Eksodas 7:14 - Nobonob Baibel

¹⁴ Paro nug anam he, aria Yawe Nug Moses amegppa inam aum. “Paro nug nuhig dabmak am ɠagattag eppak daatte; nug Israel paɗatteb gokkulagnu ii hette.

Eksodas 7:14 ပူးပေါင်းရင်းမြစ်များ

Eksodas 10:1

Dimppa Yawe Nug Moses amegppa inam aum. “Na gona, Paro antte! Aɗinu? Da Paro, nuhikkud ehanittak anuqak danab ele ag da Yawe, da dahilnu dabmettaknu kobol danab haknu elele iitta, da kobol dahil amu ag oolagppa hekkulnu, ⌊ag anidna, ag da genabnab genab daattem dooglagnu,⌋ da hei, nuhig dabmak, nuhikkud ikki danab dilag dabmak ele ɠagattag eppom.

Eksodas 10:20

Amu Yawe Nug he, Paronu dabmak ɠagattag eppa dayom, amu Paro Nug Israel ii paɗatte goppig.

Eksodas 10:27

Anam aum, amge Yawe Nug he, Paronu dabmak ɠagattag eppa dayom amunu, Paro he, ag ii goppig.

Eksodas 10:4

Yawe Nug anam awowa, nug nai baula tuɗitta aum. “⌊Ag amu hekkulagnu na paɗadppe ukkeg!⌋ Aɗinu? Na anam ii hekkut dayeb, butti da heppi, tap-lokus ag uɗin, nahip wanppa ambena daaglag.

Eksodas 3:19

Ag anam akkulag, amge da doottem, laa ɠagattag, okkai ele nug Isip dilag king uug eheɗ nau ii metteb, nug ag paɗualatteb ii gomana

Eksodas 4:23

amu da na amenppa ami, Na dahil nid paɗappe, nug ukka, da noolppa dup noa binal maɗ! ami. Da anam ami, amge na da ami bia ii hena, ii uuatte goppig amunu, da nahip nid danab tatamnu amu qeppi mauhkku.” ’ Na anam appe doyaɗ!” Yawe Nug Moses amegppa anam aum.

Eksodas 7:13

Aqa laattom, amge Yawe Nug aum bianab, Paronu dabmak ɠagattag eppak dayom, nug Moses, Aron ele dilah nai amu ii doyom.

Eksodas 7:15

Butti buttua geha Paro nug le Nil amuppa gokku amunu, na dudqak hokkat, mat eɗuom ele amu, na amu aon, Paro uɗa tekkutnu na gona, le daugppa nug ameg mekkut.

Eksodas 8:11

Og ag geha na uuidna, ag laulkad ele uun, am nahipad ehanittak anuqak danab, nahipad danab ah ele uuadna, ag daattebppa iinab daamna. Ag le Nil amuppaib daaglag,” awa aum.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Eksodas 8:2

Na dahil nai ii dim lamidna, na ag paɗadppe ii gokkulag dayeb amu, geha da heppi, og huanak ag beppeg, ag Isip wanppa eheɗ naunab daaglag.

Eksodas 9:2

⌊Moses nug Paro amegppa Yawenu nai amu mattie doye, nug tuɗitta aum.⌋ “Aɗinu ⌊na ag paɗadppe gokkulag⌋? Na ag aɗwaladnana, na ag ii paɗadppe gokkulag amu,

Eksodas 9:34

Amu keeke amu oh iitta me, Paro nug hakkaɗ qak uue, ais doɗo ii ne, gu mataɗom ele antta, nug hipunin baula heum. Nug amu nuhikkud ehanittak anuqak danab ele ag baula heeg, ahilag dabmak am ɠagattag eppom.

Eksodas 9:7

Amu Paro nug Yawe aum am genab beum, o iitta amu, nug amu tutukku dookkunu, nug nuhikkud danab laa, ag gona, anidkkulagnu maatte gona, ag eɗun uɗin, Paro amegppa Israel dilag doɗnu laippu laa ii mauhom appig, amge Paro nug kobol beum amunu tutukku dab-ii-meum. Iitta. Nug nuhig dabmak ɠagattag eppak dayeye, nug Israel danab ah uuatte ii goppig.

Aisaia 1:20

Amge ag dahil nai ii dim lamidkkulag dayeb, ag da waalppa dayaknu uun, nai dahil tabappeg neeb, geha kekeɗ dilag qep elab ag laadkku.” Yawe Nug anam mattiom daatte amunu, am anam bekku.

Jeremaia 8:5

Anam amunu aɗinu Juda danab ah ag ib eheɗ aon gonana, ag eɗun, dahilppa uɗiglagnu uutteb? Ao, aɗinu Jerusalem danab ah ag hanhan da dimeɗona kayak hambuppuak laala dim lamadna, ag eɗun, dahilppa uɗiglagnu uun, ii uɗitteb? Ag hambuppuak kayak aɗualadna, uuattak uun autna aotteb. Ag eɗun, dahilppa uɗiaknu uun, ii uɗitteb.

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.

Sekaraia 7:12

Ag ahilag dabmak dim lamidkkulagnu, ag eɗun Yawe dim lamidmananu dabmenana heegeg, dabmak ahilag amu ɠagattagnab eppe, ag ɗo nai, Yawe Nukka Ɠagattag Oh Ele ag dooglagnu me uɗiom, ag amu doyaknu uuppig. Yawenu Ouɗi Nug propet danab anukkanu nai matte, ag danab ah amelagppa mattieg dooppig, amge ag nuhig nai amu ele dooglagnu uuppig, diig amunu Yawe Nukka Ɠagattag Oh Ele Nug ahilagnu oo nauhak huanak doyom.

Duteronomi 2:30

Da nai amu mei ukke doyom, amge Hesbon dilag king Sihon nug ig anam hekkunignu uuom. Aɗinu? Yawe, ahilag Kayak, Nug ag ehanatteb, ag Sihon eɗidkkulagnu, Nug he, Sihonnu dabmak aakku ɠagattag eppe, hibguitta heum. Sihon nug ag wan nuhig oppatna gokkulagnu uuom me, ag gemu dootteb bia, Yawe Nug ag ehanatte, ag nug eɗidppig.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

1 Samuel 6:6

Ag Isip danab, Paro ele heppigbia aib heppig. Isip, Paro ele ag Kayaknu nai dim lamidmananu dabmak ahilag ɠagattag eppe, ag ii dim lamidppig amunu, Kayak uug naunab mattom. Matte, ag heeg, Israel ag ahan, atu laih gokkulagnu goppig.