Eksodas 8:16 - Nobonob Baibel

¹⁶ Dimppa Yawe Nug bau laa Moses amegppa inam aum. “Na Aron amegppa appe, nug dudqak hokkat nuhig huma, wan gappud makkuɗeb, Isip wan ohnu gappud amu geha eɗueb, peipe huanaknab bekku,” awa aum.

Eksodas 8:16 ပူးပေါင်းရင်းမြစ်များ

Sam 105:31

Yawe Nug a, qid ameg naɗi ag Isip uɗin daappig. Ao, Nug he, peipe Isip oh tonan daappig.

Eksodas 4:23

amu da na amenppa ami, Na dahil nid paɗappe, nug ukka, da noolppa dup noa binal maɗ! ami. Da anam ami, amge na da ami bia ii hena, ii uuatte goppig amunu, da nahip nid danab tatamnu amu qeppi mauhkku.” ’ Na anam appe doyaɗ!” Yawe Nug Moses amegppa anam aum.

Eksodas 5:1

Aria, amu dimppa amu Moses, Aron ele aa Paro gumidya goya apiɗ. “Yawe, Nug ig Israel, ihinig Kayak, Nug atte. ‘Na dahil danab ah uuadppe, ag da dabmeɗanna qagmak gamag ahak ele hekkulagnu atu taɗakppa ukkeg!’ Yawe Nug anam atte.” Aa Paro amegppa anam aoya apiɗ.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Eksodas 8:17

Yawe Nug anam a amu, Moses, Aron ele aa anam hepiɗ; amu haen Aron nug dudqak hokkat nuhig amu awa, wan gappud makkuɗe amu, Isip wanppanu gappud oh amu eɗun, peipe bena, danab ah, doɗ oh ele happutadna daappig.

Eksodas 8:18

Aria, haen Isip dilag baɗ mak danab ag ahilag baɗ mak heppeg, peipe bekkulagnu heppig amu, ag hekkulagnu elele iitta daappig. Amu peipe ag danab ah, doɗ ele happutadppig.

Eksodas 8:5

Aria, Yawe Nug Moses amegppa aum. “Na Aron amegppa appe, nug eppeg awa, attan humeb teeb, dudqak hokkat nuhig amu attan aɗa, amuppa nug le, lenag, le ameg ele epponatta ukkeb, og ag bena, Isip wan ambeig!” awa aum.