Eksodas 8:6 - Nobonob Baibel

⁶ Yawe Nug a, Aron nug dudqak hokkat huma attan aɗa, le epponatte amu, og kuɗumnab bena, Isip wan amu oh ambeppig.

Eksodas 8:6 ပူးပေါင်းရင်းမြစ်များ

2 Samuel 7:22

O Naɗi Yawe, na laa oh eɗattaknab daattem. Ig daunigppa doomut, amubianab laa na bia iinab daatte. Na nakka Kayak daattem, laa ii daatte.

2 Stori 6:14

nug unuqitta aum. “O Yawe, na am ig Israel, ihinig Kayak. Kayak laa na bia habppa, o honap wanppa ele laa ii daatte. Amu na nahipad maɗi nid maɗi ah ele, ag meulag ohppa nahip ib dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

Sam 105:30

⌊Nug he,⌋ og ag wanppa ambeeg, ag danab okkai laulkadppa niiak abenppa ele tena daappig.

Sam 78:45

Kayak Nug he, Isip wanppa qid ameg naɗi bena, Isip danab ah emalattegeg nauhppig. Nug og huanaknab maatte uɗin, ag heeg, danab ah Isipnu uug okkaippa daappig.

Sam 86:8

O Naɗi, kayak laa na bia laa iitta. Na danab keeke hekkunu elele iitta hettem, amge ag am anam iitta.

Sam 90:2

Na qauko ii hattame haenppa, ao, na wan, amu keeke oh amuppa daatteb ele ii hattame haenppa, na, O Kayak, na daame. Na am Kayak. Na hanhan anam daame, hanhan ele anam daakkut.

Eksodas 10:2

Da amu heminu diig laa am, geha ag Israel danab ah, ag da dahilnu dabmettaknu kobol danab haknu elele iitta Isip danab ah ahilagppa hemi, da Isip danab ah ɠagattag hattami ele amu, ag Israel ag kaya amu, ag bekkalkad, alalkad ele amelagppa madippeg dooglagnu hemi. Laa ele amu, ag Israel, ag dahil hak amuppa, geha ag oh da am Yawe dooglagnu hemi,” awa aum.

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Eksodas 7:19

Amu geha Yawe Nug Moses amegppa inam aum. “Na ⌊Paro amegppa anam awona, na⌋ Aron amegppa appe, nug dudqak hokkat nuhig amu awa, Isip le okkai oh, le nag oh, le ameg oh ele, amu epponattaɗ! Nug anam heeb, le amu oh eɗun, tiig daaglag. Le amu tiig eɗuglag amu, haen amuppa Isip oh dilagppa le tappiɗ, adppa hoippigppa daatte, am nippud menppa heppigppa daatte ele, le amu oh ele eɗun, tiigib daaglag.” Yawe Nug Moses amegppa anam aum.

Eksodas 9:14

⌊Aɗinu na paɗadppe gokkulag?⌋ Na ii paɗadppe gokkulag dayeb, na geha wan ohppa aun laa da bia ii daatte tutukku dookkutnu, da eheɗ naunab na metten, nahipad ehanittak anuqak danab ele matten, danab ah nahipad ele madakkul.

Eksodas 9:29

Paro nug anam a amu, Moses nug oɗeppa awa aum. “Da aab okkai ooppanu eɗue, dimittim goppi, haen amuppa na wan oh am Yawe, nuhigib daatte dookkutnu, da eppel attan hume, Yawe unuqidppi, geha hakkaɗ qak uueb, ais doɗo nette amu, amu ele iitta mekku.

Aisaia 43:10

Amu Yawe Nug ele atte. “Ag Juda danab ah, ag am da aɗi aɗi hei anidppig amu, ag laa amelagppa amunu mattiglagnu danab ah dahilad daatteb. Laa ele amu, ag am dahil maɗi nid daatteb. Da ag dahil maɗi nid daaglagnu tituanadmi. Ag da dooiɗkkulagnu, ag dahilnu oolagppa genab dooglagnu, ag da am Yawe, ag amunu diignu doyak tutukku aɗaglagnu ele da anam tituanadmi. Da haen oh daami. Kayak laa dayeye, dimppa da ii uɗimi. Iitta! Da haen oh daami. Da malappi, kayak laa ii daama. Iitta! Da haen oh daakkul. Da dakka, da Yawe daattem.

Lewitikas 11:12

⌊Da bael aɗu eɗue madittem.⌋ Ag doɗ laa oh leppa daatteb ele, ag guhilkad, amu gonelkad iitta ele amu, ag doɗ amu dilagnu oolagppa uuaknab dooglagoitte.

Duteronomi 32:31

Nai amu genab daattenu diig am, ig Israel, ihinig Kayak, Nug hanhan ɠagattag daatte. Anam amge, ihinkad kekeɗ dilag kayak, ag am ɠagattag iitta. Ahilag kayak am ihinig Kayak bia iitta. Anam amu, ihinkad kekeɗ ag amu doon maditteb.

Duteronomi 33:26

Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.

Duteronomi 4:35

Ag Yawe, Nugib am Kayak, kayak laa ii daatte, ag amu dooglagnu Nug keeke amu ippuanatta he anidppig.

Revelesen 16:13

Nug anam he amu, da ouɗi nau ewam, ag oh ahilkad neekkak am og bia, laippu mat naɗinab oɗeppanu, laa doɗ dakkuɗ oɗeppanu, laa propet hambuppuak oɗeppanu, anam doegeg anadmi.