Eksodas 8:14 - Nobonob Baibel

¹⁴ Isip danab ag og mauhadppig amu, ag akkan, aben laalappa ameg ameg qagmatteg daanna, beɗatteg, uɗig nau ahom.

Eksodas 8:14 ပူးပေါင်းရင်းမြစ်များ

1 King 18:26

Aria, Balnu propet ag makau dawai laa, danab ah aon uɗin madappig amu, ag amu aon bappaidppig. Ag bappaidna malon, ag kayak hambuppuak Bal unuqidppig. Ag buttuanu digmena, unuqitteg ukke, aam ameg tutukku awom. Ag Bal onigppa unuqidna inam eppig. “O Bal, na ihinig unuqittak imu dookkutnu ig oonig daatte,” aon eppig, amge ag unuqidppignu, auntai laa aɗitai laa ii heum, oɗelagppa laa ele ii awom. Iittanab iitta. Ag ahi goɗan oolna tena, oolna nenan, qaɗab qeppig amu talilidppig.

1 King 18:29

Aam anig uɗia ukkom, amge ag amunu ii dabmeppig. Ag propet nai duttunak huanak ele mattin henan daaegeg ukka, tueb mana mettak haknu haen doum. Ag anam heeg ukkom, amge ⌊kayak hambuppuak⌋ auntai laa oɗelagppa ii awom, auntai laa nug amunu dabmak laa ii awom.

Eksodas 7:21

Le amu tiig daye, leppan kakai oh mauheg, le uɗig naunab o, Isip danab ah ag le amu lakkulagnu elele ii daappig. Isip wan ohppa amu, tiig dayom.

Eksodas 8:13

Aria, Yawe Nug Moses oɗ metta aumbia he, amu og ag Isip laulkadppa daappig, am laulkad odppa, haɗap-ppa ele daappig, datta ee eppakppa daappig ele amu, og amu oh mauhadppig.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Eksodas 8:24

⌊Paro nug nai doyaya, nug nai tappe nak he,⌋ Yawe Nug nai aumbia he, qid ameg naɗi uɗin, Paronu lag enanagnab, ag amu ooppa nona, nuhikkud ehanittak anuqak danab laulkadppa, am danab ah laulkadppa ele ambeppig. Isip wanppa amu, qid ambena heeg, wan nauha autanab awom.

Eksodas 9:11

Am Isip dilag baɗ mak danab ag Moses gumidna uɗiglagnu elele iitta. Aɗinu? Ag beɗulag mamattin he nauhom; ihilag ele. Isip danab ah laa oh ihilag mettom, amubia ag ele ihilkad ele,

Aisaia 19:11

Soan aab okkaippanu ikki danab ag dabmak iitta ele. Danab Paro ulum medatteb ele, ag ulum nai dabmak pehettak iitta medatteb. Ag Paronu ehanittak danab anam daatteb amu, ag Paro amegppa inam maditteb. “Ig am doyak dabmak ena ele danab anukka daappig, ig amu buɗulkad daattem; ig king anukkanab daappig amu, ig amu buɗulkad daattem,” aon atteb. Ag anam maditteb, amge aɗinu ag anam nug amegppa hambuppun atteb?

Aisaia 34:2

Aɗinu? Yawe Nug wanppan wan anen anen ohnu oo nauhak dootte. Ao, wan ohnu dilag daup dilagnu amu, Nug oppoɗi ba autanab awom. Nug heeb, ag nuhignuib, nuhig pelemppa daaglag. Ao, Nug ib oo ii nekku amunu, laa ag ag aqappeg mauhadkkulag.

Esekiel 39:11

Amu Naɗi Yawe Nug atte. “Amu haen amuppa da heppi, Gog, am nuhikkud ele dilag boumak aben am Israel wanppa daakku. Ag danab huanaknab amu mauhadppeg, oolnu noak laappa boumadkkulag. Oolnu noak amuam Mauhak Le heqo laih qaban uɗitteppanu daatte. Danab nug qaban uɗitteppanu uɗia, Mauhak Leppa gokkunu haaha, nug oolnu noak amu leta gokkunu daatte, amge boumak aben amuam okkainab amunu, ib amuppa gotte ele am keldoak daakku. Danab aun laa nug oolnu noak amu leta, laih gokkunu hekku am elele iitta. Gog, am nuhikkud ehanittak huanaknab ag aguppa boumadkkulag amunu, ib am keldoak daakku. Ag aguppa boumadkkulag amunu, oolnu noak amu onig Hamon Gog ataɗkkulag.

Joel 2:20

Tap-lokus, ag ban danab huu naɗi bia, ag yawalti uɗitteppanu uɗippig amu, da ag lamadppi, ag wan laa, gu appa ii neene, keeke ii bette ele, amuppa lamadppi, ag wan amuppa gokkulag. Ameg laa anuqtteb amu, ag le onig, ‘Mauhak Le,’ amuppa goppeg, ameg laa dim gotteb amu, ag Mediterenia yuppa gokkulag. Ag anam gona, oh mauhna malappeg, beɗulkad beɗebeb, uɗig nau ahakku.” Yawe Nug anam akku. Amu bekkunu diig am, Yawe Nug uɗat ɠagattag hekku.