Eksodas 7:23 - Nobonob Baibel

²³ Paro nug dab-ii-meum. Iitta. Nug eɗua nuhig lag enanagnab, appa ukkom. Nug keeke amunu dab-ii-ma, uug ii doya, oo ele ii baɗom.

Eksodas 7:23 ပူးပေါင်းရင်းမြစ်များ

Job 7:17

Ig danab amu, ig am keeke okkainab iitta. Ig anam daattem amunu, da na ihinignu dabmak okkai aona, ⌊eheɗ heut bu megattem⌋ amu, da amunu diig ii doottem; na ihinignu dabmak okkai aottemnu diig amu, da ii doottem.

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

Eksodas 7:22

Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.

Eksodas 7:24

Isip ag le Nil amu lakkulagnu elele iitta amunu, ag le Nil daugppa, le aon lakkulagnu, moɗ aoppig.

Eksodas 9:20

Yawe Nug Moses oɗeppa Paro amegppa anam a, Paronu ehanittak anuqak danab laala ag Yawe Nug nai aum amu, ag nai amunu am Yawenu oolagppa genab doon baɗappig ele amu, ag ahilkad begbeg maɗi nid, ahilkad doɗ ele heeg, lag ooppa nona daappig,

Eksodas 9:21

amge Paronu danab laa ag Yawe Nug nai aum amunu ag ii baɗappig ele, ag ahilkad begbeg maɗi nid, ahilkad doɗ ele, ag uuatteg, hamu dimittim daappig.

Prowerb 22:17

Na daut human, danab doyak dabmak ena ele dilag nai doye! Ao, da aɗi ippunidttem imu amu, na dabmettan autna awe!

Prowerb 24:32

Da antten amu, da aɗi anidminu dabmak ena laa aokkulnu dabmein; aakku da ippunittak ena laa anidmi.

Prowerb 28:14

Danab aun nug hanhan Yawenu ebehi oh bodoetta le mette, nug itittak ena awom daatte; amge aun nug kobol ena hemanu dabmak nuhig ɠagattag ebatte, nug am uugppa notte.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Aisaia 47:7

Ag Babilon ag kuin laa nug nukka nuhignu, ‘Da hanhan kuin daakkul,’ atte, amubia ag Babilon ag, ‘Ig hanhan wan oh dilag okkai daagnig,’ appig. Ag anam appig, amge ag eheɗ hak ahilag, ag amunu nob nau ii dabmeppig. Ag eheɗ hak ahilag, ag amunu nob nau ahilagppa bekkunu elele amu, ag amunu dabmak nakok laa ii aoppig.

Jeremaia 36:24

King, nuhikkud ehanittak laa nug ele daappig amu, ag nai amu oh dooppig, amge ag ii baɗappig. Ag eheɗ heppignu ahilkad lamen ele ii pattiɗppig.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Esekiel 40:4

Da danab anam dayeye anitti, nug da amelppa aum. “Danab bekka, da na aɗi ippunidkkul amu, na amenppa pehettan neegna, dautppa ele pehettan doon, keeke amu oh pehettak dabmette! Aɗinu? Na anam hekkutnu Kayak Nug he, na ippa uɗime. Amu na aɗi keeke digdig anidkkut amu, na amu oh Israel danab ah amelagppa appe doyeg!” awa aum.

Habakuk 1:5

⌊Nai amunu amu, Yawe Nug eɗua, nob ma, inam aum.⌋ “Na wanppan wan oolagppa neegna anidna, dabmak huanaknab awe! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Duteronomi 32:46

nug tuɗitta aum. “Ag nid ahilkad Kayak toppan ɗo imu oh, ag amu doon dim lamidkkulagnu, ag amelagppa hekkulagnunab akkulagnu, ag nai oh gemu da ag mattami imu aon oolagppanab meig!

1 Samuel 4:20

nug nid amu uug ele awawa, nug mauhkkunu heehe, ah laa ag nug nid aokkunu ehanidkkulagnu daappig ele amu, ag nug amegppa appig. “Na aib baɗame. Aɗinu? Na nid danab aakku aome,” aon appig. Ag anam appig, amge Pinias wau nug nob ii maama, nug ahilag nai ele dab-ii-mettom. Nug hamu doyom.