Epesus 2:2 - Nobonob Baibel

² Haen amuppa ag wan imuppan kobol nau, ouɗi nau ikkilag Satan ele dim lamidppig. Gemu ele danab ag Kayak oɗe ii dim lamidtteb amu, ag Satan waappa daatteb.

Epesus 2:2 ပူးပေါင်းရင်းမြစ်များ

Job 1:16

Danab amu nug uɗia, nai amu Job amegppa mattia dayeye, nai awa uɗiak danab laa nug qaietta uɗia, Job toppa ta, amegppa aum. “Kayaknu aab aɗu, hab attannu na, sipsip oh, gumitta danab oh ele ewatte, iitta meppig. Da dakka aab da ii eiɗe, da oole, na amenppa akkulnu uɗimi,” awa aum.

Job 1:19

ulah naɗi, naunab laippun atu taɗakppanu uɗia, lag huana ya loppaɗe, lag aakku na qeum. Lag na qa, laa oh lag amuppa daappig ele tonatte, ag mauheg, da dakka, da ii toniɗe, da oole, na amenppa akkulnu uɗimi,” awa aum.

Job 1:7

Ag oh gona daaegeg, Yawe Nug Satan oɗ mettom. “Na adeppan uɗime,” awa oɗ mettom. Nug anam oɗ mette, am Satan nug nob ma aum. “Iitta. Da wan qaɗe ohppa ukken oiyeye, eɗue doinne hein, aakku uɗimi,” awa aum.

Job 31:7

O iitta, da ib apiɗitten, ib nauppa oilomlob, O iitta, da oolppa aɗi kobol helomnu doomi, amge da keeke laa amel qeeb, nau amu helomlob, O iitta, da eppelppa kobol dubuttid ele laa helomlob amu,

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Aisaia 30:1

Yawe Nug atte. “Juda danab ag hib guitta danab ah daatteb. Ag ib laa, da ag ib amu ii ippunadmi amu, ag maittak amu aon, ib amu dim lamidtteb. Ag danab dilagppa ehanittak aoglagnu nai qagatteb, amge dahil Ouɗi Nug ag amu hekkulagnu ii ippuanattom. Kobol ahilag amuppa amu, ag hipunin ahilag tuɗitteg, okkainab metteb amunu, ahilagnu am gadonnab gadon.

Aisaia 57:4

Ag danab eheɗ hetteb ele, ag ⌊danab Kayak dim lamidtteb⌋ anadna, ag aon aon aqadtteb. Ag ⌊danab Kayak dim lamidtteb⌋ anadna, ag ahilagnu nai nau atteb. Ag danab eheɗ hetteb ele, ag ⌊danab Kayak dim lamidtteb⌋ anadna, ag kalemlem aqadtteb. Ag Yawe waappa daaglagnu uun, nuhig nai tappaeg nette. Ag hambuppuak danab buɗulkad.

Jeremaia 23:10

⌊Propet ag danab ah ib eheɗ ippunadtteb amunu,⌋ Juda wanppa danab ah huanak ag gappai hetteb. Ag amu hetteb amunu, ag eheɗ laa awaknu anak waappa daaegeg, gu ii neene, wan qaɗaiettaknab dayeye, gikkiɗah ele qaɗaiettom. Propet ag eheɗ henan oinna, ag ehah ahilag ib eheɗppa uɗat mettanna, ag danab ah eheɗ hadatteb.

Hosea 10:9

Yawe atte. “O Israel danab ah, anukka Gibea appa ag hipunin naunab laa heppig; ag amu heeg uɗie uɗie, gemu ag tuɗidna hipunin henan daatteb. Gibea appa danab eheɗ heeg, Israel laa oh ag ahan, ban heeg, Gibea aɗi ag iite nauhppig? ⌊Amu Israel danab ah ag gemu eheɗ henan daatteb amu, ag ele bu iite aoglag?⌋

Lewitikas 11:16

hipunai qeqeɗi ele, hipunai gayak baag eheɗ ele, kanai, kihkih digdig,

Matyu 11:19

Aria Danab Bekkalag da, da uɗien, ee, le ele lattem amunu, ag atteb. ‘Antteg, Nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb. Amge doyak dabmak ena ele am keeke genab amu, ag nuhig hakppa genab anidkkulag,” awa aum.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Matyu 13:38

Aria, dad okkai amu wan atu oh ippunigtte. Ee aeg ena amu Kayaknu ɗo maɗoɗnu danab. Aria, gikkiɗah nau amu Satannu danab.

Mak 4:19

amge ag wannu haen imunu uug laala, amu enub awak uɗat amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Luk 16:8

Uɗat gumak danab nug ib laa doyak ele, amge ib amu ele am ena iitta, nug ib amuppa keeke amu he beum amunu, nuhig okkai nug gumak danab nug uɗat kaliak amubia hekkunu doya aut autanab awak dayeyenu aum. Aɗinu ⌊nug anam aum⌋? Wannu haen imuppan danab amu, ag ahilag uɗat hekkulagnu elelenab, ag amuppa, ag danab amahlakppanu eɗadtteb,” awa aum.

Luk 22:31

Jesus Nug nai amu mattiowa Nug Saimon onig diia, baula aum. “Saimon, Saimon, na doye! Satan nug matu ag ahilag ooppa genab doyak am ɠagattag o ɠagattag iitta anttaknu, uug madakkunu Kayak oɗ mettom,

Jon 12:31

Gemu amu, wan imuppan danab oh dilag epeɗiak haen. Gemu haen imu amu, Kayak Nug heeb, wan imunu gumak danab nug gumak aben nuhigppa ii daama.

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Jon 13:27

Judas ee amu awe amu, Satan nug ooppa noum. No amu Jesus Nug Judas amegppa aum. “Keeke na hekkutnu hettem am paha he!” awa aum.

Jon 14:30

Wan imuppan okkai nug amu, nug uɗat nuhig hekkunu haen miag beum daatte amunu, da ag ele nai kuɗum baula ii mattimta. Nug dahilppa keeke laa hekkunu ɠagattag iitta,

Jon 15:19

Ag wan imuppan danab ah wannu kobol dim lamadtteb ele laippu daalob, wan imuppanu danab ah amu ag ahilagnu ag lailkad bia doon, ahilagnu oolag mauhlob, amge ag wan imuppan danab ah amu ele laippu iitta. Da ag danab amu oolagppanu tituanatten, wan imuppanu kobol uuglagnu ag maadmi amunu, diig amuppa ag ahilagnu kekeɗ daatteb.

Jon 16:11

Nug epeɗiaknu ele ippuanatteb, ag dooglag, wan imuppan okkai, Satan, nug aakku epeɗiak awa mala, nob nau aokkunu daatte.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Jon 8:23

Aon aeg am Jesus Nug nai tuɗitta aum. “Ag am honapnu, da amu attannu. Ag am wan imuppanu, da amu wan imuppanu iitta.

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Aposel 19:35

Anam heeg, dimppa Epesus aab okkainu ɗo mettak danab amu nug he, danab ah ag toetteg, nug amelagppa aum. “Epesus danab! Wan ohppan danab oolagppanu amu aun laa nug Epesus, aab okkai imuppan danab, ig Artemis, nug onig, ɠagattag ele, ig nuhig nigul hab attannu iguppa na qeum amu, ig nuhig mettid lag ele gumat-ttem ii dootte?

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

1 Korint 5:10

Da anam yaami, amge da ag wan imuppan gappai danab oh, o baubau awaknu hik qak danab oh, o nai ittag ele mattiaya yabhoi hak danab oh, o kayak hambuppuak binag mak danab oh ele uuadkkulagnu ii ami. Ag anam helob amu, ag wan imu uuglagnu daalob.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

Galesia 1:4

Kristus Nug Kayak, ig Mamenig, Nug oo dayom amu dim lamitta, Nug ihinig hipunin uhuqa megakkunu, Nug nukka bau dayak nuhig uua, ad emaitakppa mauhom. Nug anam heumnu diig am, Nug ig kobol nau, gemu wannu haen imuppa daatte, amu waappa ii daamtanu heum.

Epesus 1:21

Gemu Nug attannab, laa oh eɗattak daatte; Nug laa gumak uɗat anuqak hetteb, laa ag gumak uɗat ɠagattag ele hetteb, laa ag gumak uɗat okkainab hetteb, laa ag gumak uɗat okkai hetteb, aria laa ag onilkad ele, Nug amu oh eɗadtte. Gemu haen imuppa Nug anam daatte, wan haen malak dimppa ele anamib daakku.

Epesus 2:11

Aria ag iitta aɗi, anukka Juda, ag akka eppelagppa ag beɗulagnu gaɗalag otaɗtteb ele amu, ag ahilagnu amu, “Ag gaɗalag ii otaɗtteb ele,” aon adappig amu, ag iitta aɗi ag anukka attem daadttappig amu daulagppa doaɗ!

Epesus 2:13

Amge gemu ag Kristus Jesusnu daatteb. Ag tatam uma daappig, amge Kayak Nug Kristus tiigppa ag omalatte, Nug gumidna uɗippig.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

Epesus 4:17

Amunu da imu ag amelagppa attem. Da Naɗi onigppa iikku ɠagattag madittem. Ag nai imu aotteb ele amu, ag iitta aɗi ag dabmak apiɗidna oitteb ele amu, ag kobol amubiappa baula aib oippig.

Epesus 4:22

Anam amunu, ag nai aoppig bia, ag oolag alag, nug dabmak eheɗ awa, kobol nau digdig hekkunu dabmaama, mauhkkunu hette ele, nug he, ag matu nuhig dabmak dim lamidppig ele amu, ag oiyak amu uueg!

Epesus 5:6

Laa nug nai hamu mattiakppa ag eeɗatteb, kobol nau oh amuppa nomananu dabmeig! Aɗinu? Kayaknu oppoɗi bak uɗitte ele am danab oh ag Kayaknu ɗo tappaeg nette ele, ahilagppa daakku

Epesus 5:8

Anukka ag gatatuppa daadttappig, amge Naɗi Nug gemu ag amahlakppa maattom. Amahlaknu meu am kobol ena, genab tutukku hak kobol, amu doyak diig genabib ele amunu, ag kobol Kayak Nug amunu oo hette ele amu doon aonna, ag amahlaknu danab oitteb, amubia ag amahlakppa oiyeg!

Epesus 6:12

Aɗinu? Ig danab ele ban ii hettem. Iitta. Ig wan imuppan gatatu kobolnu ikki danab oh, danab gumaknu ehah ele oh, aria ɠagattag oh ele, ag am ouɗi nau ig danab ig amenigppa ag anadkkunignu elele iitta, ig ag ele ban hettem

Kolosi 1:21

Anukka ag Kolosi danab ah ag dabmak eheɗ aon, kobol nau ele heppig amunu, ag Kayaknu kekeɗ daappig. Ag Kayak ele ouqak ii daappig, piɗe laih daappig.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.

Jems 1:7

Danab anam amu, nug Naɗi Nug keeke laa nug medakkunu ii dabmema.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

1 Pita 1:14

Ag Kayak bekkod Nug oɗe dim lamidna oitteb bia, ag anamib oiyeg! Ag anukka kobol genab ii dooppig daanna, ag beɗu ahak ahilkad dim lamidppig amu, gemu ag anambia aib heppig.

1 Pita 4:3

Danab ag Kayak bekkod iitta, ag kobol nau digdig hetteb. Aria, ag gemu nai imu aotteb amu, ag ele anukka kobol anamib hedappig, amge gemu ag ii hetteb. Laa ele amu, ag baula aib heppig! Kobol amuam inam. Hipaɗu ahak kobol, oo hak nau kobol, le ɠagattag lawowa kaaka qak kobol, goɗak qiɗ nau ele hak kobol, le ɠagattag lana mauhnoak oiyak kobol, kayak hambuppuak binag mak kobol ele; Kayak Nug kobol amunu ooppa uuaknab dootte.

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

1 Jon 4:4

O nid naunau dahilad, ag am Kayaknu amunu, ag propet hambuppuak eɗadppig. Aɗinu? Laa ag oolagppa daatte amu, Nug onig, ɠagattag ele am wan imuppan okkai eɗittak.

1 Jon 5:19

Ig doottem, ig Kayak bekkod daattem, amge wanppanu danab ag Satan waappa daatteb.

1 Jon 5:4

Aɗinu? Danab aun aɗi ag Kayak bekkod daatteb ele, ag wan imuppan kobol nau amu eɗidna, ɠagattag daatteb. Ig Jesusnu oonigppa genab doottem amu, amuppa ig wan imuppan kobol nau eɗidttem.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Revelesen 16:17

Aria, engel ebqak 7 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, ulahppa ukke amu baag okkainab laa Kayaknu sia king, Kayaknu mettid lag ooppa dayom ele amu, aben amuppanu huanaknab e, ewak baag dimittim doum. Nug aum. “Iikku malom!”

Revelesen 20:2

Nug mat naɗi anukkanunab aɗom. Nug am baeg qak danab, onig laa am Satan. Nug nug aɗa, maɗ 1,000 daakkunu hippalom.