Eksodas 8:9 - Nobonob Baibel

⁹ Am Moses nug Paronu nai nob ma inam aum. “Aakku ena. Da Yawe ehanidkkunu unuqidkkul. Na nakka da haen meɗappe amu, da geha Nug na ehanidkkunu unuqidkkul; da nahipnu, nahipad ehanittak anuqak danab dilagnu, am nahipad danab ah dilagnu ele, ag oh ehanittak aoglagnu, ag laulkadppa og iitta mekkulagnu, og ag geha le Nil amuppaib daaglagnu unuqidkkul,” awa aum.

Eksodas 8:9 ပူးပေါင်းရင်းမြစ်များ

1 King 18:25

Ag anam aeg amu, Elaiya nug Balnu propet amelagppa aum. “Ag amu kuɗumde! Ag tatam makau dawai laa tituanna, amu aon qena babaittona, ag ahilag kayak unuqidkkulag, amge ag aab amu aib amotppig,” awa aum.

Eksodas 7:25

Aakku, Yawe he, Nil le amu nauhe, deɗ eblaih aɗit ele ukkom.

Eksodas 8:10

Moses anam a amu, Paro nug aum. “Butti unuqitte!” awa aum. A amu, Moses nug aum. “Aria, na geha Yawe, ihinig Kayak, na laa Nug bia ii daatte dookkutnu, da na ame bia anam hekkul.

Eksodas 8:11

Og ag geha na uuidna, ag laulkad ele uun, am nahipad ehanittak anuqak danab, nahipad danab ah ele uuadna, ag daattebppa iinab daamna. Ag le Nil amuppaib daaglag,” awa aum.

Eksodas 8:8

Anam daye, aakku Paro nug Moses, Aron ele onilahppa e uɗieh, nug aa amelahppa aum. “Aa Yawe unuqidpeɗ, Nug og ihinigppa daatteb amu, Nug heeb, iitta meppeg, am geha da nahipaɗ danab ah paɗadppi gona, ag doɗ main Yawe mettaglag,” awa aum.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Namba 14:20

Moses nug anam unuqitte amu, Yawe Nug oɗeppa awa aum. “Na oɗ meɗame, amubia da hipunin ahilag aakku uhuqen madattem.

Ikki Danab 7:2

Israel dilag ban daup, Gideon ele ag Harot leppa haen tutu dayaknu aab kalaeg amu, Yawe Nug Gideon amegppa aum. “Na am ban danab kuɗumnab ele. Da ag oh daaglagnu paɗatten ehanadppi, ag oh Midian ele ban hekkulag dayeb amu, Israel ag dada hena, ag akka ahilag ɠagattagppa eɗadmut akkulag.