Eksodas 40:2 - Nobonob Baibel

² “Doye, kalam digmaknu deɗ digmakppa, na dahil mettid haknu peh lag, amuam dahil mettid haknu peh lag danab ah appa qagmetteb ele, na lag amu aon qappe!” awa aum.

Eksodas 40:2 ပူးပေါင်းရင်းမြစ်များ

1 Stori 17:5

Da ag Israel Isip wanppanu omalatti beeg, uɗie uɗie, gemu batak amu, da lagnab laappa ii daami. Israel danab ah ag adeppa adeppa haen tutu dayaknu aab kalanna, ag adeppa adeppa daaglagnu daappig amu, da mettid haknu peh lag dahil amuppa daami.

2 Stori 29:3

Amu Hesekaia nug king ba daya, maɗ amuppa kalam digmakppa nug Yawenu mettid lagnu od aakku matula babaittom.

Eksodas 13:4

Gemu am kalam onig Abib, amu ag gemu Isip uutteb amunu,

Eksodas 19:1

Israel ag Repidimnu ahan, oin oin gona, Sinainu atu taɗakppa tena, Sinai qauko diigppa, ag haen tutu dayaknu aab kalan daappig. Ag Isip uun, kalam aɗit oin, kalam ewam, deɗ digmakppa ag qauko Sinai diigppa teppig.

Eksodas 26:1

Yawe Nug amu hekkulagnu anana, Nug keeke laanu inam aum. “⌊Danab uɗat amu hetteb ele amu,⌋ ag mettid haknu peh lag dahil heig! Ag mettid haknu peh lag amu hekkulagnu ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aona, ag lamen eblaih laih ele oh amuppa akkeg! Ag lamen eblaih laih ele amu akkona, ag lamen qaɗeppa bala koitaknu ag danab uɗat amu haknu doyak okkai ele madappeg, ag engel okkai-kerubim dottog lamen amuppa koitatteg!

Eksodas 26:30

Ag amu hewona, ag dahil mettid haknu peh lag amu, dottog da ippa qaukoppa ippunidmi bianab ag qappeg!

Eksodas 26:7

Aria, dimppa ag lamen laa, mettid haknu peh lag dahil tonakkunu henana, ag lamen 11 meeme uɗigppa heig!

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Eksodas 30:36

Na amu hena, na amunu laa aon, batappe, kalu neeb, na kalu amu dahil mettid haknu peh lag danab ah appa qagmetteb ele, lag amu ooppa aon gona, da noolppa Tituanak Nainu Kunup kontrak inak ele guguittak, aben da na ele qagmekkunih amu, na aguppa me! Na keeke amunu am dahilnu tituanaknab daatte, na amu doye!

Eksodas 35:11

Keeke haknu daatteb am inam: mettid haknu peh lag, amu peh lag amu tonaknu keeke ewam ele, aria nuhig huk-ring, gililnu ukku, emaitak maknu ad, biidod, amu diig ɠagattag daakkunu tatap ele.

Eksodas 36:18

Aria, ag bras huk-ring 50 hatteg, huk-ring ag lamen ringppa noeg, lamen okkai aɗit amu, amuppa oh qakkalateg, lamen laippu dayom.

Eksodas 40:1

Ag amu oh hena malaeg, dimppa Yawe Nug Moses amegppa aum.

Eksodas 40:6

Amu dimppa amu, na manaknu ofa haknu qaɗab dahil mettid haknu peh lag, amuam dahil mettid haknu peh lag danab ah appa qagmetteb ele, na mettid haknu peh lag amunu od gukkuittak lag dimittim me!

Esekiel 40:1

⌊Nebukatnesar nug King Jehoiakin, amu ig laa ele awikka, Babilon wanppa diia ukka laih me dayak danab ah daagnignu uɗie daautut,⌋ maɗ 24 ukke, maɗ 25 digmakppa, kalamnu deɗ eblaih laih eleppa, deɗ amuam Nebukatnesar nug Jerusalem he nauhom ukke, maɗ 14 uuom, deɗ amunab amu, Yawe Nug da nuhig uɗat hekkulnu aɗaila he, da tuleglegppa Jerusalem gomi.

Esekiel 45:18

Amu Naɗi Yawe Nug inam atte. “Maɗ ohppa, kalam digmakppa, kalam amunu deɗ digmakppa amu, Israel dilag okkai nug makau gaiɗ laa, makau amu beɗuppa eheɗ laa ii daatte ele amu, nug doɗ amu mana, da meɗakku. Mana mettak amuppa amu dahil mettid lag am oppiak daakku.

Namba 1:1

Israel danab ah ag Isipnu ahan ukkaeg, maɗ aɗit bia uue, ag atu taɗak onig Sinai, appa daappig. Maɗ amunu kalam ebqak aɗitnu deɗ tatam amuppa, Moses nug mettid haknu peh lag danab ah appa qagmetteb ele, nug appa dayeye, Yawe Nug amegppa aum.

Namba 7:1

Moses nug mettid haknu peh lag qappa malowa amu, deɗ amuppa, nug peh amu, amuppan keeke ele, aria qaɗab, amu mana mettak danab, ag qaɗab amuppa keeke aɗi aɗi aɗan amunu uɗat hekkulag ele, nug keeke amu oh goɗen gokkaɗakppa tituanatta, Yawenu tituana mettom.

Namba 9:1

Aria, Israel ag Isip uun ahan uɗieg, maɗ laippu uue, maɗ laappa, maɗ amunu kalam digmakppa, Israel ag Sinai atu taɗakppa daappig. Ag appa daaegeg, Yawe Nug Moses amegppa aum.

Namba 9:15

Deɗ ag mettid haknu peh lag, amuam peh lag men maha aɗit ɗo nai yaak niitte ele appa daattep, ag amu qabappig, haen amuppa lombig na tonom. Anam tone ukke, tuebnu ukka wakkaɗak amu, lombig mettid haknu peh lag attan daye, aab dittiak bia dayom.