Epesus 2:4 - Nobonob Baibel

⁴ Amge Kayak, Nug ihinignu oo mauhak okkai dootte ele, Nug oo gai-iitta doya oo metta ehanittak kobol okkai ele dim lamidtte amu,

Epesus 2:4 ပူးပေါင်းရင်းမြစ်များ

Nehemaia 9:17

Ag nahip nai dooglagnu uuppig. Ag hak kuɗum laa, danab hekkunu elele iitta, hak amu na ag noolagppa heme anidppig ele, ag hak amu daulag atiom. Ag na oɗen dim lamidmananu dabmak ahilag ɠagattag eppe henan, ag nahip nai tappaeg neene, ag danab laa nug ag noolag awa diieb, ag eɗun, Isip wanppa gona, eɗun ahilkad begbeg maɗi nid daaglagnu tituanppig. Ag amu oh heppig, amge na Kayak, ⌊na am kayak laa bia iitta. Iitta!⌋ Na danab hipunin hette ele, ⌊nug oo eɗueb,⌋ na hipunin amu uhuqna medattem. Na oo bodoette enanag maɗoɗ ele hak kobol dim lamidttem. Na danab ah dilagnu oot bodoetta, le mette. Na oot paha ii nauhtte. Nahip oo mauhaknab kobol am amba, leta nette. Na anam daattem amunu, na ig mamenkad aɗi amu, na ag ii uuadme.

Sam 145:8

Yawe Nug haen oh aɗi hette amu, Nug oo bodoette enanag maɗoɗ ele hette. Nug danab ah dilagnu oo gai-iitta doya oo matta ehanadtte. Nuhig oo nauhak paha ii bette, Nug danab ah dilagnu oo mauhaknab dootte.

Sam 51:1

O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Sam 86:15

Amge O Naɗi, na kayak laa bia iitta; na am Kayak oo bodoetta le mak kobol, oo bodoette enanag maɗoɗ ele hak kobol ele dim lamidttem. Na paha oot ii nauhtte, amu nahip oo mauhaknab kobol, oo metta ii uuak kobol ele am ambeya, letaya nettep.

Sam 86:5

Aɗinu? O Naɗi, na am enanag. Na danab ah, ahilag hipunin uhuqna madattem. Nahip oo mauhaknab kobol am amba, leta nette, amu danab ah ag na ⌊ahilag hipunin uhuqna madakkutnu⌋ unuqidtteb amu, na amu dilagnu oo mauhaknab kobol nahip amu dim lamidttem.

Eksodas 33:19

Nug anam a amu, Yawe Nug Moses amegppa eɗua, nob ma inam aum. “Da geha dahil kobol ena oh na ippunittoya, geha da onil, Yawe, da amu na noomppa mehuqkkul. Doye! Da danab laanu oo gai-iitta doya oo metta ehanittak kobol dim lamidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul.

Aisaia 63:7

Yawe Nug ig Juda, Nug ihinignu oo mauhaknab doya, Nug keeke ena kuɗum, ig keeke amunu Nug binag mekkunignu daatte amu, Nug amu heum. Nug kobol ena kuɗumnab ig Israel, ihinignu haaha, Nug ihinignu oo gai-iitta doya, oo mekka ehanikkom. Nug ihinignu oo mauha, anamib daatte amunu, da amunu laa amelagppa madikkul.

Jeremaia 31:3

Amu anukka Yawe Nug ig Israel danab gumikka uɗia, Nug mattiaya inam aum. “Da oo mauhak tuqa ii awak eleppa ahilagnu ool mauhom, gemu ele amu hettem. Ao, da oo mauhaknab kobol dim lamittette, dahilppa uɗiglagnu eeɗadmi.

Daniel 9:9

Ig na dimettat, nahip nai tappaut neum. Ig na, Yawe, na ihinig Kayak, ig na oɗen ii dim lamidmut. Ig nahip ɗo, na nahip propet, ag nahip maɗi nid amu, na ag oɗelagppa ɗo amu ig mekkaeg, ig amu dabmetata, ii dim lamidmut, amge O Naɗi, na ihinig Kayak, na danab dilagnu oot gai-iitta doon oot mattan ehanadttem. Na danab ah dilag hipunin uhuqna madattem.

Luk 1:78

Kayak ihinig Nug oo gai-iitta doya oo metta ehanittak kobol naɗi ele amunu, Nug ig ehanigkku. Geha Nug heeb, hab aabppanu amahlak uɗia, ig amahaligkku.

Rom 10:12

Nai amuam ooppa genab doyaknu kobolnu Juda amu iitta aɗi ele ag Naɗinu neekkakppa huu piɗe piɗe daatteb ii ippunigtte. Iitta! Kayak laippuib, Nug am danab oh dilag Naɗi daatte, amunu danab aun aɗi ag Nug onigppa etteb ele, Nug ag itittak ena okkai madatte.

Rom 2:4

Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?

Rom 5:8

amge ig am hipunin danab daautut, Kristus Nug ihinignu mauhom, amuppa Kayak Nug ihinignu oo mauhtte amu, Nug ig ippunigtte.

Rom 9:23

Nug amu heumnu diig am, amuppa Nug laa Nug ahilagnu oo gai-iita doya oo metta ehanittak kobol dim lamittom, Nug ag anukka Nug ele daaglagnu tituanattom amu, Nug nuhig binag amahlak oppiaawak okkainab ele ippuanattom.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Epesus 2:7

Nug anam heumnu diig am, Nug nuhig ehanittak okkai hamu mettak laa oh eɗattak kobol, Nug amu dim lamittatta, ig Kristus Jesusnu daattem amu, Nug ihinignu oo bodoettak kobol dim lamidtte, Nug danab oh butti aɗi haen amu daaglag amu ippunadkkunu heum.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

2 Tesalonaika 2:13

Amge O ig lainkad ag, Naɗi Nug ahilagnu oo mauhtte amu, ig ahilagnu hanhan Kayak amegppa, “Ena heme,” aot akkunignab. Aɗinu? Kayak Nug digmakppanu ag eɗua diikkunu tituanattom; amu eɗua diiak amunu diig laa am Kayak Ouɗi Nug he, ag oppiaawak daatteb, diig laa am ag doyak diig genabibnu oolagppa genab dootteb.

1 Timoti 1:14

Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.