Eksodas 8:25 - Nobonob Baibel

²⁵ Aakku Paro nug Moses, Aron ele onilahppa e uɗieh, nug aum. “Ag gona, Isip dilag wan ooppa doɗ main, Kayak ahilag metteg!” awa aum.

Eksodas 8:25 ပူးပေါင်းရင်းမြစ်များ

Eksodas 10:16

Tap-lokus ag anam heeg, Paro nug paha Moses, Aron ele gumidya uɗiglahnu nai me ukkom. Me ukke, aa uɗieh amu, nug aa amelahppa inam aum. “Da Yawe, ahilag Kayak, da nuhigppa hipunin heinne, ahilahppa ele hipunin hemi.

Eksodas 10:24

Anam daye amu, Paro nug Moses onigppa e uɗie, amegppa aum. “Ag gona, Yawe noobppa dup nona binag meig! Ah, nid naunau ele, ag ele oh gokkulag, amge doɗ makau, sipsip ele amu, ag Isip daaglag,” awa aum.

Eksodas 10:8

Ag anam aeg, Paro nug he, aria ag Moses, Aron ele eɗun Paro toppa omalatna ukkaeg, Paro nug aa amelahppa aum. “Ag gona, Yawe, ahilag Kayak, ag Nug noobppa dup nona binag meig! Ag gokkulag, amge da imu dookkulnu ool daatte; aun aɗi ag gokkulag?” awa aum.

Eksodas 12:31

Aria, tuqan amuppaib Paro nug Moses, Aron ele onilahppa e ukkaeh, nug aum. “Aa aheɗ! Ahaya, ahilti danab ah ele diiadpeɗ, ag oh dahilad danab ah uuadna ukkeg! Ag gona, Yawe noobppa dup nona binag mekkulagnu, da oɗ meɗappig bia, ag gona anam heig!

Eksodas 8:8

Anam daye, aakku Paro nug Moses, Aron ele onilahppa e uɗieh, nug aa amelahppa aum. “Aa Yawe unuqidpeɗ, Nug og ihinigppa daatteb amu, Nug heeb, iitta meppeg, am geha da nahipaɗ danab ah paɗadppi gona, ag doɗ main Yawe mettaglag,” awa aum.

Eksodas 9:27

Ais anam neene, Paro nug Moses, Aron ele, aa gumidya gokkulahnu nai me ukke, aa gumidya ukkaeh, Paro nug aa amelahppa inam aum. “Da nai tappai ne, hipunin hemi. Yawe Nug am kobol tutukku hette, amge da, dahilad danab ah ele amu, ig eheɗ hettem.

Eksodas 9:28

Ais doɗo am hakkaɗ ele ig eheɗ iqatte amunu, na amu iitta mekkunu Yawe unuqidkkutnu oɗ medattem. Da geha heppi, ag gokkulag; ag baula ippa ii daamna,” awa aum.

Aisaia 28:22

Naɗi, Nug Yawe Nukka Ɠagattag Oh Ele, Nug da amelppa Nug genab wan imu oh heeb nauhkkunu ɗo meum daattenu aum amunu, ag Yawe nai maditte, ag amunu imak uueg! Ag amu ii uuglag dayeb, Yawe Nug bu mettak ahilag tuɗitteb, awaknu daatte eɗittak, okkainab mekku.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.