Eksodas 7:13 - Nobonob Baibel

¹³ Aqa laattom, amge Yawe Nug aum bianab, Paronu dabmak ɠagattag eppak dayom, nug Moses, Aron ele dilah nai amu ii doyom.

Eksodas 7:13 ပူးပေါင်းရင်းမြစ်များ

2 Stori 36:13

King Nebukatnesar nug nug waappa daakkunu nuhig nai ɠagattag qetta anaknu duttune, nuhig nai Kayak onigppa ɠagattag qedata, anam aum, amge nug amu ha dimppa nug dabmak eɗue, Nebukatnesarnu nai tappe neum. Nug nuhig dabmak he, ɠagattag eppe, nug eɗua, Israel dilag Kayak, nug Yawe amu, nug Nug dim lamidkkunu uuom.

Eksodas 10:1

Dimppa Yawe Nug Moses amegppa inam aum. “Na gona, Paro antte! Aɗinu? Da Paro, nuhikkud ehanittak anuqak danab ele ag da Yawe, da dahilnu dabmettaknu kobol danab haknu elele iitta, da kobol dahil amu ag oolagppa hekkulnu, ⌊ag anidna, ag da genabnab genab daattem dooglagnu,⌋ da hei, nuhig dabmak, nuhikkud ikki danab dilag dabmak ele ɠagattag eppom.

Eksodas 10:20

Amu Yawe Nug he, Paronu dabmak ɠagattag eppa dayom, amu Paro Nug Israel ii paɗatte goppig.

Eksodas 10:27

Anam aum, amge Yawe Nug he, Paronu dabmak ɠagattag eppa dayom amunu, Paro he, ag ii goppig.

Eksodas 14:17

Amu da Isip ag dim lamadna, le gamagppa gokkulagnu, da ag dabib madette dahil uɗat heppi geha Isip ag ahilag dabmak ɠagattag eppeb, ag nai tappe nak naunab hena, ag Israel dim lamadna wabeppeg, am geha da Paro, aria nuhikkud daup ag baelagppa oinna, ban hetteb, daup ag bannu karis attan daan, ban hetteb, daup ag hos attan daan, ban hetteb ele, da ag oh eɗattoya, am geha da keeke hettem amuppa, da binag amahlak oppiaawak ele aokkul.

Eksodas 4:21

Am Yawe Nug Moses amegppa aum. “Dimppa na gona, Isip tewona amu, na kobol danab haknu elele iitta, da na kobol amu na hekkutnu ɠagattag mettami amu, na amu oh Paro noobppa hekkut. Na anam hekkut amge da heppi, Paronu dabmak aakku ɠagattag ebakku. Nuhig dabmak am ɠagattag eppa dayebeb, Paro nug danab ah uuatteb ii gomana.

Eksodas 7:12

Ag dudqak hokkat ahilag wanppa eeg nona, ag mat eɗun beppig, amge mat Aronnu dudqak hokkatppanu beum amu, nug aha, mat ag Isip dilag dudqak hokkatppanu beppig amu, nug ag aqa laattom.

Eksodas 7:14

Paro nug anam he, aria Yawe Nug Moses amegppa inam aum. “Paro nug nuhig dabmak am ɠagattag eppak daatte; nug Israel paɗatteb gokkulagnu ii hette.

Eksodas 7:22

Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.

Eksodas 8:11

Og ag geha na uuidna, ag laulkad ele uun, am nahipad ehanittak anuqak danab, nahipad danab ah ele uuadna, ag daattebppa iinab daamna. Ag le Nil amuppaib daaglag,” awa aum.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Eksodas 8:19

Am Isip dilag baɗ mak danab ag Paro amegppa appig. “Kayak nukka keeke imu heum,” aon appig. Ag anam appig, amge Paro nug nuhig dabmak ɠagattag eppa daye, Yawe aum bia nug Moses, Aron ele nai apiɗ amu, nug amu dabmetta, ii doyom.

Eksodas 8:28

Moses nug anam a, aria Paro nug aum. “Aakku amunu, da ag uuadppi, ag atu taɗakppa gona, ag doɗ main Yawe, ahilag Kayak, ag Nug mettaglag, amge ag umanab aib goppig. Aria, ag dahilnu ele unuqidppeg, da ehaniɗaɗ!” awa aum.

Eksodas 9:12

amge Yawe Nug he, Paronu dabmak ɠagattag eppa dayeye, nug Moses, Aron ele dilah nai, Yawe aumbia, nug nai amunu dab-ii-meum.

Eksodas 9:35

Genab, Paronu dabmak ɠagattag eppe dayeye, Israel paɗatte ii goppig; Yawe Nug Moses oɗeppa aum, nug amubia heum.

Eksodas 9:7

Amu Paro nug Yawe aum am genab beum, o iitta amu, nug amu tutukku dookkunu, nug nuhikkud danab laa, ag gona, anidkkulagnu maatte gona, ag eɗun uɗin, Paro amegppa Israel dilag doɗnu laippu laa ii mauhom appig, amge Paro nug kobol beum amunu tutukku dab-ii-meum. Iitta. Nug nuhig dabmak ɠagattag eppak dayeye, nug Israel danab ah uuatte ii goppig.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Duteronomi 2:30

Da nai amu mei ukke doyom, amge Hesbon dilag king Sihon nug ig anam hekkunignu uuom. Aɗinu? Yawe, ahilag Kayak, Nug ag ehanatteb, ag Sihon eɗidkkulagnu, Nug he, Sihonnu dabmak aakku ɠagattag eppe, hibguitta heum. Sihon nug ag wan nuhig oppatna gokkulagnu uuom me, ag gemu dootteb bia, Yawe Nug ag ehanatte, ag nug eɗidppig.

Hibru 3:13

Ag gemu haen imuppa Nug baag dooglagnu elele daatteb amunu, Nug haen imunu, “Gemu,” awa atte amunu, ag haen imuppa deɗ ohppa eheɗ hak kobol laa ag oolag bubuitteb, ag oolag ɠagattag eppamnanu amu, ag ag lailkad Nai Ena amelagppa mattinna, dabmak ahilag maɗatteg!

1 Samuel 6:6

Ag Isip danab, Paro ele heppigbia aib heppig. Isip, Paro ele ag Kayaknu nai dim lamidmananu dabmak ahilag ɠagattag eppe, ag ii dim lamidppig amunu, Kayak uug naunab mattom. Matte, ag heeg, Israel ag ahan, atu laih gokkulagnu goppig.