Epesus 4:4 - Nobonob Baibel

⁴ Ig Kristen oh, ig Kristus beɗu daattem, amu beɗu laippuib daatte. Kayak Ouɗi ele laippuib daatte. Amu keeke laa, Kayak Nug ig Kristen, ig keeke laa aognignu dabmak aɗat daagnignu oninigppa eum daatte, amuam bauklel amu, dabmak amu aɗa dayaknu am ele laippuib daatte.

Epesus 4:4 ပူးပေါင်းရင်းမြစ်များ

Sam 122:8

Da baeladppa, da lailad ele Jerusalem ippa ina daatteb amu, da ahilagnu dabmak anuqak awen, da, “Jerusalem ippa maɗoɗ daakkunu ool daatte,” attem.

Jeremaia 14:8

O Yawe, naib ig Israel ehanigkkutnu elele. Uug nau haenppa naib na ihinig Padal ii maknu ehanittak daattem. Anam amunu, na aab diig danab iitta bia daattemnu, o na danab laih gokkunu oiyaya, tuqan laippu ɗo danab wan laappa dayaya, buttua aha gotte, na amubia daattemnu,

Jeremaia 17:7

Danab laa nug laa dilagppa ehanittak aokkunu ooppa genab dootte amu, am anam aakku daakku, amge aun nug Yawenu ooppa genab dootte, nug itittak ena aokku.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Aposel 15:11

Doyeg! Ig Kayak, Nug ehanittak okkai, Naɗi Jesus Nug hamu megatte ele, amuppa Nug ig eɗua awikkom amubiaib Nug iitta aɗi ag ele amuppa eɗua diitte, oonigppa genab doottem,” awa aum.

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

1 Korint 10:17

Bret kunum laippuib daatte, amu ig danab ah kuɗum amuppa beɗunig laippu daattem. Aɗinu? Ig oh am bret laippu amuib lattem.

1 Korint 12:20

amunu, beɗuppan laih naunau ag qagmeeg, beɗu laippu daatte.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Epesus 2:16

Nug ad emaitakppa mauhom, amuppa ameg aɗit amu ouaqate, aa laippu daattep. Ad emaitak amuppaib Nug kekeɗ kobol qe iitta me, Nug danab amu oh omalatta, Kayak toppa ukkom.

Epesus 2:18

Amunu ig ameg aɗit amu, ig oh Kristusnu uɗat okkaippa, Kayak Ouɗi laippunu ehanittakppa, ig oh Mame toppa gokkunignu elele.

Epesus 2:22

Kristusnu uɗat okkaippaib ameg aɗit amu ag ouaqe, laippu bena, ag Kayak Ouɗippa, Kayak Nug daakkunu laug aakku betteb.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Epesus 5:30

Aɗinu Kristus Nug tamaniak atognotte? Tamaniak am Nug beɗu bia daatte, amu ig tamaniak ooppa daattem ele, ig Nug beɗunu laih naunau kuɗum bia daattem, amunu Nug tamaniak atognotte.

Kolosi 1:5

Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.

Kolosi 3:15

Kayak Nug ag tamaniak laippu maɗoɗ ele daaglagnu ag onilagppa eum amunu, Kristusnu maɗoɗ, Nug ig megatte ele, maɗoɗ amu nug hanhan ag oolag gumebeb oiyeg! Amu ag hanhan Kayak amegppa, “Ena hen megattem,” aon aig!

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

1 Timoti 1:1

Da Pol, da Kayak, eɗua awikkak ihinig daatte amu, Nug Bekka Jesus, nuhig ehanittakppa ig ena daagnignu dabmak aɗat ameg mettem amu, da haknunab anak ahilahppa Kristus Jesusnu totol danab daattem.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.