab ele, ag hanhan aguppa daadppig.

Esra 5:6

Tatenai, Persianu prowins Yupretis lenu qaban uɗitteppanu gawana, aria Setar Bosenai ele, ahilti ehanittak ele, amu oh ag Yupretis heqo laih, ag appan ehanittak anuqak danab daappig, ag oh, ag pasppa nai imu bappaidna meeg, King Darius anidkkunu ukkom.

Esra 5:9

Ig gota, appa teta, ig lag hetteb amu anidta, ig ahilag ikki oɗ mattamut. ‘Aun aum amunu ag Kayaknu mettid lag imu eɗun bappaidna henan daatteb?’ oɗ mattamut.

Esra 6:13

King Darius nug ɗo meum amunu, Tatenai, nug Persianu prowins Yupretis lenu qaban uɗitteppanu gawana, Setar Bosenai ele, am ahilti ehanittak ele ag nai amunu yagbak doon, dim lamidppig.

Esra 6:6

Sairus nug ɗo nai anam meum amunu, da Darius, da ɗo inam mettem. Tatenai, na Persianu prowins Yupretis lenu qaban uɗitteppanu gawana daattem, Setar Bosenai ele, aa ahilti ehanittak anuqak ele, da nai imu ahilagnu yaattem. Ag Jerusalem appa baula aib goppig.

Esra 7:21

Anam amunu da, King Artekserksis, da ɗo imu iikku mettem. Amuam kingnu men doɗo gumak danab le Yupretis heqo laih appa daatteb ele, ag Esra, nug mana mettak danab, nug Kayak hab attan daattenu ɗonu ippunittak danab ele daatte amu, nug ag aɗi mettaglagnu oɗ matteb amu, ag yagbak doon, nug metteg!

Hagai 1:1

Darius nug Persia dilag king dayaya, nuhig king dayaknu maɗ aɗitppa, kalam ebqak eblaih laippu ele, kalam amunu deɗ digmakppa Yawe Nug nuhig nai propet Hagai mettom. Nai nug mettom amu, nai amuam Juda dilag gawana Serubabel, nug Sealtiel bekka, amu Jehosadak bekka Josua ele dilah. Josua nug am mana mettak ikki danab dayom.

Matyu 21:23

Amu dimppa Jesus Nug Kayaknu mettid lakka noa, danab ah amelagppa nai mattieye, mana mettak danab okkai, amu Juda dilag ikki danab ele ag Jesus gumidna gona, oɗ mettan appig. “Na ɠagattag aɗippa uɗat imu hettem? Aun nug ɠagattag amu mettom?” aon appig.

Aposel 4:7

ag totol danab aɗit amu diiatna, ag hettoɗiakppa maatna oɗ matappig. “Aa ɠagattag aɗippa, o aa aun onigppa uɗat amu hepiɗ?” aon oɗ matappig.