Epesus 2:8 - Nobonob Baibel

⁸ Ag Kayaknu oolagppa genab dooppig amu, amuppa Kayak Nug ehanittak okkai hamu matta, Nug ag eɗua diia, bauklel mattom. Nug ahilag uɗat, Nug amunu dabmaama ii mattom. Iitta! Nug ag ahilag daakkunu hamu mattom.

Epesus 2:8 ပူးပေါင်းရင်းမြစ်များ

Matyu 16:17

Pita a amu, Jesus Nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom

Matyu 20:9

Dad mameg nug anam a amu, uɗat nid ag aam ameg tanig eleppa uɗat digmeppig ele, ag uɗin, anen anen silwa men doɗo tanig ele aoppig.

Mak 16:16

Ag mehuqppeg doona amu, danab laa nug ooppa genab doya, layattak aweb, Kayak nug eɗua aokku. Laa nug ooppa genab ii doya amu, nug Kayak noobppa nai ele daakku.

Luk 7:50

Anam aeg amge Jesus Nug baula ah amu amegppa aum. “Na ootppa genab doome amunu, na Padal ii maknu ehanittak aome daattem. Na maɗoɗ ele ukke!” awa aum.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Jon 6:35

Aon aeg amu Jesus Nug aum. “Bauklelnu bret am da. Danab nug dahilppa dotte amu, nug enug qak baula ii dooma. Am danab nug dahilnu ooppa genab dootte amu, nug le baag diiak baula ii dooma.

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

Jon 6:44

Am laa nug nukka dahilppa dokkunu elele iitta. Mame, Nug da meiɗe uɗimi ele amu, Nug laa amu ehanidkku dayeb aakkuib, nug dahilppa dokku. Dokku amu, da nug wan haen malakppa maɗedakkul.

Jon 6:65

Jesus Nug anam ana, Nug nai tuɗitta mattiaya aum. “Diig amunu da ag amelagppa ami. Laa nug nukka nuhig dabmakppa amu da gumiɗa ii doma. Iitta. Mame Nug laa ehanidtte, nug aakkuib da gumiɗa dotte,” awa aum.

Aposel 13:39

Ɗo Moses eppegppa uɗiom amu, amuam heeb, danab nug genab tutukku hak danab daakkunu elele iitta. Amge danab imu, Jesus, aun aɗi ag nuhignu oolagppa genab dootteb, ag nuhigppa genab tutukku hak danab bena daatteb.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 15:11

Doyeg! Ig Kayak, Nug ehanittak okkai, Naɗi Jesus Nug hamu megatte ele, amuppa Nug ig eɗua awikkom amubiaib Nug iitta aɗi ag ele amuppa eɗua diitte, oonigppa genab doottem,” awa aum.

Aposel 16:14

Amu ah laa onig Lidia, nug amu Kayak noobppa dup noa binag meum ele, nug nai amu doyom. Nug am aab okkai Taiatairanu ah, amu nug lamen perpel awa me, laa daden meegeg,, amuppa nug men doɗo aottom. Naɗi Nug he, Lidianu dabmak am matulak daye, Pol nai mehuqeqe doya, dookkunu nug daug hume, oo eɗuom.

Aposel 16:31

Anam a amu aa apiɗ. “Na Naɗi Jesusnu ootppa genab dookkutoitte. Haen na anam hekkut amu, Kayak Nug na eɗua awidkku; na amu na baenadppa ele oh eɗua diiadkku,” aoya apiɗ.

Rom 10:14

Amge laa ag nuhignu oolagppa genab ii dootteb ele, ag attem hena, onigppa ekkulag? Amu laa ag nuhignu nai ii dooppig ele, ag attem hena, ag nuhignu oolagppa genab dooglag? Amu laa nug ag amelagppa ii mehuqeb amu, ag attem hena dooglag?

Rom 10:17

Amunu ooppa genab doyaknu diig amu Nai Ena doyak, amu haen danab nug Kristusnu nai mehuqtte amu, danab ah ag nai Ena dootteb.

Rom 4:16

Amu Kayak Nug nai qakka ana, ig eɗua awigkkunu aum, amge ig amu hamu mauhnoak aognignu ii aum. Iitta. Ig nuhignu oonigppa genab doota, ig aognignu aum. Ig ɗo dim lamidta aognignu ii aum. Ig ooppa genab doyaknu ib, ig ib amuppa aognignu diig am, ig Kayak Nug ehanittak okkai hamu megatte, kobol nuhig amuppaib ig aognignu babaittom. Aria, ib amuppa awaknu daatte dayeb amu, ig Abraham buɗub oh, laa ig Juda danab, laa ag Juda danab iitta, ig oh ig Abraham ooppa genab doyom, amubia ig oonigppa genab doot, nug buɗub daattem ele amu, ig oh ib amuppa Kayaknu keeke ena genabnab aognignu doognig. Aɗinu? Ib amuam danab oh tonadkkunu elele daatte. Anam daatte amunu, Abraham nug am ig oh ig mamenig daatte,

Rom 4:5

Amge danab nug nukka, nuhig uɗatnu, nug ib amuppa genab tutukku hak danab bekkunu ii dabmette, iitta, nug Kayaknu ooppa genab dootte, Kayak Nug he eheɗ hak danab ag genab tutukku hak danab daatteb amu, Nug danab amu nuhig ooppa genab doyak antta, “Nug am genab tutukku hak danab,” awa atte.

Rom 9:16

Anam amunu, Kayak Nug anam hette, amunu diig am danab laa nuhig dabmakppanu keeke iitta, uɗat ena hette amuppa ele iitta. Amuam Kayak Nug oo gai-iitta doya oo metta ehanittak kobol nuhig, Nug amuppa hette.

Galesia 3:14

Kayak Nug Abraham itittak ena mettom amu, Nug itittak ena amu aakkuib Kristus Jesusnu uɗatppa, Nug iitta aɗi ele madakkunu, ig Kristen oh ig Nai Ena doout, oonigppa genab doottem, amuppa ig nuhig Ouɗi megakkun nai qakka aum amu, ig Nug aognignu, Kristus Jesus Nug ig ihinig hipuninnu qagaiettakppanu eɗua uhuqak ha mekkom.

Galesia 3:22

Amge Kayak nai danab oh hipunin waappa daatteb ippunigtte amunu danab oh, ag Jesus Kristusnu oolagppa genab dootteb ele, Kayak Nug keeke madakkunu Abraham amegppa nai qakka aum ele amu, ag aoglagnu elele daatteb.

Epesus 1:19

Amu ele, da ag nuhig ɠagattag okkainab, batak iitta ele, ɠagattag amu ig ooppa genab doyak ele, ihinigppa niitte, ɠagattag amu ihinigppa uɗat hette ele amu, ag ɠagattag amu ele dooglagnu unuqidttem. Ɠagattag amuam Kayak Nug nuhig ɠagattagppa he, Jesus eɗua hibaittom, amu aakkuib.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Epesus 2:5

haen ig hipunin heta, mauhak bia daatta, Kayak ii dim lamidttamut ele, haen amuppa Kayak Nug Kristus maɗette ahe, ig ele bau mekkom. Nuhig ehanittak okkai hamu megatte amuppa aakkuib Kayak Nug ig eɗua awikkom.

Kolosi 2:12

Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.

2 Tesalonaika 1:9

Naɗi Nug danab amu nob nau, padal mak hanhannu matteb, ag Nug toppa, nuhig ɠagattag okkainabppa ele ii daamna.

Hibru 6:4

Danab ag Kayak nai ena aoppig, ag matu hab attannu ɗo ena aon oolagppa meppig, ag Kayak Ouɗi ele aoppig,

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.