Eksodas 9:30 - Nobonob Baibel

³⁰ Amge da doottem, na, nahipad ehanittak anuqak danab ele, ag Yawe Kayaknu tutukku ebehilag oh bodoetta le ii mette,” awa aum.

Eksodas 9:30 ပူးပေါင်းရင်းမြစ်များ

Eksodas 8:29

Aria, Moses nug eɗua inam aum. “Haen da na uuitten gokkul, haen amuppa da Yawe unuqidppi, butti Nug qid na lautppanu, am nahipad ehanittak anuqak danab laulkadppanu, am nahipad danab ah laulkadppanu ele lamadkku. Nug lamadkku, amge na eɗun, ig baula aib hambuppuigme. Na eɗun, Israel danab ah gona, doɗ main Yawe mettaglagnu ib baula aib oo neme,” awa aum.

Prowerb 16:6

Danab nug hipuninnu oo mauhaknab kobolppa, oo metta ii uuak kobolppa ele eheɗ haknu nob nau iitta mekkunu he elele medatte. Amu danab nug Yawenu ebehi oh bodoetta le mette doya amu, nug eheɗ ii hema.

Aisaia 26:10

Nau hak danab ah amu, ag genab tutukku hak kobol ii dootteb. Na ahilagnu kobol ena attem hekkut am ii ehanadma. Iitta. Ag eɗun, genab tutukku hak kobol hekkulagnu iinab dabmemana. Ag danab ah genab tutukku hetteb imu oolagppa daatteb, amge ag ahilag hak nau am ii uutteb. Ag tuɗidna henana, ag Yawe, Nug dagom onig ɠagattag ele daatte amu, ag amu dab-ii-metteb. Iitta!

Aisaia 63:17

O Yawe, da ig ib nahip ii ettamtanu, na ib laa oɗe oo ii nettemnu diig dookkulnu ool daatte. Ao, ig ebehinig oh bodoetta le mak kobol nahipnu dim ii lamidtutut, na ib amu oɗe ii oo nettemnu diig dookkulnu ool daatte. Ig am nahipad maɗi nid maɗi ah ele, amu na eɗun ehanigkkutnu oɗ medattem. Ao, ig Israel dilag huu okkai oh, ig am danab ah nahipadnab daattem, amu na eɗun ehanigkkutnu unuqidttem.