Eksodas 40:9 - Nobonob Baibel

⁹ Aria, dimppa na laittaknu goɗen aon, dahil mettid haknu peh lag, amu ooppan keeke daatteb ele, na amu oh dahilnu tituanna meɗakkutnu, na goɗen gokkaɗakppa tituanadna, na dahilnu tituanna meɗe! Na anam heppe, dahil mettid haknu peh lag, nuhig keeke oh ele, am dahilnu tituana mettak daaglag.

Eksodas 40:9 ပူးပေါင်းရင်းမြစ်များ

Sam 45:7

Na genab tutukku hak kobolnu oot mauhtte, kobol naunu amu, na nau ninig ele doottem.” Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.

Eksodas 37:29

Aria, ag amu hena, ag laittaknu goɗen Yawenu tituanak daatte ele, amu kalu muttuɗig enanagnab, dubuttid iitta ele, ag amu oh ele heppig. Amunu haknu doyak danab laa, nug amu heum.

Eksodas 39:39

laa am, qaɗab laa brasppa hak, nuhig keeke naunau, nuhig keeke laa, battam okkai bia brasppa giɗo giɗo ele hak, qaɗab amu mawaknu tuqai aɗit, amu le layaknu tappiɗ okkai, nug baeg ele;

Eksodas 40:8

Amu na amu hena malona, na dahil mettid haknu peh lagnu haɗap talilittaknu aɗ qappona, na haɗapnu aɗ od oɗeppan lamen ele aihe!

Aisaia 11:2

Yawenu Ouɗi amu nuhigppa daakku. Yawenu Ouɗi Nug doyak dabmak ena elenu diig, Nug am diignu doyak tutukkunu diig, Nug am laa ulum ena mettak diig, Nug ɠagattag ena ohnu diig, Nug doyak ena ohnu diig, amu Yawenu ebehi oh bodoetta le maknu diig ele Nug daatte.

Aisaia 61:1

Yawenu maɗi nid nug inam atte. “Yawe Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi Yawe Nug nuhig Ouɗi dahilppa daatte. Nug da laa ag oolagppa uug okkai ele dootteb ehanadppi, ag oolag uug iitta ele dooglagnu, Laa, ag laa aɗalatteg, ag eppelagppa daatteb amu, da appi, ag uhuqak aoglagnu, Da appi, laa ag maniguittak nau gatatu eleppa daatteb, ag uhuqak aoglagnu, Nug danab ah, ahilagnu ii helo bia me, Nug ag ehanatta, oo mak haen madakku amu, Nug da ag amelagppa amunu akkulnu, Nug danab ah eheɗ hetteb ele, ahilagnu eheɗ haknu nob tutukku madakku haennu akkulnu, Nug danab ah ag oolagppa uug dootteb amu heeb, ag oolag mekkunu madikkulnu, Nug da laa ag Sion appa oolagppa uug doon gaatteb amu, da ag ehanadkkulnu, Nug da heppi, laa ag uug anam doon, ikkilkadppa uhuɗ metteb amu, ag eɗun, ena daan, uhuɗ amu ihappeg ukkeb, igippan haɗ neekkak enanag ele ag anen anen ag ikkilkadppa daaglagnu, da heppi, laa ag oolagppa mahiak dootteb ele amu, ag eɗun, enaib daan, danab nug king daakkunu laa nug igippa goɗen gokkaɗe, gamag ahak dootte, amubia danab ah imu ag gamag ahak dooglagnu, da heppi, laa ag oolagppa uug dootteb, ag ouɗilag na qekkunu hette bia doon, lamen ena ii tagatteb, ag oolagppa oo gamag ahak doona, ag Kayak binag mena, ag lamen ena takkaglagnu meiɗe uɗimi. Ehanittak dahil amuppa ag ad ok Yawe Nug eppom bia bena, genab tutukku hak danab ah daaglag. Ag anam bia daappeg, danab ah laa ag, ag anadna, ag Yawenu binag amahlak oppiaawak ele anidna, ag Nug humidkkulag.

Esekiel 28:14

Da na engel okkai-kerubim keeke gumadtteb, na amubia daanna, gumak uɗat hekkutnu tituanidmi amunu, na anam daame. Na da, Kayak, na dahil qauko dahilnu tituanak daatte eleppa daan, men amahlak okkai ele, aab dittiak bia daatteb amu, na aguppa oime.

Lewitikas 8:10

Aria, Moses nug laittaknu goɗen awa, mettid haknu peh lag, amu keeke oh ooppa daatte ele, nug amu oh goɗen gokkaɗakppa tituanak heum. Nug anam heehe, keeke amu oh Yawenu tituana mettak daappig.

Namba 7:1

Moses nug mettid haknu peh lag qappa malowa amu, deɗ amuppa, nug peh amu, amuppan keeke ele, aria qaɗab, amu mana mettak danab, ag qaɗab amuppa keeke aɗi aɗi aɗan amunu uɗat hekkulag ele, nug keeke amu oh goɗen gokkaɗakppa tituanatta, Yawenu tituana mettom.

Matyu 3:16

Jesus layattak awa malowa, Nug leppanu beum. Amu haen amuppanab hab obata mette, Kayak Ouɗi Nug uppuɗil beɗulag nakok laabia naana, Nug qaɗeppa dayeye anttom.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

2 Korint 1:22

Nug ig nuhignab daattemnu epponak keeke nuhig ihinigppa mewowa, ig keeke Nug megakkun babaittom amu genab aognignu amu doognignu, Nug nuhig Ouɗi, keeke lonnu onig awak bia, ig oonigppa meum.

2 Korint 1:4

Uug oh ihinigppa bette amu, Kayak Nug ig oo mak megakkunu ig oonig aotte. Anam amunu, ig danab uug digdig ele dootteb amu, ig ag oo mak aoglagnu ag oolag aognignu elele daattem.

Hibru 9:21

Anamib nug tiig amuppa Kayaknu mettid haknu peh lag tauɗ qetta, uɗat lag amuppa hetteb ele, amunu keeke naunau laa oh ele tauɗ aqattom.

1 Jon 2:20

Anam, amge dahilad, ag Kayak Ouɗi aoppig amunu, ag oh aakku keeke doyak diig genabibppanu bette dootteb.