Eksodas 9:34 - Nobonob Baibel

³⁴ Amu keeke amu oh iitta me, Paro nug hakkaɗ qak uue, ais doɗo ii ne, gu mataɗom ele antta, nug hipunin baula heum. Nug amu nuhikkud ehanittak anuqak danab ele ag baula heeg, ahilag dabmak am ɠagattag eppom.

Eksodas 9:34 ပူးပေါင်းရင်းမြစ်များ

2 Stori 28:22

Uug digdig amu be, King Ahas nug doyom, amge uug amu beebe, nug eɗua, Yawe dim ii lamittom. Iitta. Nug tuɗitta, Yawe ippunittomnu oo metta ii uuak kobol dim lamidkkunu uua auta autanab awa oiyom.

2 Stori 33:23

Amon nug mameg heum bia anam heum, amge nug mameg Manase, nug uug nau doya, nukka Yawe noobppa nug onig qe neum, amu Amon nug anam ii heum. Iitta. Nug he, nug beɗuppa aab tuɗittak, okkai dayom.

2 Stori 36:13

King Nebukatnesar nug nug waappa daakkunu nuhig nai ɠagattag qetta anaknu duttune, nuhig nai Kayak onigppa ɠagattag qedata, anam aum, amge nug amu ha dimppa nug dabmak eɗue, Nebukatnesarnu nai tappe neum. Nug nuhig dabmak he, ɠagattag eppe, nug eɗua, Israel dilag Kayak, nug Yawe amu, nug Nug dim lamidkkunu uuom.

Eksodas 4:21

Am Yawe Nug Moses amegppa aum. “Dimppa na gona, Isip tewona amu, na kobol danab haknu elele iitta, da na kobol amu na hekkutnu ɠagattag mettami amu, na amu oh Paro noobppa hekkut. Na anam hekkut amge da heppi, Paronu dabmak aakku ɠagattag ebakku. Nuhig dabmak am ɠagattag eppa dayebeb, Paro nug danab ah uuatteb ii gomana.

Eksodas 7:14

Paro nug anam he, aria Yawe Nug Moses amegppa inam aum. “Paro nug nuhig dabmak am ɠagattag eppak daatte; nug Israel paɗatteb gokkulagnu ii hette.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Eksodas 9:33

Aria, Moses nug Paro uuitta, aab okkai dimittim ukka, nug eppeg hume attan te, Yawe unuqittom. Unuqitte, hakkaɗ baula ii qe, ais doɗo baula ii ne, gu huana ele ii neum; mataɗom.

Eksodas 9:35

Genab, Paronu dabmak ɠagattag eppe dayeye, Israel paɗatte ii goppig; Yawe Nug Moses oɗeppa aum, nug amubia heum.

Eklisiastis 8:11

Danab eheɗ hena, ag paha bu ii aotteb dayeb, danab oh ag hibguitta henana, kobol eheɗ digdig hekkulagnu dabmetteb.

1 Samuel 6:6

Ag Isip danab, Paro ele heppigbia aib heppig. Isip, Paro ele ag Kayaknu nai dim lamidmananu dabmak ahilag ɠagattag eppe, ag ii dim lamidppig amunu, Kayak uug naunab mattom. Matte, ag heeg, Israel ag ahan, atu laih gokkulagnu goppig.