Eksodas 6:8 - Nobonob Baibel

⁸ Da geha ag omalatte ukke, wan da Abraham, Aisak, am Jakop ele madakkulnu eppel humen, nai ain qakkami amu, da wan amu geha da ag madappi, geha wan amu ahilagnab daakku. Da am Yawe,’ ” awa aum.

Eksodas 6:8 ပူးပေါင်းရင်းမြစ်များ

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

Genesis 28:13

Yawe Nug adqaɗ igippa dayaya, nug Jakop amegppa aum. “Da am Yawe, na alan Abraham, na mamen Aisak ele dilah Kayak. Na niittemppa, wan amu da heppi, na, amu na buɗunad ele aoglag.

Genesis 35:12

Wan imu da anukka Abraham, Aisak ele matami amu, da gemu na, amu na buɗunadppa ele madattem,” awa aum.

Nehemaia 9:15

Haen ag enug aqom amu, na habppanu bret me ne lappig. Ag le baalag diie, na hee, le menppanu ne, ag aon lappig. Amu wan laa, na wan amu ag madakkutnu na eppen human, madakkutnu anana, nahip nai am ɠagattag qettan ame amu, na ag gona, wan amu aoglagnu amelagppa ame.

Eksodas 13:5

Yawe Nug Kanan wan, wan amuppa Kanan danab, Hit danab, Amo danab, Hiwi danab, amu Jebus danab ag daatteb, Yawe Nug ag Israel ag wan amu madakkunu, ag mamelkad aɗi amelagppa nai ɠagattag qetta aum ele, wan amuam wan enanag, wan ittag ele, amuppa ee meu huana otte amu, Nug wan amuppa omalatteb tekkulag amunu, ag maɗ ohppa kalam imu doobob, ag deɗ imu dabmekkulagoitte.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Eksodas 6:2

Amu Kayak Nug tuɗitta, Moses amegppa inam aum. “Da am Yawe.

Eksodas 6:4

⌊Ag da dooiɗkkulagnu amu, da onil Kayak Nukka Ɠagattag Oh Ele ippuanatten,⌋ da hei, da ag ele nug tituanta nai qakkamut. Nug tituana nai qakkak nai dahil amuppa amu, geha da Kanan wan ag madakkulnu ami. Haen ag appa daappig amu, ag wan amuppa aab aon daappig, amge wan amu ahilag iitta. Ag am wan laihnu danab ah.

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Esekiel 20:15

Da hei, ag padal ii meppig, amge atu taɗakppa da inam hemi. Da eppel hume, da omaladppi, ag wan laappa, wan amuam wan enanag, wan ittag ele, amuppa ee meu huana otte, wan amu neekkak nuhig ele enanag, wan laa oh eɗattak, da wan amu madakkulnu ami amu, ag wan amuppa ii gomananu dahil nai ɠagattag qetten mattimi.

Esekiel 20:23

Da hei, ag padal ii meppig, amge da imu hemi. Da eppel humen, dahil nai ɠagattag qetten, inam mattimi. Da heppi, ag wanppan wan laalappa gona daaglag. Ge, da heppi, ag wan laalappa matatun gona daaglag.

Esekiel 20:28

Da wan laa ag mamelkad madakkulnu dahil nai ɠagattag qetten mattimi amu, da omalatti, ag wan amuppa gona tena dayona, ag qauko laa nakok okkai anidna, o ag aɗi ad okkai ebekkud bahia ukkak ele anidna amu, ag aben amu ohppa qaɗab aqappig. Ag appa qaɗab aqanna, ag doɗ aon, amuppa main, kayak hambuppuak madappig. Ag keeke laala ele, da ag amu haknu oppoɗi bak doottem, ag keeke amu ahilkad kayak hambuppuak madappig. Ag amuppa kalu danab ile muttuɗig enanag bette ele manan, kayak hambuppuak madappig. Ag amuppa amu henana, ag wain gokkaɗaknu ofa ele amuppa heppig.

Esekiel 20:42

Anukka da eppel humen, da ahilag wan, am Israel wan amu, da wan amu ag mamelkad aɗi madakkulnu dahil nai ɠagattag qetten mattimi amunu, da heppi, ag Israel ag eɗun ahilag wanppa daanna, ag dooglag da am Yawe.

Esekiel 36:7

Anam amunu, Naɗi Yawe Nug inam atte. “Da eppel humen, da dahil nai ɠagattag qetten, wan laala ag ag Israel talilidna daatteb amu, laa ag ahilagnu ele, ‘Keeke hamunab,’ dooglag awe attem.

Esekiel 47:14

Wan amu ag elele elele aoglagnu panieg! Da anukka ag mamelkad aɗi wan imu madakkulnu dahil nai ɠagattag qetten, madakkulnu ami amunu, wan imuam ag Israel ahilag, ag aulag aakku daakku.

Namba 10:29

Amu haen Israel ag ahan, Sinai uuglagnu heppig amu, danab laa onig Hobap, nug ag ele oh daanna, oidppig. Hobap nug amu Reuel bekka. Reuel nug am Midian danab, nug amu Moses tana. Amu Moses nug oeb Hobap amegppa aum. “Ig am wan laa Yawe Nug megakkunu, nuhig nai anan qakkom amu, ig ahat, amuppa gokkunig hettem. Yawe Nug ig wan amuppa enanag daagnignu nai ana qakkom amunu, na ig ele oh gotu! Ig geha nahipnu enaib hekkunig,” awa aum.

Namba 11:12

Na, na onin aon, amuppa nahip nai ɠagattag qettan, danab ah imu mamelkad aɗi Kanan wan madakkutnu ame. Amge danab ah imu oh da ii hattami; da ii menuadmi. Da amu ii hemi amunu, na da ag dabmatte, atognoatte aute awewe, wan na amenu, appa omalatten gokkulnu ame amu, da amunu diig ii doottem.

Namba 14:30

Da eppel humen, ag wan imu madappi, ag amuppa daaglagnu dahil nai ɠagattag qetten mattimi, amge ⌊ag da dimeɗan, dahil nai tappaeg ne, ag eɗun Isip gokkulagnu appig amunu,⌋ laippu laa wan amuppa iinab noma; Kalep, Jepune bekka amu Nan bekka Josua ele, aa aakkuib nokkulah.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Duteronomi 32:40

Aɗinu? Gemu amu, da eppel humai, habppa te, da attem. ‘Da genab bau hanhan daattem, genab amubia, nai imu am genab.

Duteronomi 4:31

Yawe, ahilag Kayak, Nug ag ehanadkku diig am, Nug am danab ah dilagnu oo gai-iitta doya oo matta ehanadtte. Nug ag ii uuadma; Nug ag ii hatteb nauhmana; Nug he, Nug ag mamelkad aɗi ele nug tituana nai qakkak heppig, Nug nug tituana nai qakkak amunu nai genab bekkunu nai ɠagattag qetta aum amu, Nug amu daug ii atima.

Josua 24:13

Da ag wan, amuppa ag uɗatab laa ii heppig, aab okkai ag ii kaladppig ele amu, da ag mattami. Aab okkai amu aakku, ag amuppa daatteb. Ag eppak ii heppig, amge da ag grep dad, amu olip dad ele mattai, ag amuppanu ee latteb.’ Yawe Nug anam aakku aum,” awa aum.

Revelesen 10:6

nug laa bauklel hanhan daatte, Nug hab heum amu habnu keeke oh ele hattom, Nug wan heum amu wanppanu keeke oh ele hattom, Nug yu heum amu yuppanu keeke oh hattom niitteb ele amu, Nug onigppa nuhig nai ɠagattag qetta aum. “Haen baula ii tuɗidma.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.