Eksodas 40:16 - Nobonob Baibel

¹⁶ Yawe Nug anam aum, aria Moses nug nai amu doya, nug keeke oh Yawe haknunab aum, nug aumbianab aakku heum.

Eksodas 40:16 ပူးပေါင်းရင်းမြစ်များ

Genesis 6:22

Kayak Nug anam a amu, Noa nug keeke oh, Kayak hekkununab aum bia amu, nug anam heum.

Eksodas 40:15

amu na ag mamelagppa heme bia, na ag dahil mana mettak uɗat hekkulagnu, na goɗen gokkaɗakppa tituanadkkut. Goɗenppa tituanak amuam, buɗub buɗub doobob, ag buɗulkad dimppa bekkulag amu, ag hanhan dahil mana mettak danab daaglagnu goɗen gokkaɗakppa tituana awak daakku,” awa aum.

Eksodas 7:6

Aria, Moses, Aron ele aa keeke oh Yawe haknunab aum, aa Nug aumbianab aakku hepiɗ.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Jeremaia 13:5

Nug anam a amu, da matagiɗ awe, Perat ukke, appa Yawe aum bia lokkummi.

Lewitikas 8:13

Moses nug anam hewowa, amu Yawe Nug anam haknunab aum bia, nug Aron bekkod diia doa, lamen nakok elab, nug lamen amu aɗualatte noeg, lamen matagiɗ imualagppa tagattowa, ikkilagppan lamen ele ikkilagppa itattom.

Lewitikas 8:21

Amge Moses nug tatam gamagppan keeke, amuam oo, biig, uɗuag, keeke amubia, amu baekkud ele oh leppa ihalattowa, nug qaɗabppa sipsip dawai amu oh manaknu ofa ha manom. Amuam Yawe mettaknu aab aɗunu ofa aakku. Mana mettak amunu muttuɗignu, Yawe Nug ooppa ena dootte. Imu oh amu Yawe Nug Moses anam hekkununab aum bia heum.

Lewitikas 8:9

Nug amu hewowa, nug igippan lamen Aron igippa ma, Yawe Nug Aron tituanom ippunadkkunu at laa golppa hak, amuam Yawenu tituanak daatte amu, nug amu lamen amu noobppa, Yawe Nug anam haknunab aum bianab meum.

Namba 1:19

Ag uɗat amu Yawe Nug anamnab haknu Moses amegppa aum amu, ag anamnab heppig. Ib anamppa Moses nug atu taɗak Sinai appa Israel danab oh ebaqom.

Namba 9:22

Haen lombig nug mettid haknu peh lag igippa deɗ aɗit, o iitta kalam laippu, o iitta maɗ laippu keeke daattom amu, Israel ag haen tutu dayaknu aab kalappig, ag aguppaib daadppig, ag ahan laih laa ii godappig. Amge haen lombig nug aha ukkom amu, ag ahan godappig.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Hibru 3:2

Kayak Nug uɗat amuppa meum amu Nug Kayak oɗe oo metta ii uuak kobolppa dim lamitta heum. Amu Nug anukka Moses Kayaknu danab oolagppa Kayak oɗe tutukku dim lamitta, uɗat heum bia heum.

Hibru 3:5

Moses nug am Kayaknu danab ah tamaniak ooppa maɗi nid dayaya, oo metta ii uuak kobol dim lamitta, dimppa keeke bekkunu amu Kayak oɗeppanu awa madittom.