Eksodas 6:5 - Nobonob Baibel

⁵ ⌊Anam, amge⌋ gemu Israel ag Isip wanppa daaegeg, Isip ag heeg, ag maɗi nid maɗi ah ele daan gaaegeg, da Israel, ahilag gayak doomi, gemu ele doottem. Ag gaaegeg doyeye amu, da dahil nug tituana nai qakkak, da ag memetalkad anukkanu ele hemut amu, tituanak amu da daulppa doum daatte.

Eksodas 6:5 ပူးပေါင်းရင်းမြစ်များ

Genesis 8:1

Le hiɗ naɗi anam ba daye ukke, Kayak Nug Noa, nug baekkudppa ele, doɗ dakkuɗ, doɗ aabppanu ele, ag Noa ele uubppa daappig amu, Nug amu oh dilag dabmak awa he, ulah uɗia le iwale, digma hiɗa noum.

Genesis 9:15

nug tituana nai qakkak nai dahil am da daulppa dokku. Nug tituana nai qakkak amuam na, aɗi laa ele iɗu iɗu oh wanppa bauklel daatteb, am ag oh ahilagnu daatte, amu nai amuam da baula le hiɗppa keeke oh bau ele amu ii aqapa.

Sam 105:8

Yawe Nug nuhig nug tituana nai qakkak hanhan dabmette. Nug daug ii atitte. Ao, Yawe Nug ana qakkak nai nuhig hanhan daakkunu aum amu, Nug nai amu dabmette.

Eksodas 2:23

Aria, maɗ laala ukke, dimppa Isip dilag king ⌊Moses qeeb mauhkkunu dabmeum amu,⌋ nug mauhom, ⌊amge laa nug king abenab awom, nug Israel ii ehanatta, nug king laa heum bia tuɗitte,⌋ Isip ag Israel danab uɗat ɠagattag, uug elenab mattaegeg, Israel ag Isip dilag begbeg maɗi nid maɗi ah daanna, uɗat amu heppig. Amuppa amu, Israel ag uug nau doon gaanna, Kayak ehanadkkunu unuqittegeg, Kayak Nug ag uug nau doon gaappig amu, Nug ahilag gayak amu doyom.

Eksodas 2:24

Israel ag anam heeg, Kayak Nug ahilag gayak amu doya, Nug hei, Nug Abraham, Aisak, Jakop ele nug tituanna nai qagappig ele amu, Nug tituana nai qakkak nuhig amu dabmeum.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Eksodas 5:4

Aa anam apiɗ, amge Isip dilag king nug Moses, Aron ele amelahppa aum. “Aa hepeɗ, danab ah ag uɗat uuglagnu am, aɗin hettep? Aa paha eɗuya, uɗatppa ukkeɗ!” awa aum.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Luk 1:54

Nug maɗi nid nuhikkud, amuam Israel danab amu, nug ah ehanattom. Nug ig alankad Abraham, nug buɗub ele, Nug amu dilagnu hanhan oo gai-iitta doya oo matta ehanadkkunu ig mamelkad aɗi amelagppa aum, Nug nai amu daug ii atitte. Iitta. Nug anam hette,” awa aum.