Eksodas 9:27 - Nobonob Baibel

²⁷ Ais anam neene, Paro nug Moses, Aron ele, aa gumidya gokkulahnu nai me ukke, aa gumidya ukkaeh, Paro nug aa amelahppa inam aum. “Da nai tappai ne, hipunin hemi. Yawe Nug am kobol tutukku hette, amge da, dahilad danab ah ele amu, ig eheɗ hettem.

Eksodas 9:27 ပူးပေါင်းရင်းမြစ်များ

2 Samuel 12:13

Natan nug anam Dawit amegppa a, Dawit nug aum. “Da Yawe, nuhigppa hipunin aakku hemi,” awa aum. Awa a amu, Natan nug ⌊Dawit nug oo eɗua auta autanab awe doya, nug⌋ aum. “Yawe Nug hipunin nahip aakku uhuqa mettom. Na ii mauhmana,

2 Stori 12:6

Semaia nug Yawe oɗe anam ag amelagppa a, King Rehoboam, Juda dilag ikki danab ele ag akka ag onilag qeeg ne, ag, “Yawe Nug hette imu amu, Nug genab nai doya mala hettoɗia epeɗia elele mettak kobol dim lamitta hette,” aon appig.

Sam 129:4

Amge Yawe, Nug aɗi hette amu, Nug genab tutukkuib hette. Nau hak danab ag da muɗippa hippaliɗppig ele, Nug muɗi amu otaɗom.”

Sam 145:17

Yawe Nug keeke oh hette amu, Nug genab tutukkuib hette. Ao, Nug aɗi keeke hette ele amu, Nug oo bodoette enanag maɗoɗ ele kobolppa hette.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Eksodas 10:16

Tap-lokus ag anam heeg, Paro nug paha Moses, Aron ele gumidya uɗiglahnu nai me ukkom. Me ukke, aa uɗieh amu, nug aa amelahppa inam aum. “Da Yawe, ahilag Kayak, da nuhigppa hipunin heinne, ahilahppa ele hipunin hemi.

Eksodas 10:17

Da amu hemi amunu, aa hipunin dahil gemu haen laippu laa ele uhuqya meɗaglahnu, da ool daatte. Aria, aa Yawe, ahilag Kayak, aa Nug unuqidya oɗ medapeɗ, keeke naunab imu Nug heeb, iitta mekkunu oɗ matattem. Keeke nau imuppa amu, da nauhttem,” awa aum.

Eksodas 8:25

Aakku Paro nug Moses, Aron ele onilahppa e uɗieh, nug aum. “Ag gona, Isip dilag wan ooppa doɗ main, Kayak ahilag metteg!” awa aum.

Eksodas 8:8

Anam daye, aakku Paro nug Moses, Aron ele onilahppa e uɗieh, nug aa amelahppa aum. “Aa Yawe unuqidpeɗ, Nug og ihinigppa daatteb amu, Nug heeb, iitta meppeg, am geha da nahipaɗ danab ah paɗadppi gona, ag doɗ main Yawe mettaglag,” awa aum.

Gayak Nai 1:18

Yawe ⌊bu mekkomnu, ig⌋ Nug genab tutukku hak kobolib dim lamidtte ⌊dootu⌋! Amunu diig am ig Juda danab ah, ig nuhig nai tappaut neum. Ag wanppan wan ohppan danab, ag doyeg! Ag neegna ihinig guittak antteg! Ihinkad nid danab bau, ihinkad ah makkun ele, kekeɗ ag wan laappan diia ukka laih me dayak danab ah daaglagnu diiatteg gona, appa daan oitteb.

Daniel 9:14

Ig amu hemut amunu na, Yawe, na heppe, uug naunab ihinigppa bekkunu ii uume. Aɗinu? Na, na am Yawe, ihinig Kayak, na am tutukkuib daattem. Na aɗi hettem, amu ele am genab tutukkuib. Ig na oɗen ii dim lamidmut, ⌊amunu na tutukku henana, bu mekkame⌋.

Namba 21:7

Anam mat emalatteg mauhattegeg, laa ag Moses toppa gona appig. “Ig hipunin hemut. Aɗinu? Ig Yawenu, nahipnu ele nai eheɗ amut. Amge na Yawe unuqidppe, Nug heeb, mat nau imu ag ii daamnanu oɗ medattem,” anan oɗ medappig. Ag oɗ mettaeg, Moses nug Yawe danab ah amu ehanadkkunu unuqittom.

Namba 22:34

Engel anam a amu, Balam nug Yawenu engel amegppa aum. “Da hipunin qemi. Aɗinu? Na da eheɗ hepanu ibppa daanna, dahil ib keldona daame amu, da ii doomi. Gemu, na da gokkulnu ootppa ena ii doottem dayeb amu, da eɗue gokkul,” awa aum.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Josua 7:20

Josua anam a amu, Aakan nug nob ma aum. “Am genab, da Yawe, Israel dilag Kayak, da nuhigppa hipunin hemi. Da inam hemi.

1 Samuel 15:24

Samuel anam a, amu Saul nug aum. “Genab, da hipunin hemi. Aɗinu? Da Yawenu haknunab anak, amu na oɗen ele dim ii lamidmi. Da dahilad daup baɗadmi amunu, da ahilag nai dim lamidmi,

1 Samuel 15:30

Samuel anam a, Saul nug aum. “Da hipunin hemi, amge dahilad danab ah Israel, amu dilag ikki danab, amu Israel laa oh ele, ag dahilnu eheɗ doomnanu, na ag noolagppa dahil nai imu dim lamidnana, amuppa na binal mekkutnu oɗ medattem. Dahil nai am inam. Da Kayak noobppa dup noin binag mekkulnu amu, na da ele oh eɗuɗ, Yawe, nahip Kayak, Nug binag mak abenppa goɗu!” awa aum.

1 Samuel 26:21

Dawit nug anam a, Saul nug aum. “Da hipunin hemi. O Dawit, na da bekkal, da baula eɗue nahip-ppa eheɗ ii hepa amunu, na eɗun uɗippe, da ele daagnihnu oɗ medattem. Aɗinu? Gemu na dahil bau dayak am keeke okkai dabmeme. Genab, da Kayak ii dabmein, ii dim lamidttitti, kobol dahil am elele iittanab iitta.” Nug anam aum.