Amu Isip danab ag Hibru danab ele laippu ee lanak amu ɗo ele amunu, ag Josepnu ee balal laappa mena, nug awakkud amag ele dilag balal laappa mena, Isip danab laala ag Josep ele hanhan ee ladappig ele, ag ahilag ee am balal laappa ele meppig. Aɗinu? Isip danab ag Hibru danab ele ee lakkulagnu amu, ag oolagppa uuaknab dootteb.
Eksodas 8:26 - Nobonob Baibel26 Paro nug anam aum, amge Moses nug aum. “Ig Isip wan ooppa doɗ mait, Yawe, ihinig Kayak, ig Nug mettagnig, amuam ena iitta. Aɗinu? Isip danab ah ag geha doɗ aqat, Yawe mettak kobol ihinig anidna, ag amunu oolagppa uuaknab dooglag. Amunu diig am, ig Hibru danab ig doɗ aqat, Yawe medattem amu, Isip ag ihinig kobol amunu oolagppa uuaknab dootteb. Anam amunu, Isip ag ig amu hebupput anigna, ag oolag aeg beeb, menppa ig iqappeg mauhkkunig. အခန်းကိုကြည့်ပါ။ |
Eksodas 8:26
11 ပူးပေါင်းရင်းမြစ်များ
ag inam appeg dookku. ‘O naɗi, ig, nahipad maɗi nid amu, ig nid nakokppanu doɗ gumattak uɗat, amuib heut uɗie, gemu ele hettem. Ig mamenkad aɗi ag ele uɗat amuib heppig.’ Ag anam aig!” awa aum. Josep nug anam anana amu, nug nai baula tuɗitta aum. “Isip wanppa, aben laa ohppa Isip danab ag doɗ gumattak danab dilagnu oolagppa uuaknab dootteb amunu, da ami amu, ag nai anamib appeg, Paro nug ab, ag wan atu onig Gosen ippa daaglag,” awa aum.
Amu anukka King Solomon nug kayak hambuppuak dilag mettid lag nakok laala Jerusalemnu laih aam bedeppa, Olipnu qaukoppanu yau uɗitteppanu, appa nug qaɗab aqe daappig. Solomon nug mettid lag nakok amu Saidon dilag kayak hambuppuak uɗig wak ele Astoret, Moap dilag kayak hambuppuak uɗig wak ele Kemos, am Amon dilag kayak hambuppuak Molek, Yawe nug kayak hambuppuak amu, nuhignu ooppa uuaknab dootte ele amu, Solomon nug kayak hambuppuak amu dilag qaɗab amu hattom. Mettid lag nakok amu daaegeg, amu King Josaia nug amu oh hatte, dubuttid teum.
Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.
Kayak Nug Moses amegppa, nug Israel dilag ikki danab amelagppa anam akkunu awowa, amu Nug nai baula tuɗitta, Moses amegppa aum. “Na ag amelagppa anam appe amu, geha ag doon, na oɗen dim lamidkkulag. Aria, na Israel dilag ikki danab amu diippe, ag Isip dilag king toppa gona, inam amegppa akkulag. ‘Yawe, Nug am ig Hibru, ihinig Kayak, Nug ig atu taɗakppa gota, doɗ mait, Nug mettata, Nug noobppa dup nota, Nug binag mekkunignu ig gumikka uɗia, ig amenigppa aum amunu, na ig paɗaigppe, ig atu taɗak ooppa deɗ ewam gota teta, appa ig doɗ mait, Yawe mettagnignu oɗ medattem. Nug am ihinig Kayak.’ Ag anam aon aig!
Danab ag kayak hambuppuak dottolkad hetteb ele oolagppan laa nug tutukku dab-ii-mette. Laa nug doyak elele, o diignu doyak tutukku elele am iitta. Laa nug anam dabmak elelob, o laa nug diignu doyak tutukku elelob amu, nug inam alo. “Ad amunu laih amu da awen, aab ilen, da ee dahil amuppa hemi. Da teppu manen lami. Da amu hemi amunu, gemu da ad amunu laih awen, keeke naunab nau, Yawe Nug amunu ooppa uuaknab dootte amu, da amu hoikkul am enate? Ao, da ad maha awen, amu noobppa da dup noin binag mekkul am enatte?” ⌊Laa nug dabmak elelelob amu, nug anam helo, amge iitta.⌋
ကြော်ငြာတွေ