Eksodas 7:21 - Nobonob Baibel

²¹ Le amu tiig daye, leppan kakai oh mauheg, le uɗig naunab o, Isip danab ah ag le amu lakkulagnu elele ii daappig. Isip wan ohppa amu, tiig dayom.

Eksodas 7:21 ပူးပေါင်းရင်းမြစ်များ

Sam 105:29

Nug wan amunu le he, eɗua tiig be, kakai ag mauhppig.

Eksodas 7:18

Amu kakai Nil leppa geha mauhppeg, le uɗig nau ob, am geha Isip danab ah ag le amu lakkulagnu elele iitta.

Eksodas 7:20

Amu Moses, Aron ele aa Yawe Nug aa amelahppa haknunab aum bianab amu, aa anam hepiɗ. Aron nug Paro, amu nuhikkud ehanittak anuqak danab ele noolagppa, nug dudqak hokkat awa, le Nil makkuɗe, le Nil, le amu oh eɗua tiig ba dayom.

Eksodas 7:22

Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.

Eksodas 8:14

Isip danab ag og mauhadppig amu, ag akkan, aben laalappa ameg ameg qagmatteg daanna, beɗatteg, uɗig nau ahom.

Aisaia 19:8

⌊Isip dilag⌋ kakai awak danab, ag huk ena kakai aotteb amu, Nil le qaɗaietteb, ag oolagppa uug doon mahiglag. Ge! Danab ag Nil leppa uhui ena, kakai aotteb amu, ag uug doon, hamunab daaglag.

Revelesen 8:9

Keeke oh yuppa bau daatteb ele amu, ameg laippuppa amu mauhppig; ameg aɗitppa amu bau daappig. Yuppan uub oh ameg laippuppa nauhppig; ameg aɗitppa am ena daappig.