Eksodas 7:10 - Nobonob Baibel

¹⁰ Nug anam a amunu, Moses, Aron ele aa Paro gumidya goya, Yawe Nug amelahppa haknunab aum bianab aa hepiɗ. Aron nug dudqak hokkat amu Paro, am nuhikkud ehanittak anuqak danab ele noolagppa buɗie, wanppa noa, dudqak hokkat amu eɗua mat beum.

Eksodas 7:10 ပူးပေါင်းရင်းမြစ်များ

Sam 135:9

Yawe Nug Isip appa, nuhignu dabmettaknu kobol danab haknu elele iitta, amu uɗat ɠagattagnab laala ele heum. Nug uɗat okkai amu oh he, Paro, amu nuhikkud danab ah oh ele ag amuppa uug okkainab aon daappig.

Eksodas 12:28

Aria, Moses, Aron ele aa anam aeh, Israel danab ag doyona, ahan gona, kobol ag anam hekkulagnu, Yawe Nug Moses, Aron ele oɗelahppa haknunab aum, ag Nug aumbianab aakku heppig.

Eksodas 4:3

Moses nug anam a amu, Yawe Nug aum. “Na dudqak hokkat amu maoppe, wanppa noaɗ!” awa aum. Awa aum amunu, Moses nug mawe wanppa noa, dudqak hokkat amu eɗua, mat me, Moses antta, nug baɗa oolom.

Eksodas 7:15

Butti buttua geha Paro nug le Nil amuppa gokku amunu, na dudqak hokkat, mat eɗuom ele amu, na amu aon, Paro uɗa tekkutnu na gona, le daugppa nug ameg mekkut.

Eksodas 7:20

Amu Moses, Aron ele aa Yawe Nug aa amelahppa haknunab aum bianab amu, aa anam hepiɗ. Aron nug Paro, amu nuhikkud ehanittak anuqak danab ele noolagppa, nug dudqak hokkat awa, le Nil makkuɗe, le Nil, le amu oh eɗua tiig ba dayom.

Eksodas 7:6

Aria, Moses, Aron ele aa keeke oh Yawe haknunab aum, aa Nug aumbianab aakku hepiɗ.

Eksodas 7:9

“Am haen aa Paro noobppa daayya, aa nug amegppa nai madipeɗ, Paro nug ⌊da aa maati gopiɗ dookkunu⌋ nug aa kobol danab haknu elele iitta laa hepeɗ anidkkunu aa amelahppa akku amunu, Moses na Aron amegppa appe, nug dudqak hokkat awa buɗieb, Paro noobppa wanppa noaɗ! Nob amu, geha dudqak hokkat amuam eɗua mat bekku.” Yawe Nug Moses, Aron ele amelahppa anam aum.

Amos 9:3

Israel danab ah ag qauko Karmel igippa tena, da anadpanu appa lokkumna daaglagtai, amge da ag appa mattialatte anatten, aɗualadkkul. Ao, Israel danab ah ag yu ooppa unuqagnab nona, da anadpanu appa lokkumna daaglagtai, amge da haknunab appi, appa yuppan mat nau ag emaladkku.

Mak 16:18

Ag mat nau aɗaglag, o le nau danab qe mauhtte ele, ag amu lakkulag, amge ag amuppa ii mauhmana. Ag oɗe danab beɗulag aɗappeg, ag oɗe uuadkku,” awa aum.

Luk 10:19

Amu doyeg! Da ag ɠagattag mattai, ag mat, apiap ele tappadna, kekeɗnu ɠagattag amu oh eɗadkkulagnu elele daatteb. Keeke laippu laa heeb, ag ii nauhmana.