Eksodas 5:1 - Nobonob Baibel

¹ Aria, amu dimppa amu Moses, Aron ele aa Paro gumidya goya apiɗ. “Yawe, Nug ig Israel, ihinig Kayak, Nug atte. ‘Na dahil danab ah uuadppe, ag da dabmeɗanna qagmak gamag ahak ele hekkulagnu atu taɗakppa ukkeg!’ Yawe Nug anam atte.” Aa Paro amegppa anam aoya apiɗ.

Eksodas 5:1 ပူးပေါင်းရင်းမြစ်များ

1 King 21:20

Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.

Sam 119:46

Da nahip ɗonu king amelagppa abippi, ag heppeg, da uɗal ii nema.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Eksodas 10:4

Yawe Nug anam awowa, nug nai baula tuɗitta aum. “⌊Ag amu hekkulagnu na paɗadppe ukkeg!⌋ Aɗinu? Na anam ii hekkut dayeb, butti da heppi, tap-lokus ag uɗin, nahip wanppa ambena daaglag.

Eksodas 10:9

A amu, Moses nug oɗeppa awa aum. “Ig oh gokkunig. Ig danab ah bau, danab ah kaino, ihinkad nid, nid ahin oh ele, amu doɗ sipsip oh, doɗ meeme oh, amu makau oh ele, ig amu oh diit gokkunig. Aɗinu? Ig Yawe dabmettata, qagmak gamag ahak ele hekkunig,” awa aum.

Eksodas 3:18

Kayak Nug Moses amegppa, nug Israel dilag ikki danab amelagppa anam akkunu awowa, amu Nug nai baula tuɗitta, Moses amegppa aum. “Na ag amelagppa anam appe amu, geha ag doon, na oɗen dim lamidkkulag. Aria, na Israel dilag ikki danab amu diippe, ag Isip dilag king toppa gona, inam amegppa akkulag. ‘Yawe, Nug am ig Hibru, ihinig Kayak, Nug ig atu taɗakppa gota, doɗ mait, Nug mettata, Nug noobppa dup nota, Nug binag mekkunignu ig gumikka uɗia, ig amenigppa aum amunu, na ig paɗaigppe, ig atu taɗak ooppa deɗ ewam gota teta, appa ig doɗ mait, Yawe mettagnignu oɗ medattem. Nug am ihinig Kayak.’ Ag anam aon aig!

Eksodas 33:13

amunu, na dahilnu ena doottem dayeb, aria, na nahip dabmakppa aɗi daatte am appe, da doye, geha da nahipnu tutukkunab dooppi, na heppe, da haen oh kobol na oot daatte aakkuib, da hekkulnu oɗ medattem. Am laa amu, danab ah imu amu, ag am nahipad danab ah, na amu ele dabmekkutnu oɗ medattem,” awa aum.

Eksodas 4:23

amu da na amenppa ami, Na dahil nid paɗappe, nug ukka, da noolppa dup noa binal maɗ! ami. Da anam ami, amge na da ami bia ii hena, ii uuatte goppig amunu, da nahip nid danab tatamnu amu qeppi mauhkku.” ’ Na anam appe doyaɗ!” Yawe Nug Moses amegppa anam aum.

Eksodas 6:11

“Na gona, Isip dilag king Paro amegppa appe, nug Israel danab ah nuhig wanppanu paɗualatteb, ag ahan, nuhig wan uun gokkulagnu appe doyaɗ!” awa aum.

Eksodas 6:27

Aaib Isip dilag king Paro, nug Israel paɗatteb omaladya gokkulahnu amegppa apiɗ. Danab aɗit amu, aaib kobol amu hepiɗ; laa iitta.

Eksodas 7:16

Gona daappe, nug dob, na Paro amegppa inam akkut. ‘Yawe, Nug ig Hibru, ihinig Kayak, Nug da na amenppa appi, na nuhikkud danab ah paɗadppe, ag gona, atu taɗakppa Nug noobppa dup nona binag mekkulagnu, Nug da na amenppa amu appi dookkutnu meiɗe uɗimi. Na anam hekkutnu aum, amge na nai amu ii doon hee, uɗia gemu batom

Eksodas 7:2

Amu keeke oh da na amenppa haknunab akkul amu, na Aron appe doyaɗ! Na anam appe, Aron nug doya amu, nug geha Paro amegppa nug Israel paɗatteb, nuhig wan uun gokkulagnu akku.

Eksodas 8:1

Deɗ eblaih aɗit ele amu uue amu, Yawe Nug Moses amegppa inam aum. “Na Paro gumidna gona, dahil nai imu appe doyaɗ! ‘Yawe Nug na amenppa inam atte. “Na danab ah dahilad, ag da noolppa dup nona binal mekkulagnu amu, na ag paɗadppe ukkeg!

Eksodas 8:16

Dimppa Yawe Nug bau laa Moses amegppa inam aum. “Na Aron amegppa appe, nug dudqak hokkat nuhig huma, wan gappud makkuɗeb, Isip wan ohnu gappud amu geha eɗueb, peipe huanaknab bekku,” awa aum.

Eksodas 8:17

Yawe Nug anam a amu, Moses, Aron ele aa anam hepiɗ; amu haen Aron nug dudqak hokkat nuhig amu awa, wan gappud makkuɗe amu, Isip wanppanu gappud oh amu eɗun, peipe bena, danab ah, doɗ oh ele happutadna daappig.

Eksodas 8:20

Amu dimppa amu, Yawe Nug Moses amegppa inam aum. “Buttuanab Paro geha leppa gokku amunu, na gona, nug anidna, dahil nai imu nug amegppa akkut. ‘Yawe Nug inam atte. “Danab ah dahilad, ag da noolppa dup nona binal mekkulagnu amu, na ag paɗadppe, ag atu taɗakppa ukkeg!

Eksodas 8:27

Amunu ig oit oit, deɗ ewam batak atu taɗak ooppa gokkunig. Ig gota, appa doɗ mait, Yawe, ihinig Kayak, Nug mettagnig. Nug ig amenigppa amu haknunab attebia hekkunig,” awa aum.

Eksodas 9:1

Paro anam he, dimppa Yawe Nug Moses amegppa aum. “Na gona, Paro amegppa inam appe dookku! ‘Yawe, Nug ig Hibru, ihinig Kayak amu, Nug na amenppa inam atte. “Na danab ah dahilad ag gona, da noolppa dup nona binal mekkulagnu, na ag paɗadppe ukkeg!” ’ ” awa aum.

Eksodas 9:2

⌊Moses nug Paro amegppa Yawenu nai amu mattie doye, nug tuɗitta aum.⌋ “Aɗinu ⌊na ag paɗadppe gokkulag⌋? Na ag aɗwaladnana, na ag ii paɗadppe gokkulag amu,

Aisaia 25:6

Sion qaukoppa, Yawe Nukka Ɠagattag Oh Ele, Nug geha ee lanak hobul okkai okkai, ee enanag digdig appa bappaidkku. Hobul amuppa amu, doɗ digdig teppulag ena ena, am wain digdig enanag lanak baag ubuhinab ele, amu ele daakku. Nug danab ah wan ohppanu ag uɗin, hobul amuppa qagmekkulagnu bappaidkku.

Esekiel 2:6

Amu danab bekka, nahipnu amu, na ahilagnu aib baɗame. Ahilag nainu ele aib baɗame. Danab nug aben laappa, appa uud keeke qaun ele, nug amu ooppa dayaya, laih ukkeb, qaun yaama, o laih ukkeb, qaun yaamanu baɗatte, o danab nug apiap oittebppa daatte, nug laa beɗu aɗamanu baɗatte amu, na amubia daakkut, amge diig amunu na aib baɗame. Israel danab ah ag aɗi nai nahipnu mattiglag amu, na nai amunu aib baɗame. Ag attem heidkkulagnu hekkulag amu, na ahilagnu baɗak eheɗ nau aib doome. Aɗinu? Ag am nai tappe nak danab ah daatteb, ⌊amge da na atognoidkkul⌋.

Matyu 10:18

Da onil ahilagppa daatte amunu, ag ag diiadna, gawana, king ele eppelagppa maadppeg, ag hettoɗiadkkulag. Hettoɗiadppeg amu, ag haen amuppa dahilnu ag amelagppa mehuqna, iitta aɗi noolagppa ele mattiglag.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Aposel 4:29

Naɗi, danab amu, ahilag nai mattiak ena iitta amu antte! Anidna amu na ig, nahipad maɗi nid amu, ig baɗak ele iittappa nahip nai mehuqkkunignu, na ig ehanigkkutnu oɗ medattem.

1 Korint 5:8

Amunu ig Pasowanu Hobulppa bret yis alag eleppa aib lamut. Yis amuam oo aeg bak kobol, am hipunin laa oh hak kobol ele. Ig Pasowanu Hobulppa bret yis iitta ele latu! Bret amuam kobol tutukku, kobol doyak diig genabibppanu ele ippunigtte.