Esra 2:1 - Nobonob Baibel

¹ Amu anukka Babilon dilag king Nebukatnesar nug nuhikkud daup ele ag Juda danab eɗadna, danab ah aɗualadna, diin Babilon ukkaeg, appa ag diia ukka laih me dayak danab ah daappig ele amu, danab ah amu kuɗum ag aakku eɗun Juda wanppa, ahilkad aab anen anenppa, Jerusalem appa ele daaglagnu aakku goppig.

Esra 2:1 ပူးပေါင်းရင်းမြစ်များ

2 King 25:11

Am Nebusaradan, nug daup Nebukatnesar gumappig dilag okkai amu, nug danab ah haen amuppa Jerusalem appa daappig, am laa ag akka ahan gona, ag beɗulag Babilon dilag daup eppelagppa meppig ele, amu danab ah laa oh ele, nug ag oh diia, Babilon appa ag diia ukka laih me dayak danab ah daaglagnu ukkom.

1 Stori 9:1

Amu Israel dilag king ag heeg, danab ag Israel oh onilag bukppa yaappig, onilag buk amuppa aakku daatteb. Amge Juda danab ah ag Yawe ippunattom bia Nug dim lamidkkulagnu oo metta ii uuak kobol ii dim lamidppig amunu, Babilon dilag daup ag uɗin eɗadna, ag aɗualadna diin gona, Babilon wanppa maatteg, Juda danab ah ag appa diia ukka laih me dayak danab ah daappig.

1 Stori 9:2

Ag gona, Babilon wanppa diia ukka laih me dayak danab ah daaeg ukke, king laa nug ag eɗun uɗiglagnu elele a, laa tatam uɗippig am mana mettak danab laala, Lewi buɗubppan mana mettak danab iitta, amunu laala, amu Yawenu mettid lagnu maɗi nid laala, amu Israel danab ah laala ele.

Esra 1:11

Keeke oh Mitredat nug Sesbasar mettom am ebqak 5,400. Keeke amuam gol, o silwappa hak. Mitredat nug Sesbasar keeke amu oh mette, Juda danab ah ag diia ukka laih me dayak danab ah daappig ele, ag Babilonnu ahan, Jerusalem goppig amu, Sesbasar nug haen amuppa keeke amu oh ele awa, Jerusalem ukkom.

Esra 2:2

Danab ah ag ahan, Juda wanppa goppig amu, ahilkad danab okkai am Serubabel, Jesua, Nehemaia, Seraia, Relaia, Mordekai, Bilsan, Mispar, Bigwai, Rehum amu Bana ele. Aria, Israel danab ag Babilonnu eɗun uɗippignu ebqaknu lista, ⌊ag mamelkad aɗi⌋ onilkad ele am iikku.

Esra 2:70

Danab ah amu ag eɗun, Juda wanppa tena, Lewi buɗubppan mana mettak danab, Lewi buɗubppan mana mettak danab iitta, ahiettak danab, Yawenu mettid lagnu od gumak danab, Yawenu mettid lagnu maɗi nid, amu danab laippu laippu laa ele ag aab laala Jerusalem guguittak daappig amu, ag amuppa wana daappig. Israel laa oh amu, ag wana, ahilkad aab anen anenppa daappig.

Esra 5:8

Amu ig ihinig dabmak imu na king, na imu dookkutnu am ena, anam dabmettem. Ig ahat, Juda atuppa gota, ig Kayak Attannab, nuhig mettid lag hettebppa temut. Juda danab ag gemu lag amu men okkai okkaippa henana, ag ad okkai ele gililppa metteb. Ag uɗat amunu yagbak doon hetteb; bodoettak iitta hetteb. Ag uɗat amu heegeg, elelenab gotte.

Esra 6:2

Darius nug anam he, danab ag amu anidkkulagnu heeg ukke ukke, ag prowins laa onig Midia, aab Ekbatana ooppa aben aɗ ɠagattagnab ele, appa ag buk itoɗiak laa anidppig. Buk itoɗiak amuppa yaak inam dayom. “Imuam King Sairusnu nai iikku.

Esra 8:35

Keeke skelppa mak uɗat ha malak amu, diia ukka laih me dayak danab ah Babilonnu ahan, eɗun uɗippig ele, ag Kayaknu manaknu ofa heppig; amuam Israel oh dilagnu makau dawai 12, aria sipsip dawai 96, sipsip gaiɗ 77 ele. Amu oh am manaknu ofa daappig. Amu ag ele ib etta hipunin haknu ofa haknu, ag meeme dawai 12 ele manadna, Yawe medappig.

Nehemaia 12:1

Amu mana mettak danab, aria Lewi buɗubppan mana mettak danab iitta ele, ag Sealtiel bekka Serubabel, ⌊mana mettak ikki danab⌋ Jesua ele oh eɗun uɗippig amu, ag onilkad amu iikku. ⌊Mana mettak danab ag am,⌋ Seraia, Jeremaia, Esra,

Esta 1:1

Kaya imuppa keeke beppig ele amu, King Ekserksis nug Persia dilag king dayom haenppa beppig. Ekserksis imu, nug Persia wanppanu prowins 127 oh gumom. Prowins amuam India appanu digma ukka, Kus wanak.

Esta 1:11

ag Kuin Wasti kuin haɗ igippa dayebeb ele omalna nuhigppa uɗiglagnu aum. Nug am ah iɗu tuqak enanag, amunu king nug danab oh, anuqak danab ele ag kuin iɗu tuqak enanag amu anidkkulagnu dabmeum.

Esta 1:3

Amu Ekserksis nug king abenab awa, nuhig king dayaknu maɗ ewamppa nug nuhikkud anuqak danab, nuhikkud ehanittak anuqak danab oh ele dilagnu ee lanak hobul naɗi babaittom. Nug Midia amu Persia ele dilag daup ikkilkad oh, okkai danab laa, amu prowins oh dilag okkai danab ele onilagppa eum.

Esta 1:8

Am wain amu lanaknu ɗo am laippuib dayom. Ɗo amuam danab laa nug le lanaknu uuom, o nug le baula lanaknu uuom amu, laa nug lakkunu wagai aib meum. Amge laa ag huan lanaknu oolag dayom ele, ag am lakkulag. Ɗo anam dayomnu diig am, king nug maɗi nid nuhikkud ag danab amu uuadppeg, ag akka oolag dayom amuib dim lamidkkulagnu amelagppa anam haknunab aum.

Esta 8:9

King Ekserksis nug anam aum amunu, kalam ewam, onig Siwan, nuhig deɗ 23 amuppa, ag kingnu nai yaak danab onilagppa eeh uɗieg, Mordekai nug ag aɗi yaaglagnu mattieye, ag ɗo nai laa amu oh, Juda danab, gumak danab anuqaknab, amu prowinsnu gawana, amu prowinsnu anuqak danab ele, ag prowins 127, Ekserksis waappa daatteb ele, ag amu dilag yaaladppig. Wan amuam Kus appanu digma ukka, India wanak daatte. Amu ɗo nai amuam nai anen anenppa, nai yaak kobol anen anenppa ele, danab ah, Ekserksis waappa daatteb, amu Juda dilag ele yaaladppig.

Aisaia 48:20

⌊Yawe Nug atte.⌋ “Ag Babilonnu ahan ukkeg! Ao, ag Babilon oolagppanu ahan, oolna ukkeg! Ag gonana, ag, ‘Yawe Nug ig Jakop buɗub, nuhikkud maɗi nid maɗi ah ele, Nug ig laa eppelagppa dayaknu qagaiettakppanu eɗua uhuqak ha mekkom,’ mattinna eig! Ag wan atu ohppan danab ah dooglagnu nai amu appeg doyeg!

Jeremaia 50:19

Amge da heppi, Israel danab ah ag eɗun, ag wanelagppa daaglag. Sipsip ag Karmel, am Basan ele appa gikkiɗah lanan, ena daatteb, amubia Israel ag ena daaglag. Ag Epraimnu qauko nakokppa, Gileat wanppa ele ee elele aon, oolag dittieb, elele daaglag,” awa atte.

Gayak Nai 1:3

Juda danab ah ag Babilon wanppa diia ukka laih me dayak danab ah daatteb. Ao, appa ag guittak aonna, ag uɗat ɠagattag henana oitteb. Juda danab ah ag wanppan wan laalappa gona daan, ag toetta, maɗoɗ ele dayak laa ii anidtteb. Ge, Juda danab ah ag uug nau ahilagppa be anidna oolegeg, laa ag aɗualadkkulagnu lamadppig amu, ag aɗualadppig.

Gayak Nai 1:5

Kekeɗ ag gemu Juda wan aɗaeg, Juda ag eppelagppa daatteb; Juda dilag kekeɗ ag hamunab, uug laa iitta ele daatteb. Juda danab ag hipunin huanak heppig; amunu Yawe Nug uug nau mattom. Kekeɗ ag Juda eɗadna heeg, Juda danab ah ag diia ukka laih me dayak danab ah wan laappa daaglagnu, ag kekeɗ noolagppa maniguittak danab ah daan, baelagppa oinna goppig.

Gayak Nai 4:22

O Juda danab ah, ahilag bu awak am iitta mekku; ag gemu wan laappa diia ukka laih me dayak danab ah daatteb, amge Yawe Nug ag anam daaglagnu haen eeɗeb, elab ii goma. Anam, amge o Edom danab ah, Nug ag ahilag hipuninnu bu madakku; Nug ahilag hak nau heeb, miag atikku.

Sepanaia 2:7

Israel dilag huu okkai Juda oolagppanu oɗo yaak danab ah daaglag amu, ag wan amu ahilag daakkunu aoglag. Ao, ag sipsip ahilkad diiadna, Pilistia wanppa goppeg, sipsip ahilkad appa gikkiɗah lanan daaglag. Pilistia iitta meppeg, laa appa nug laugppa ii daama, ag laulkad amu oh hamu daaglag amunu, tueb meeb amu, sipsip gumak danab ag Pilistia dilag aab okkai laa Askelon, appan danab laulkadppa niiglag. Aɗinu sipsip gumak danab ag anam hekkulag? Yawe, ahilag Kayak, Nug ag atognoatta, aɗi keeke bau daaglagnu daatte amu, Nug ag madakku.

Aposel 23:34

Pol nug dayeye, Peliks nug ad uɗug amu ebqewowa, nug Pol oɗ mettom. “Na apan diig am prowins attenppa daatte?” oɗ mettom. Oɗ mette amu Pol nug aum. “Da am Silisia danab,” awa aum.