Eksodas 9:9 - Nobonob Baibel

⁹ Aa anam hepeɗ amu, aria aab uhuɗ amu geha gappud wan tonatte bia ba, Isip wan oh elele metteb, haen uhuɗ amu danab, doɗ ele beɗulagppa na qeeb amu, Isip wan ohppa ag beɗulkadppa mamattin ba, ihilag okkai mekku,” awa aum.

Eksodas 9:9 ပူးပေါင်းရင်းမြစ်များ

Job 2:7

Yawe Nug anam aum amunu, Satan nug Yawe toppanu aha ukkom. Nug aha ukka, nug he, Job ihi naud, guittak okkainab ele beɗu ohppa beppig. Nug ikki mugippanu noa ukka, baekuɗ oo batak ihi naud amu beppig.

Eksodas 9:10

Nug anam aum amunu, Moses, Aron ele aa aab uhuɗ aoya goya, aa Paro noobppa hippaidya daayya, Moses Nug aab uhuɗ amu tauɗe, attan teum. Aria, aab uhuɗ amu he, danab ah, doɗ ele ag beɗulag ohppa mamattin ba, mamattin amu yu qa, toɗa, ihilag mettom.

Eksodas 9:8

Aria, amu dimppa amu, Yawe Nug Moses, Aron ele amelahppa inam aum. “Aa brik manak lag laappa goya, aab uhuɗ laa aoya, Paro gumidya ukkeɗ! Aa goya, Paro gumidya teya, amu Moses na aab uhuɗ amu Paro noobppa tauɗppe tekku!

Duteronomi 28:27

Yawe Nug geha Isip dilagppa mamattin he aqom bia ahilagppa heeb bekku. Nug heeb, ag beɗulagppa mamattin beppeg, beɗulagppa ihuanhuan, yu qak ele kuɗum ele daappeg, nahig huana aqakku. Ag heppeg, oɗe digdig amu iitta ii memana.

Duteronomi 28:35

Yawe Nug geha mamattin nau heeb, digmak ag gatelagppa, baelagppa ele digma ba ukka ikkilagppan noak baelagppa batakku. Ag mamattin amu qeppeg iitta mekkunu elele iitta daakku.

Revelesen 16:2

Anam a amu engel ebqak 1 nug wana, oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, wanppan danab ag doɗ dakkuɗnu epponak keeke aona, ag nug dottog noobppa dup nona binag metteb ele, amu dilagppa noum. No, ihilag naunab matte, eheɗ guattom.