Eksodas 40:34 - Nobonob Baibel

³⁴ Moses nug mettid haknu peh lag amu anam ha male amu, lombig na, mettid haknu peh lag tone, Yawenu binag amahlak oppiaawak ele mettid haknu peh lag amu ohppa amba dayom.

Eksodas 40:34 ပူးပေါင်းရင်းမြစ်များ

2 Samuel 7:6

Anukka da Israel danab Isipnu diie uɗie, gemu ⌊nai imu yaak haenppa⌋ batak amu, da lagnab laappa ii daami. Iitta. Da pehppa dayeye, Israel adeppa adeppa gokkulagnu ippunatti goppig amu, da mettid haknu peh lag amuppa daaiyi gomut.

2 Stori 5:13

Laa ahi edappig, laa trampet iwalak heppig amu, ag baag laippu hak bia henana, ag Yawe binag mekkulagnu, ag Nug amegppa, “Ena heme,” akkulagnu, ag ahi ettanna, trampet iwalppig. Danab ag trampet laa iwalppig, laa simbal heppig, laa ag musik haknu keeke laala heppig ele amu, ag oh laippu hena, ag baalag okkaippa Yawe binag meppig. Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte. Ag anam heeg, lombig na he, Yawenu mettid lag ambak dayom.

2 Stori 7:2

Yawenu binag amahlak oppiaawak ele na, Yawenu mettid lagppa amba dayom amunu, mana mettak danab ag lag ooppa gokkulagnu elele iitta.

Sam 26:8

O Yawe, da na laut, na appa daattem ele amu, da nahip lag amunu ool huananab hette. Ao, da nahip lag, binag amahlak oppiaawak ele nahip appa ana daatte amu, da lag amunu ool huana hette.

Eksodas 14:24

Ag anam ukkaegeg, Yawe Nug lombig teppu ele attan tak amuppa, aab ewak okkai attan tak eleppa dayeye, wakkaɗkkun miag dayeye, Nug neekke, Isip ban danab dilagppa no, Nug he, dabmak ahilag kabolie, ag eheɗnab baɗappig.

Eksodas 16:10

Moses nug Aron amegppa anam a, aakku Aron nug Israel oh amelagppa nai mattieye, haen amuppa ag neekkeg, atu taɗakppa ugekke, ag Yawenu binag amahlak oppiaawak ele lombigppa be anidppig.

Eksodas 25:8

Aria laa amu, na danab ah amelagppa appe, ag ⌊oolagppan danab ag uɗat amu haknu doon autna aotteb ele, ag⌋ dahil mettid haknu peh lag heppeg, am geha da ag oolagppa daakkul.

Eksodas 29:43

da aben amuppa, da Israel danab ele qagmekkunig. Binag amahlak oppiaawak ele dahil aguppa daakku amunu, aben amuam dahilnu tituana mettak anam daakku. Am aben hamu iitta.

Eksodas 33:9

Ag anttegeg, Moses nug lag ooppa no, aakku lombig teppu ele attan tak nug uɗia, peh lag amu od guguitta dayaya, od amu tone, Yawe Nug Moses amegppa nai mattiom.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 6:4

Haen engel ag anam eegeg, mettid lag amuppa kahug ambeebe, men okkai okkai, ag amuppa lag heppig ele amu, men amu uɗalppig.

Esekiel 10:4

Bud aben amu ambe, Yawenu binag amahlak oppiaawak ele engel okkai-kerubim daye attan boppala dayom amu, am appanu aha, Kayaknu mettid lagnu od uguppa ukka daye, bud Kayaknu mettid lag ambe, Kayaknu binag amahlak oppiaawak elenu amahlak okkai amahalele, mana mettak danab dilag haɗap-ppa amahlak okkai dayom.

Lewitikas 16:2

Yawe Nug Moses amegppa inam aum. “Na awan Aron amegppa, nau aomanu dabmettak nai imu appe, nug Oo Gunnab Ele, Oo amuam Oo Gun Ele, Oo Gunnab Ele makkulaknu lamen dimugppa daatte amu, nug oo amu ooppa, nug nukka dabmette haenppa oo amuppa aib noum. Aben amuam Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, am aben amu. Lombig laa, Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte amu, lombig amu ameg amu attan daatte, am da, da lombig amuppa daattem amunu, Aron nug dabmak nuhigppa mauhnoak, nug appa gokkunu da ii ami dayebeb, nug appa gokku amu, nug mauhkku,” awa aum.

Hagai 2:7

Da heppi, wanppan wan oh uɗalkkulag. Ag uɗalppeg, appan danab ah ahilag en okkai aon uɗin, da laulppa meppeg, da heppi, dahil binag amahlak oppiaawak ele am lag imu ambekku.” Yawe Nukka Ɠagattag Oh Ele Nug anam awa atte.

Hagai 2:9

Gemun lag imunu binag amahlak oppiaawak ele am anukka lag dayomnu binag amahlak oppiaawak ele eɗidkku. Anam daakku amu, da heppi, aben imuppa maɗoɗ daakku.” Yawe Nukka Ɠagattag Oh Ele Nug anam atte.

Namba 7:89

Anam heppig dimppa, haen Moses nug mettid haknu peh lag danab ah appa qagmetteb ele, nug peh amu ooppa, Yawe ele nai mattiglahnu nottom amu, nug Yawe baag doottom. Amu Tituanak Nainu Kunup kontrak inak ele mettid haknu peh lag ooppa aben gunnab, appa dayom. Tituanak Nainu Kunup amunu ameg amu golppa hak, amu ameg amuam eheɗ haknu nob nau tiigppa iitta me elele medatte ippunadtte. Tituanak Nainu Kunup amu ameg noob laih laih amu, engel okkai-kerubim aɗit dottolah hippaidya daattep amu, Yawe Nug aa gamalahppa daatte. Am Yawe Nug Moses amegppa nai mattiom amu, Nug baag am engel aɗit amu gamalahppanu uɗiom. Ib amuppa Yawe Nug Moses amegppa nai mattiom.

Rom 9:4

Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.

Revelesen 15:8

Matte, Kayak binag amahlak oppiaawak ele, amu Nug ebehi ele aa heeh, aab kah Kayaknu mettid lakka ambeum. Laippu laa nug lag ooppa nokkunu elele iitta. Ag engel eblaih aɗit amu amelag mebeppeg, ag heppeg, keeke nau eblaih aɗit ele amu malappeg, laa nokkulnu elele.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.