Eksodas 40:15 - Nobonob Baibel

¹⁵ amu na ag mamelagppa heme bia, na ag dahil mana mettak uɗat hekkulagnu, na goɗen gokkaɗakppa tituanadkkut. Goɗenppa tituanak amuam, buɗub buɗub doobob, ag buɗulkad dimppa bekkulag amu, ag hanhan dahil mana mettak danab daaglagnu goɗen gokkaɗakppa tituana awak daakku,” awa aum.

Eksodas 40:15 ပူးပေါင်းရင်းမြစ်များ

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Eksodas 28:41

Amu Moses na lamen amu na awan Aron, amu nug bekkod ele, na ag bala amu aɗuadppe noppeg, na ag mana mettak danab daaglagnu goɗen gokkaɗakppa tituanadna, baɗ mattan, ag dahil mana mettak danab daan, uɗat hekkulagnu, na ag dahilnu tituanna meɗe!

Eksodas 29:9

ikkilagppan lamen ele ikkilagppa itan, imualagppan lamen ele qakkalatte! Aron, nug bekkod ele ag mana mettak danab daanna, aria danab amu ag, amu ag bekkalkad, alalkad, buɗulkad uma ukkak, nid danab geha mana mettak uɗat amu agib hanhan hekkulag; ɗo anam daatte. Na Aron, nug bekkod ele ib amuppa baɗ madakkut.

Eksodas 30:31

Na amu hewona, na ⌊da oɗel aona⌋ Israel danab ah amelagppa inam appe doyeg! ‘Gemu, buɗub buɗub doobob, haen amu ele laittaknu goɗen imuam dahil dayaya, dahilnu tituanak daakku; hanhan anamib daakku.’

Eksodas 30:33

Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.

Eksodas 40:14

Amu dimppa amu, na Aron bekkod, na ag diippe, miag doppeg, na lamen nakok elab amu, na lamen amu ag beɗulagppa aɗualadppe noppeg,

Eksodas 40:16

Yawe Nug anam aum, aria Moses nug nai amu doya, nug keeke oh Yawe haknunab aum, nug aumbianab aakku heum.

Sekaraia 4:14

Da anam ai, nug aum. “Naɗi, Nug wan atu oh gumadtte ele, Nug danab aɗit aa Nug ehanidkkulahnu goɗen gokkaɗakppa tituanatom amu, ad aɗit amu, ad eppeg aɗit ele am danab aɗit amu ippunadtte,” awa aum.

Namba 25:13

amu tituanak amuam iikku. Nug danab ah ag da, Kayak, da diilnu eheɗ doomnanu yag-nab-bak doya heum amu, nug anam heumppa nug Israel danab ah dilag eheɗ haknu nob nau iitta mekkunu he elele mettom amunu, nug, amu nug buɗub ele, ag geha hanhan mana mettak danab daaglagib,” awa aum.

Hibru 7:3

Kayak nai am nug anig mameg amu nug memetab ele ii ippunigtte. Menuak deɗ nuhig amu mauhak deɗ nuhig ele ii ippunigtte. Nug am Kayak Bekka bianab daatte. Nug am mana mettak ikki danab hanhannu daatte.

Hibru 7:7

Aria ig doottem, danab nug itittak ena medatte ele, nug am okkai, onig ele. Nug laa itittak ena aotte ele eɗidtte.