Eksodas 40:3 - Nobonob Baibel

³ Yawe Nug nuhig mettid haknu peh lag qappaknu ana, Nug nai tuɗitta aum. “Na mettid haknu peh lag amu oh qappona, na Tituanak Nainu Kunup kontrak inak ele, na amu aon, dahil mettid haknu peh lag ooppa mewon, Na Oo Gun Ele, Oo Gunnab Ele makkulaknu lamen, nainu kunup amu qehagkkunu, na amu aihe!

Eksodas 40:3 ပူးပေါင်းရင်းမြစ်များ

1 Stori 17:5

Da ag Israel Isip wanppanu omalatti beeg, uɗie uɗie, gemu batak amu, da lagnab laappa ii daami. Israel danab ah ag adeppa adeppa haen tutu dayaknu aab kalanna, ag adeppa adeppa daaglagnu daappig amu, da mettid haknu peh lag dahil amuppa daami.

Eksodas 25:10

Yawe Nug Moses amegppa anam anana, Nug nai tuɗitta aum. “Na heppe, ⌊uɗat nid amu⌋ ag ad akasia aon, kunup laa, elab nuhig am 110 sentimita, emaitak nuhig am 66 sentimita, amu attan nuhig am ele 66 sentimita hekkulag.

Eksodas 25:22

Ag amu oh heppeg amu, aria da Tituanak Nainu Kunup kontrak inak ele, da amu ameg attan, engel okkai-kerubim aɗit gamalahppa, da appa dayeye ⌊appi⌋, i oh qagmeɗa daagnih. I geha qagmeɗa, da ɗo nai dahil oh Israel dim lamidkkulagnu, da na amenppa mehuqkkul.

Eksodas 26:31

Aria, ag amu hena, ag lamen okkai laa Oo Gun Ele, Oo Gunnab Ele makkulaknu hekkulag. Ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen okkai amu akkeg! Ag hewona amu, ag lamen qaɗeppa bala koitaknu ag danab uɗat amu haknu doyak okkai ele madappeg, ag engel okkai-kerubim dottog lamen amuppa koitatteg!

Eksodas 31:7

Keeke ag hekkulagnu ami am, dahil mettid haknu peh lag danab ah appa qagmetteb ele, Tituanak Nainu Kunup kontrak inak ele, amunu ameg ele, ameg amuam eheɗ haknu nob nau tiigppa iitta me elele medatte ippunadtte amu, aria keeke laa am dahil peh lakkanu uɗat haknu keeke digdig. Keeke amuam balal ⌊epeɗiaknab⌋, nuhig keeke ele, lam maattaknu balal, gol ena dubuttid iitta eleppa hak, amu nuhig keeke ele, kalu muttuɗig enanag ileb baknu qaɗab, manaknu ofa haknu qaɗab, nuhig keeke ele, amu le layaknu tappiɗ, nug baeg ele.

Eksodas 35:12

Am laa am, Tituanak Nainu Kunup, nuhig tuqai aɗit, Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte, amu lamen Oo Gunnab Ele qehagkkunu aihak daakkunu. Tituanak Nainu Kunup am Oo Gunnab Ele, appa qehakkak daatte.

Eksodas 35:4

Moses nug anam awowa, dimppa nug Israel amelagppa inam aum. “Yawe Nug ag imu hekkulagnunab aum.

Eksodas 39:32

Mettid haknu peh lag amu, lag amunu uɗat oh anam heeg, uɗat amu aakku malom. Israel ag keeke oh Yawe Nug Moses amegppa haknunab aum, ag Nug aumbianab aakku heppig.

Lewitikas 16:14

Nug anam hewowa amu, nug eppeg doɗo makau gaiɗ amunu tiigppa meeb noob awa, Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, nug ameg amu noobppa tauɗ qedakku. Nug anam hewowa amu, nug haen eblaih aɗit tiig amu aben Tituanak Nainu Kunup ameg noobppa daatte, aben amuppa tauɗ qedakku.

Namba 4:5

Haen danab ag ahan laih gokkulagnu heppeg amu, Aron nug bekkod ele ag mettid haknu peh lag ooppa nona, ag Oo Gun Ele, Oo Gunnab Ele makkulaknu lamen, ag amu autppeg neeb, ag Tituanak Nainu Kunup kontrak inak ele amuppa hautppeg daakku.

Hibru 9:3

Aria lag ooppa, lamen naɗi dimugppa, lag oo makkulak laa, makkulak amunu ag, “Oo Gunnab Ele,” atteb, amuppa dayom.

Revelesen 11:19

Ag anam aeg amu, Kayaknu mettid lag, hab aabppa daatte ele, laa nug od matule, tituanak nainu kunup amu miag atiom. Miag atie amu, amemɗi awewe, hakkaɗ diigppa qeeqe, hakkaɗ qa aɗeɗe ne, mim ne, ais doɗo okkainab ele neum.