Epesus 3:9 - Nobonob Baibel

⁹ Ao, Kayak Nug keeke oh hattom ele, Nug nuhig dabmak, iitta aɗi dilagnu, amu lokkume dayom. Dabmak amu nug lokkumak haen oh daattom, amge gemu Nug da nuhig dabmak amu miag mehuqkkulnu; Nug uɗat amuppa meiɗom.

Epesus 3:9 ပူးပေါင်းရင်းမြစ်များ

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Aisaia 44:24

Yawe, Nug ag qagaiettakppanu eɗua uhuqaknu ehanittak daatte, Nug he, nid anig ooppa ena mette, amubia nug he, ag Israel ag huu laippu daatteb amu, Nug atte. “Da am Yawe, da keeke oh hemi. Da dakka da hab hemi. Da dakka da wan ele hemi.

Matyu 10:27

Amu nai da tuqan madittem amu, ag amunppa mehuqnana, nai ag otiptip-ppa dootteb amu, ag lag koɗokko uɗem ukkakppa hippaidna daanna, enan mehuqeg!

Matyu 13:35

Nuhig hak amuppa amu, propet laa nai mattiom, nai amu elele mettom. Propet nug inam aum. “Da oɗel oppaten, keeke danab ag dootteb ii dootteb ele ouaqaten ippuanatten, nai madikkul. Da keeke digmak haenppanu lokkumak daye uɗie gemu batak amunu akkul,” awa aum.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Jon 10:30

Da Mamel ele amu i am laippu,” awa aum.

Jon 5:17

Ag anam heppig, amge Jesus Nug amelagppa aum. “Mama Nug hanhan uɗat heehe uɗiom, gemu ele haaha daatte, amu da ele uɗat hettem,” awa aum.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Aposel 15:18

Anukka Kayak Nug nai amu mattia aum, amu gemu ele Nug anamib atte.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

1 Korint 2:7

Amu nai ig mehuqttem ele, nai amuam Kayaknu doyak dabmak ena ele, nuhig dabmakppa daye, danab dilag neekkakppa miag atiak ii daya, lokkumak dayom ⌊uɗie, gemu batak⌋. Amu Kayak Nug wan ii beum haenppa, Nug nuhig doyak dabmak ena ele amuppa ig binag amahlak oppiaawak ele aognignu maittak awom daatte.

Epesus 1:4

Kayak Nug wan ii beum haenppa Nug ihinignu oo mauhe, Nug ig Kristusnu uɗat okkaippa ig nuhikkud danab ah oppiaawak ele daagnignu, ig danab ah oonigppa kaliak laa iitta ele daagnignu tituanikkom.

Epesus 3:2

Ag imu doon malappig bia doottem. Kayak Nug da ehanittak okkai hamu meɗa he, da ag iitta aɗi ag amelagppa Kayak Nug nuhig ehanittak okkai hamu mettak ag ele madakkunu hette, da amu mehuqkkulnu daattem.

Epesus 6:19

Ag da ehaniɗkkulagnu ele amu, ag Kayak Nug nai mattiak haenppa da oɗelppa nai meeb, da madikkulnu, amu Nug heeb, da baɗak iitta dayen, Kayaknu Nai Ena, tatam lokkumak dayom amu, da madikkulnu unuqitteg!

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Kolosi 1:26

Anukka Nai Ena amu danab buɗub oh amelagppa hanhan lokkumak dayom, amge gemu Nai Ena am Kayaknu danab ah oppiaawak ele, Nug ag amu anidkkulagnu oo daye he, amelagppa miag beum.

Kolosi 3:3

Aɗinu? Ag oolagppa genab dooppig, haen amuppa ag wan imuppan oiyak nau am uuna, gemu ag Kristusnu uɗatppa bauklel aoeg, Kristus Nug bauklel amu atognoowo, Kristus, ag ele, ag oh Kayak ouqak daatteb.

Kolosi 4:3

Ag ihinignu ele, ig Kayaknu dabmak Kristusnu, tatam lokkumak dayom, ig nai amu mehuqkkunignu amu, ag Kayak Nug ib babaitta megakkunu unuqitteg! Da nai amu mehuqaknu amu, da maniguittakppa daattem.

2 Tesalonaika 2:13

Amge O ig lainkad ag, Naɗi Nug ahilagnu oo mauhtte amu, ig ahilagnu hanhan Kayak amegppa, “Ena heme,” aot akkunignab. Aɗinu? Kayak Nug digmakppanu ag eɗua diikkunu tituanattom; amu eɗua diiak amunu diig laa am Kayak Ouɗi Nug he, ag oppiaawak daatteb, diig laa am ag doyak diig genabibnu oolagppa genab dootteb.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

1 Pita 1:20

Kayak Nug wan imu, nuhig keeke oh ii beum haenppa Nug tituanom, amge dimppa gog tak haen gamag imuppaib Kayak me uɗia, ag ehanadkkunu miag atiom.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Revelesen 14:6

Aria, da engel laa nug hagagaɗa, nug Nai Ena bauklel hanhannu ele, danab oh wanppa daatteb, amuam danab ah ag wanppan wan ohppanu, huu ohppanu, nai ohppanu amu beɗulag iɗu iɗu ohppanu ele, ag amelagppa mehuqkkunu hab waappa aben gamag amuppa ugekke anidmi.

Revelesen 17:8

Na doɗ dakkuɗ anidme amu, nug tatam dayom am gemu nug ii daatte, amge dimppa nug moɗ oɗe noa ukka batak iitta eleppanu bekku. Ba amu nug geha padal mekku. Wanppanu danab ah laala ag buk laa, amuam buk onig Bauklel Awe Onig Yaaknu Buk, Kayak Nug wan digma heum, haen amuppa ag onilkad buk amuppa ii yaak ele, ag doɗ dakkuɗnu ottaina dabmak kuɗum aoglag. Aɗinu? Anukka nug dayom, gemu ii daatte dimppa nug moɗppanu bekku.

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.