Epesus 4:9 - Nobonob Baibel

⁹ Amge, “Nug attan teum,” amu diig attemun? Nug wan ooppa iite noum? Yo, Nug tatam wan ooppanab noum.

Epesus 4:9 ပူးပေါင်းရင်းမြစ်များ

Genesis 11:5

Danab ag anam heegeg amu, Yawe Nug ahilag aab okkai, amu lag attan ta ukkak ahilag ele anidkkunu neum.

Sam 139:15

Da anil ooppa daye, meul medette, ebehil ba ɠagattag medette aniɗme. Ao, da anai ooppa, laanu neekkakppa da beɗul am danab beɗu iitta bia haenppa, haen amuppa da meul elele medette aniɗme. Da anil ooppa ii digmemi, haen amuppa na deɗ oh, da bau daakkulnu dabmeme ele amu, na amu oh nahip bukppa yaame.

Sam 63:9

Laa ag da iuglagnu maidtteb ele, ag nauhkkulag. Ao, ag mauhna autna aoglag.

Sam 8:5

⌊Amunu diig am inam.⌋ Na hab daup nakokib anuqak hattame; danab ah ag ag nakokib waappa daatteb. Na binag amahlak oppiaawak ele, aria dagom onig ɠagattag ele ag mattame.

Eksodas 19:20

Amu kobol amuppa Yawe Nug Sinai qauko igippa na dayaya, Moses tekkunu onigppa e, aria Moses nug teum.

Prowerb 30:4

Aun nug hab aabppa tewowa, eɗua neum ele? Aun nug ulah awa, eppegppa aɗom? Aun nug yu, lamen nuhigppa hautom? Aun nug wan imu oh heum? Laa amu heum am onig aun? Nug bekka ele am onig aun? Na doottem amunu, ⌊da ele dookkulnu,⌋ na appe doyei!

Aisaia 44:23

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!

Esekiel 31:14

Ad laa amu anam heum amunu, da, Yawe, da ad laa baula anam ii hemanu attem. Ad amuam le guguittak dayaya, ad laa oh eɗata ta, dada ha, ‘Da laa oh eɗattak,’ aum amu, ad laa amubia ii hemanu attem. Ge, da Yawe, da ad laa le guguittak anam dayaya, elabnab amubia ii temanu attem. Aɗinu? Ag oh bunaɗkkulag, danab ag mauhtteb, moɗppa gona, mauhak daattebppa daatteb, amubia bunaɗkkulag,” awa atte.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Jon 3:13

Laippu laa nug hab aabppa ii teum. Iitta. Danab Bekkalag da aakkuib appa dayeye, hab aabppanu uɗimi.

Jon 6:33

Bret Kayak madatte ele, amuam laa hab aabppanu neum. Bret amu Nug wanppan danab ah bauklel madatte,” awa aum

Jon 6:38

Aɗinu? Da hab attannu wanppa uɗimi amu, da dahil dabmaknab awak dim lamidkkulnu ii uɗimi. Iitta. Da am laa, Nug da meiɗe uɗimi ele, da nuhig dabmaknab awak dim lamidkkulnu uɗimi.

Jon 6:41

Jesus Nug matu, “Da am hab aabppanu bret wanppa uɗimi,” awa aum amunu, Juda ag nuhignu oolagppa elele ii daye, akka akka nai kuɗum madippig.

Jon 6:51

Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Jon 6:58

Bret imu amu ag mamelkad aɗi maana lappig, amge dimppa mauhppig, am amubia iitta. Bret imu am hab aabppanu neum, am aun nug bret imu latte amu, nug haen oh bau daakku,” awa aum.

Jon 6:62

Anam dayeb amu Danab Bekkalag da, da anukka daadmi, aben amuppa eɗuen tebippi aniɗna amu, ag attem dooglag?

Jon 8:14

Aon aeg am Jesus Nug aum. “Am genab, da dahil nai madittem, amge dahilnu nai amu genab. Aɗinu? Da adeppanu uɗimi amu, da doottem, amu da eɗue gokkulnu amu, da amu ele doottem. Amge ag da adeppanu uɗimi, adeppa eɗue gokkul amu, ag ii dootteb.

Hibru 2:7

Na engel nakokib anuqak hattame; danab ah ag ag nakokib waappa daatteb. Na danab ah binag amahlak oppiaawak ele, aria dagom onig ɠagattag ele ag mattame.

Hibru 2:9

Amge ig Jesus anidttem. Engel ag onig okkai ele, danab ag onig amu nakok waappa aoppig daatteb. Amu Kayak he, Jesus Nug onig engel onig nakok waappa awa dayeye, Kayak Nug nuhig ehanittak okkai hamu mettak dabma danab oh eɗua diikkunu dabmeum, amu diig amunu Jesus Nug ig danab oh ig ehanigkkunu mauhom amunu, Kayak Nug humitta, binag amahlak oppiaawak ele, aria dagom onig ɠagattag ele mettom.