Eksodas 7:11 - Nobonob Baibel

¹¹ Paro nug amu antta amu, nug nuhikkud doyak danab, emaɗ hak danab, ele onilagppa e uɗippig. E uɗina, Isipnu baɗ mak danab amu, ag baɗ mak kobol ahilag hena, ag ele kobol amu heppig.

Eksodas 7:11 ပူးပေါင်းရင်းမြစ်များ

Genesis 41:8

Nug amu doya, wagɗe buttuanab amu Paro nug tul niiak aɗitnu dabmak kuɗum awe, oo ii maitte, nug Isip dilag baɗ mak danab, doyak danab ele onilagppa e, nug noobppa goppig. Ag ukkaeg, Paro nug tul niiom, nug amu ag amelagppa mattiom, amge ag mehuqkkulagnu am elele iitta.

Eksodas 7:12

Ag dudqak hokkat ahilag wanppa eeg nona, ag mat eɗun beppig, amge mat Aronnu dudqak hokkatppanu beum amu, nug aha, mat ag Isip dilag dudqak hokkatppanu beppig amu, nug ag aqa laattom.

Eksodas 7:22

Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.

Eksodas 8:18

Aria, haen Isip dilag baɗ mak danab ag ahilag baɗ mak heppeg, peipe bekkulagnu heppig amu, ag hekkulagnu elele iitta daappig. Amu peipe ag danab ah, doɗ ele happutadppig.

Eksodas 8:3

Le Nil amu, geha og am-nab-bena, geha ag le uun bena gona, nahip lag enanagnab, appa tena, lag ooppa nahip niiak aben ooppa nona, niiaknu balalppa tekkulag. Am og ag nahipad ehanittak anuqak danab laulkadppa tena, danab ah nahipad laa laulkadppa ele geha tena, lag ooppa nokkulag. Amu geha aab ilan, bret manaknu dramppa, am bret kaboliaknu tappiɗ ooppa ele nokkulag.

Eksodas 8:7

Aron nug anam heum, amge Isip dilag baɗ mak danab ag ele baɗ ahilag heeg, og kuɗum le uun bena, Isip wanppa goppig.

Daniel 2:2

King Nebukatnesar nug niikkunu elele iitta daye, nug baɗ mak danab digdig, emaɗ danab, doyak danab ele ag nug aɗi tul niiakppa anttom, ag amu appeg dookkunu onilagppa eum. Nug ag onilagppa e, ag uɗin, nug noobppa daappig.

Daniel 2:27

King anam oɗ mette, Daniel nug aum. “O king, doyak danab laa, o emaɗ danab laa, o baɗ mak danab laa, o eman danab laa nug king atte bia hekkunu elele iitta,

Daniel 4:6

Da eheɗ nau baɗami amunu, da laa ag Babilon dilag doyak danab oh ag da gumiɗna uɗin, tul amunu meu appeg dookkulnu onilagppa eppeg uɗiglagnu haknunab nai ag mattami.

Daniel 5:11

Nahip ɗo maɗoɗppa danab laa daatte, kayak ouɗi nuhigppa daatteb. Na mamen nug king dayeye, laa ag danab amu nug dabmak meu unuqagnu ele, nug dabmak pehettak ele, nug doyak dabmak ena ele amu, laa ag nug amubia daye anidppig. Nug kayak daatteb bia daye anidppig. Am Nebukatnesar, nug na mamen, nug king, nug danab amu nug am Babilon dilag baɗ mak danab, emaɗ danab, doyak danab, eman danab ele dilag okkai daakkunu tituana, nug aben amuppa meum.

Daniel 5:7

King nug beɗu anam he, king nug emaɗ danab, doyak danab, eman danab ele ag uɗiglagnu onilagppa baag okkaippa e doeg, king nug aum. “Aun nug nai eppeg laa ba yom umu ebqa, nuhig meu ele ab dookkul amu, da lamen perpel ele metten, baagppan sen golppa hak ele metten, da heppi, nug Babilon gabman ooppa okkainab, da, laippu laa ele, nug i waantippaib daakku. Laa oh ag nug waappa daaglag,” awa aum.

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Galesia 3:1

Galesia ag am dabmak tutukku iitta danab. Da Jesus Kristusnu ag amelagppa mattiiyi, ag geha aakku Nug ad emaitakppa atuleg dayeye anidppig bia dooppig. Amu aun nug he, gemu ag ahilag dabmak am kaboliak daatte?

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

2 Tesalonaika 2:9

Amge ii nauhak haenppa ɗo ii dim lamittak danab amu nug Satannu ɠagattag ele uɗia, hambuppuak kobol danab haknu elele iitta, laanu dabmettaknu kobol danab haknu elele iitta, amu uɗat ɠagattagnab ele haaha,

2 Timoti 3:8

Anukka Janes, Jambres ele aa Moses kekeɗ medapiɗ bia, danab amu hetteb ele, ag am doyak diig genabibnu kekeɗ daatteb. Dabmak ahilag aakku nauhom, ahilag ooppa genab doyak amu hambuppuakib.

2 Timoti 3:9

Am ahilag kobol amu ele okkai ii mema. Ahilag dabmak, anukka danab ag Janes, Jambris ele dilah Kayak dab-ii-maama hak kobol miag atiak anidppig, amubia gemunu danab imu dilag Kayak dab-ii-maama hak kobol ahilag am danab oh noolagppa miag atiak daakku.

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.

1 Samuel 6:2

Nug anam kalam eblaih aɗit ele dayeye, Pilistia danab ag ahilkad mana mettak danab, amu ahilkad eman danab ele, ag ag onilagppa eeg, ag uɗieg, Pilistia danab ag appig. “Yawenu Tituanak Nainu Kunup amu, ig Tituanak Nainu Kunup amunu attem hekkunig? Ig aɗi keeke Tituanak Nainu Kunup amu ele mepput, nug eɗua, nuhig abenppa gokku?” aon appig.