Eksodas 8:19 - Nobonob Baibel

¹⁹ Am Isip dilag baɗ mak danab ag Paro amegppa appig. “Kayak nukka keeke imu heum,” aon appig. Ag anam appig, amge Paro nug nuhig dabmak ɠagattag eppa daye, Yawe aum bia nug Moses, Aron ele nai apiɗ amu, nug amu dabmetta, ii doyom.

Eksodas 8:19 ပူးပေါင်းရင်းမြစ်များ

Genesis 41:24

Aria, ee aeg ikki aelkad kuɗum iitta ag ee aeg ikki ena, aelkad ambak ele ladappig. Da tul niiak amu oh baɗ mak danab amelagppa mattimi, amge danab amu laa nug diig mehuqatkkunu elele iitta,” awa aum.

Sam 8:3

Da na hab heme, na kalam, hoɗoppai keeke ele hattana, abenalagppa maadme ele neekke anatten dabmein dayeye amu, da inam dabmettem.

Eksodas 10:23

Gatatu ɠagattag na dayeye, Isip danab ah ag akka akka nug iɗu ii anidna, danab ah oh haen amuppa ag lakkaib daappig. Ag dimittim gokkulagnu elele iitta. Anam daappig, amge laih Israel daappigppa amu, appa am gatatu iitta.

Eksodas 10:7

Ukke amu, Paronu ehanittak anuqak danab ag Paro amegppa inam appig. “Danab imu nug nuhig uhui me, ig amuppa nota daattem; amu haen gane laa ele ukkeb, ig amubia ii daamta. Na danab imu paɗadppe gona, Yawe, ahilag Kayak, ag Nug noobppa dup nona binag meig! Na Isip nauhom daatte, na gemu ele amu iite anidttem?” aon appig.

Eksodas 11:7

Amge geha, haen amuppa Israel danab ah daattebppa, aɗitai keeke nau laa Israel danab ah dilagppa, ahilkad doɗ dilagppa ele iinab bema. Oqotti wak, qai gamɗu qak keeke, keeke amuam nakok laa appa iinab daama,’ awa atte. Keeke anam bekku amunu, na amuppa dookkut, Yawe Nug ag Isip, ahilagnu ena ii doyaya, Nug Israel dilagppa ena dootte.

Eksodas 7:13

Aqa laattom, amge Yawe Nug aum bianab, Paronu dabmak ɠagattag eppak dayom, nug Moses, Aron ele dilah nai amu ii doyom.

Eksodas 7:4

Da anam hekkul, amge Paro nug nahip nai amu ii dooma. Anam hekku amunu, da geha Isip bu eheɗ mattoya, geha da anuqe ukke, Israel dilag huu oh, ag dahilad danab ah amu, da ag omaladppi, ag Isip uun gokkulag.

Eksodas 7:5

Da Isip eheɗ matten, Israel omaladppi, Isip wan uun gokkulag, haen amuppa Isip ag da am Yawe dooglag,” awa aum.

Eksodas 9:26

Amu laih Gosen, aben Israel daappig ele amu, aben laippu amuib amu, ais doɗo ii neum.

Eksodas 9:4

Amge Yawe Nug geha Israel dilag doɗ dabmadakku. Dabmadatta, Nug amubia Isip dilagppa iinab hema. Israel dilagppa laippu laa ii mauhma. Isip dilag aakkuib, ag mauhkkulag,” awa aum.

Daniel 2:19

Daniel amelagppa anam mattia male, tuqan Kayak he, Daniel nug kingnu tul niiak amu tuleglegppa anttom. Nug antta aha, nug Kayak, hab attan daatte, nug Nug binag meum.

Matyu 12:28

Amge da Kayak Ouɗinu ɠagattagppa ouɗi nau lamadttem dayeb amu, ag doyeg, Kayaknu ɗo maɗoɗ aakku ahilagppa uɗiom,” awa aum.

Luk 11:20

Amge Kayak Nug da ehaniɗe, da ouɗi nau lamadttem dayeb amu ag doyeg; Kayaknu ɗo maɗoɗ aakku ahilagppa uɗiom,” awa aum.

Jon 11:47

Mattieg amu, mana mettak danab okkai, amu ɗo gumak danab-Parasia ele ag Juda dilag hettoɗiak okkai onig Sanhidren, amunu danab oh qagmaadna appig. “Ig attem hekkunig? Danab imu Nug Kayak dabmettaknu kobol danab haknu elele iitta kuɗum hette.

Aposel 4:16

“Ig danab aɗit umu am attemtai haatkkunig? Aɗinu? Aa kobol danab hekkunu elele iitta okkai amu hepiɗ. Aa heeh, danab ah oh Jerusalem daatteb ag doon malappig amunu, ig aa ii hepiɗ aot akkunignu am elele iitta.

1 Samuel 6:3

Ag anam oɗ mattaeg amu, Pilistia dilag mana mettak danab, keeke doyaknu eman hak danab ele ag appig. “Ag Israel dilag Kayaknu Tituanak Nainu Kunup meppeg, nug eɗua nuhig abenppa gokkunu hekkulagnu hetteb dayeb amu, ag hamu aib meppeg ukkom. Iitta! Ag keeke laa, eheɗ haknu ofa daakkunu ele meppeg ukkaɗ! Ag anam heppeg amu, Kayak Nug heeb, ag eɗun ena daaglagtai. Ena daaglag dayeb amu, amuppa ag genab dooglag, Yawenu Tituanak Nainu Kunup ippa dayom amunu, Nug he, uug okkainab aqom,” aon appig.

1 Samuel 6:9

Ag amu heppeg, makau aɗit amu aa uɗatnu karis Yawenu Tituanak Nainu Kunup ele, aa uɗatnu karis amu eeɗya, Yawenu Tituanak Nainu Kunup Israel wanppa, aab Betsemes appa tutukku gokkulahnu Betsemes gukkuidya gokkulah dayeb amu, amuppa ag dooglag, Yawe Nug he, uug naunab imu oh ihinigppa beum. Amge makau aa uɗatnu karis, Yawenu Tituanak Nainu Kunup ele appa tutukku aoya ii gokkulah dayeb amu, amuppa ig doognig: uug ihinigppa beum ele amu, amuam Yawe eppegppanu iitta. Uug amu oh ihinigppa hamu beum doognig,” aon appig.