Eksodas 5:18 - Nobonob Baibel

¹⁸ Ag paha eɗun gona, ahilag uɗat heig! Laa, ag gikkiɗah ii mattamna, amge ag brik hekkulagnu, ebqak gane hekkulagnu amelagppa matu appig amu, ag anamib heig! Ebqak amu aib aɗappeg, honap neum!” awa aum.

Eksodas 5:18 ပူးပေါင်းရင်းမြစ်များ

2 Stori 10:11

Genab, da mamel nug ag uɗatnu uug okkai, ɠagattagnab mattom, amge da amu, geha da ag amu eɗittak, okkainab madakkul. Da mamel nug ag bu qaun eleppa mataɗattom, amge da amu geha bu laa noobppa aeg ele awe, ag huan mataɗadkkul.’ Na anam appe doyeg!” aon appig.

Eksodas 5:17

Ag anam aeg amu, Paro nug ag amelagppa aum. “Ag uɗat elele ii hetteb. Ge, ag uɗat elele ii hetteb amunu ag, ‘Ig uuigppe gota, ig doɗ mait, Yawe mettagnig,’ atteb.

Eksodas 5:19

Am Israel buɗubppan uɗat gumak danab ag Paro nai anam a doon, ag briknu ebqak heppeg, honap ii nema amu doon, aakku ag dooppig, gemu ag uug naɗi qaɗelagppa beum.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Esekiel 18:18

Danab nau, bekka kobol ena tutukkuib heum ele, bekka nug ii mauhma, amge nug mameg am mauhkku. Mameg nug hipunin heum amunu, nug mauhkku. Mamegnu hak am, nug keeke lokkumakppa awaknu duttuna hak kobol dim lamittom. Nug layagnu keeke yab awom, amu nug laikkud oolagppa kobol eheɗ kuɗum laa ele heum amunu, nug mauhkku.