Eksodas 40:14 - Nobonob Baibel

¹⁴ Amu dimppa amu, na Aron bekkod, na ag diippe, miag doppeg, na lamen nakok elab amu, na lamen amu ag beɗulagppa aɗualadppe noppeg,

Eksodas 40:14 ပူးပေါင်းရင်းမြစ်များ

Eksodas 29:8

Na Aron anam goɗen gokkaɗakppa tituanona, na nug bekkod omaladna dona, lamen nakok elab, na lamen amu ag beɗulagppa aɗualadppe noppeg,

Eksodas 40:13

Na ag leppa ihadna malan, na Aron, nug mana mettak uɗat dahil hekkunu amu, na nug aon, na nug mana mettak danabnu lamen, dahilnu tituanak daatteb, nug lamen amu nug beɗuppa aɗuidppe noob, na laittaknu goɗen aon goɗen gokkaɗakppa tituanidna, nug dahilnu tituanna meɗe!

Eksodas 40:15

amu na ag mamelagppa heme bia, na ag dahil mana mettak uɗat hekkulagnu, na goɗen gokkaɗakppa tituanadkkut. Goɗenppa tituanak amuam, buɗub buɗub doobob, ag buɗulkad dimppa bekkulag amu, ag hanhan dahil mana mettak danab daaglagnu goɗen gokkaɗakppa tituana awak daakku,” awa aum.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Lewitikas 8:13

Moses nug anam hewowa, amu Yawe Nug anam haknunab aum bia, nug Aron bekkod diia doa, lamen nakok elab, nug lamen amu aɗualatte noeg, lamen matagiɗ imualagppa tagattowa, ikkilagppan lamen ele ikkilagppa itattom.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

Rom 8:30

Amu Nug danab anukka Nug Bekka bia daaglagnu maittak awom ele, Nug ag ele onilagppa eum. Nug danab onilagppa eum ele, Nug ahilagnu ele, “Genab tutukku hak danab,” awa aum. Nug danab laala, Nug ahilagnu, “Genab tutukku hak danab,” aum ele amu, Nug he, ag Nug Bekka bianab betteb.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

1 Korint 1:9

Kayak, Nug nukka ag Nug bekka Jesus Kristus, ihinig Naɗi, Nug ele laippu daaglagnu tituanattom amu, Nug oo metta ii uuak kobol dim lamidtte.