Esra 3:2 - Nobonob Baibel

² Ag qagmena, haen amuppa Josadak bekka Jesua, mana mettak danab laala ele, amu Sealtiel bekka Serubabel, nug laikkud laala ele, ag qaɗabppa manaknu ofa, Kayaknu uɗat danab Moses ɗo naippa yom bia hekkulagnu, ag digmena, Israel dilag Kayaknu qaɗab qeppig.

Esra 3:2 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

1 Stori 23:14

Moses, Kayaknu danab, nug bekoɗ aa Lewi buɗubppan mana mettak danab iitta, aa ag oolagppa daaglagnu tituanak daapiɗ.

1 Stori 3:17

Aria, Babilon dilag king Nebukatnesar nug Jehoiakin aɗa, awa ukka, Babilon wanppa maniguittakppa ine dayom. Jehoiakin bekkod am Sealtiel,

1 Stori 3:19

Am Pedaia bekoɗ am Serubabel, Simei ele. Serubabel bekoɗ am Mesulam, Hanania ele. Aa appinlah am Selomit.

2 Stori 6:6

Amge gemu da Jerusalem, da onil aguppa daakkunu tituanen, da na Dawit, da na dahilad danab ah, am Israel danab ah, da na ag gumadkkutnu da na tituanidmi,’ awa aum.

Esra 10:18

Amu mana mettak danab ag laihnu ah diippig ele, ag appeg, ah amu gokkulagnu, “Yo,” ana, ag eheɗ heppig, ag beɗulagppa aab ele amunu, ag eheɗ haknu ofa hekkulagnu ag anen anen sipsip dawai ele aon uɗin main, Kayak medappig ele, ag onilag am iikku. Josadak bekka Jesua, nug awakkud, amakkud ele buɗulkadppanu am Masea, Elieser, Jarib, Gedalaia ele.

Esra 10:20

Imer buɗubppanu am Hanani, Sebadaia ele.

Esra 10:21

Harim buɗubppanu am Masea, Elaiya, Semaia, Jehiel, Usia ele.

Esra 10:22

Pasur buɗubppanu am Elioenai, Masea, Ismael, Netanel, Josabat, Eleasa ele.

Esra 2:2

Danab ah ag ahan, Juda wanppa goppig amu, ahilkad danab okkai am Serubabel, Jesua, Nehemaia, Seraia, Relaia, Mordekai, Bilsan, Mispar, Bigwai, Rehum amu Bana ele. Aria, Israel danab ag Babilonnu eɗun uɗippignu ebqaknu lista, ⌊ag mamelkad aɗi⌋ onilkad ele am iikku.

Esra 3:8

Ag anam hena, heeg ukke ukke, maɗ ag eɗun, Kayak laug, Jerusalem appa dayomppa, ag appa uɗippig, maɗ amu male, maɗ amu dimugppa, maɗ amunu kalam aɗitppa, Sealtiel bekka Serubabel, Josadak bekka Jesua, aa lailti ele, amuam Lewi buɗubppan mana mettak danab, Lewi buɗubppan mana mettak danab iitta, amu danab oh ag Babilon appa diia ukka laih me dayak danab ah daappig, ag appanu eɗun, Jerusalem uɗippig amu, ag oh ahan, Yawe laug digmena buuppig. Ag amu henana, ag Lewi buɗub, ag maɗ 20 ele, o maɗ 20 eɗittak, ag uɗat amu guman daaglagnu tituanadppig.

Esra 5:2

Aa danab ah amelagppa anam aeh, Sealtiel bekka Serubabel, Josadak bekka Jesua ele aa Kayak laug, Jerusalem appa eɗua daakkunu uɗat am ⌊baula⌋ digmepiɗ. Aa uɗat amu heeheh, Kayaknu propet aa ehanatkulahnu daapiɗ.

Nehemaia 12:1

Amu mana mettak danab, aria Lewi buɗubppan mana mettak danab iitta ele, ag Sealtiel bekka Serubabel, ⌊mana mettak ikki danab⌋ Jesua ele oh eɗun uɗippig amu, ag onilkad amu iikku. ⌊Mana mettak danab ag am,⌋ Seraia, Jeremaia, Esra,

Nehemaia 12:8

Lewi buɗubppan mana mettak danab iitta amu, ag onilkad am inam: Jesua, Binui, Katmiel, Serebia, Juda am Matania ele. Matania, nuhikkud uɗat laippu ele ag Kayak binag maknu ahi ettaglagnu gumak danab daappig.

Sam 78:68

Nug Israel dilag huu okkai amu ii tituanom. Iitta. Nug Israel dilag huu okkai Juda epeɗiom. Nug qauko Sion, ⌊qauko amuam Juda wanppa daatte,⌋ Nug qauko amunu oo mauhtte amu, Nug qauko amu tituanom.

Eksodas 27:1

Yawe Nug anam anana, nug nai tuɗitta, Moses amegppa aum. “Ag ad akasia aon, qaɗab laa, elab nuhig am 2 mita, 20 sentimita ele, emaitak nuhig am ele 2 mita, 20 sentimita ele, amu attan nuhig am 1 mita, 30 sentimita ele, ag qaɗab amu heig! Elab nuhig am emaitak nuhigbiaib dayaɗ!

Hagai 1:1

Darius nug Persia dilag king dayaya, nuhig king dayaknu maɗ aɗitppa, kalam ebqak eblaih laippu ele, kalam amunu deɗ digmakppa Yawe Nug nuhig nai propet Hagai mettom. Nai nug mettom amu, nai amuam Juda dilag gawana Serubabel, nug Sealtiel bekka, amu Jehosadak bekka Josua ele dilah. Josua nug am mana mettak ikki danab dayom.

Hagai 1:12

Yawe Nug anam aum amunu, Sealtiel Bekka Serubabel, Jehosadak bekka Josua, nug mana mettak ikki danab, aa, amu Juda danab ah oh ag oɗo yaak danab ah daatteb amu, ag oh, ag Yawe, ahilag Kayak, ag Nug aum, propet Hagai oɗeppa aoppig am dim lamidppig. Yawe, ahilag Kayak, Nug he, Hagai nug nai mattiom amunu, ag doon, ag heppig. Danab ah ag Yawenu ebehilag oh bodoetta le meum.

Hagai 1:14

Anam amunu, Yawe Nug he, Sealtiel bekka Serubabel, nug Juda dilag gawana, Jehosadak bekka Josua, nug mana mettak ikki danab, aa, Juda danab ah oh ag oɗo yaak danab ah daatteb, ag ele, ag oh yagbak doon, ag lag amu hekkulagnu ahappig. Ag ahan uɗin, Yawe Nukka Ɠagattag Oh Ele, ahilag Kayak, ag Nug laug eɗun bappaidna heppig.

Hagai 2:21

“Na Serubabel, nug Juda dilag gawana, na nug amegppa inam appe doyaɗ! Da heppi, hab, wan ele uɗalkku.

Hagai 2:23

Amge deɗ amuppa da na, na Serubabel, na Sealtiel bekka na, da na ehanidppi, na ena daakkut. Da heppi, na dahil doyaknu at ringppa daatte bia daan, ena daakkut. Aɗinu? Da na dahil daakkutnu tituanidmi.” Yawe Nukka Ɠagattag Oh Ele Nug anam awa atte.

Sekaraia 3:1

Amu dimppa amu, engel nug mana mettak ikki danab Josua, nug Yawenu engel noobppa hibaitta daye ippuniɗom. Satan nug ele appa engel eppeg naɗiap-ppa dayaya, nai digdig kuɗum mattiaya, Josua yaaya mattiom.

Sekaraia 3:8

O mana mettak ikki danab Josua, ag mana mettak danab laa oh ele, ag daulag human, dahil nai doyeg! Aɗinu? Ag mana mettak danab, ag am butti aɗi kobol ena bekkunu at daatteb. Laa am, da heppi, dahil maɗi nid, Nug am ad diigppa ita bau bette, amubia bekku, amu Nug uɗikku.

Sekaraia 6:11

Ag silwa, gol ele amu na medappeg, na ag eppelagppanu aon, na mana mettak danab haɗ laa amuppa he! Na haɗ amu hena malon, na aon, Jehosadak bekka Josua, nug mana mettak ikki danab daatte, na nug igippa me!

Namba 28:2

“Na Israel amelagppa haknunab nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ag doɗ, ee ele manan, mana mettak hekkulag amu, haen da ag meɗaglagnu ami, haen amuppa ag aon, da gumiɗna uɗin, da meɗaglagnu daatte. Mana mettak amuam dahilnu aab aɗunu ofa, nuhig muttuɗignu amu, da, Yawe, da ool ena dootte,” awa aum.

Luk 3:27

Joda mameg am Joanan, Joanan mameg am Resa, Resa mameg am Serubabel, Serubabel mameg am Sialtiel, Sialtiel mameg am Neri.

Ikki Danab 6:24

Aakku Gideon nug Yawenu qaɗab laa appa buua, onig Yawe Nug Maɗoɗ Diig Daatte, aum. Qaɗab amu Opra appa, Abieser buɗub dilag wanppa heum, amu qaɗab amu gemu ⌊nai imu yaak haenppa⌋ ele, appa ana daatte.