Eksodas 7:2 - Nobonob Baibel

² Amu keeke oh da na amenppa haknunab akkul amu, na Aron appe doyaɗ! Na anam appe, Aron nug doya amu, nug geha Paro amegppa nug Israel paɗatteb, nuhig wan uun gokkulagnu akku.

Eksodas 7:2 ပူးပေါင်းရင်းမြစ်များ

1 King 22:14

Nug anam aum, amge Mikaia nug ehanittak anuqak danab amegppa aum. “Yawe genab bau daatte, genab amubia da Yawe aɗi da amelppa atte amu, da amu aakkuib da madikkulnu elele,” awa aum. “Da keeke laanu madikkulnu elele iitta,” awa aum.

Eksodas 4:15

Nug na anidkkunu uɗitte amu, ⌊nug uɗieb, uɗat imu, da na medattem ele amu, uɗat amu haknu haen beeb,⌋ na nug amegppa appe, nug am geha nai amu oh mehuqkku. Da am geha aa keeke aɗi mattiglahnu ippunatppi, aɗi keeke hekkulahnu ele ippunatppi, aa hekkulah.

Eksodas 4:16

Am inam bekku. Nug am geha na oɗen bia daakku. Da, Yawe, da nai na medattem, nai medakkul ele amu, na da abenal bia aona, na nug nai amu medakkut. Anam amu, nug na abenam awa, nug danab ah nai madakku.

Eksodas 5:1

Aria, amu dimppa amu Moses, Aron ele aa Paro gumidya goya apiɗ. “Yawe, Nug ig Israel, ihinig Kayak, Nug atte. ‘Na dahil danab ah uuadppe, ag da dabmeɗanna qagmak gamag ahak ele hekkulagnu atu taɗakppa ukkeg!’ Yawe Nug anam atte.” Aa Paro amegppa anam aoya apiɗ.

Eksodas 6:29

Nug inam amegppa aum. “Da am Yawe. Nai oh da na medakkul amu, na Isip dilag king Paro appe doyaɗ!” awa aum.

Eksodas 7:6

Aria, Moses, Aron ele aa keeke oh Yawe haknunab aum, aa Nug aumbianab aakku hepiɗ.

Jeremaia 1:17

Amunu, Jeremaia, na meut oh dahil uɗat hekkutnu babaitte! Da na aɗi ag amelagppa appenab dooglagnu ippunadppi, na amu aakku a! Na ahilagnu aib eheɗ nau baɗame. Na amu dilag eheɗ nau baɗakkut dayeb amu, da heppi, na ag noolagppa daanna, na eheɗ nau baɗakkut.

Jeremaia 1:7

Da anam ami, amge Yawe Nug da amelppa aum. “Na, ‘Da am nid nakokib,’ aib ame. Da na adeppa gokkutnu appi amu, na appa gokkutoitte. Da na amenppa aɗi nai madikkutnunab ippunidppi, na amu madikkutoitte. Aib na ii heme!

Esekiel 3:10

Amu Yawe Nug tuɗitta, inam ele da amelppa aum. “Danab bekka, keeke oh da na amenppa attem amu, na nai amu ohnab na dautppa daakkunu, na dahil nai doon autna aon, dabmette! Na dahil nainu, ‘Am keeke nakok hamu bia,’ aib doome.

Esekiel 3:17

“Danab bekka, da na Israel dilag aɗi uɗitte anittak danab daakkutnu tituanidmi amunu, da na amenppa ag nau aomnanu nai appi, na dahil nai amu ag matte!

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.