Eksodas 4:31 - Nobonob Baibel

³¹ Nug anam he, ag oolagppa genab dooppig. Amu haen ag Yawe Nug ahilagnu dabmak awawa dayom doon, Nug ele Isip ag kobol eheɗ iɗu iɗu ahilagppa heppig anttom ele doon amu, ag dup nona, Yawe binag meppig.

Eksodas 4:31 ပူးပေါင်းရင်းမြစ်များ

Genesis 17:3

Kayak Nug anam a amu, Abram nug laippun gateg qaun o, gomela, iɗu wanppa ma daye, Kayak Nug tuɗitta aum.

Genesis 24:26

Nug anam aum amunu, Abrahamnu maɗi nid nug gomela, dup noa Yawe binag ma inam aum.

Genesis 29:32

Yawe Nug anam he, Lea nug oo ele oiyaya, nug nid danab menua, nug aum. “Yawe dahil uug nau antta ehaniɗom amunu, da gamul nug dahilnu oo mauhkku,” awa aum. Nug anam aum amunu, nug nid onig Ruben ataɗom.

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

2 Stori 20:18

Jahasiel nug anam a, Jehosapat nug gateg qaun o, gomela, iɗu wanppa me, Juda danab ah oh, laa Jerusalemnu, laa Juda wanppa laih laihnu amu, ag ele anam hena, ag oh Yawe noobppa dup nona binag meppig.

2 Stori 32:8

Asiria dilag kingnu ɠagattag am danabib, amge Yawe, ihinig Kayak, Nug ig ehanigkkunu, Nug heeb, banppa ig kekeɗ eɗadkkunignu, Nug ig ele daattem,” awa aum. Juda dilag king Hesekaia nug anam a, daup ag oolag ɠagattag qak dooppig.

2 Stori 7:3

Haen Israel danab ah ag aab aɗu hab attannu neene anidna, ag Yawenu binag amahlak oppiaawak ele, ag amu ele Yawenu mettid lag attan anidna, ag gatelag qaun ona, gomelna, ag iɗulag wanppa mena, ag Yawe noobppa dup nona binag mena, ag Nug amegppa, “Ena heme,” ele appig. Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol am hanhan alet daatte.

Nehemaia 8:6

Esra nug buk kole, danab ah ahaeg, Esra nug Yawe, Nug Kayak onig, ɠagattag ele, Esra Nug binag me, danab ah oh ag eppelag human appig. “Genab, anam dayaɗ! Genab, anam dayaɗ!” appig. Ag anam awona, ag Yawe noobppa gatelag qaun ona gomelna iɗulag wanppa mena, dup noa binag mak heppig.

Job 1:20

Danab amu oh ag uɗin dona, Job amegppa amu ohnu aeg doya, nug aha, lamen elab pattiɗa, ikki uɗug hoye ukke, nug dup noa, gateg qaun o, gomela, iɗu wanppa ma, nug Kayak binag ma,

Eksodas 12:27

amu, aria ag inam akkulag! ‘Anukka, haen Yawe Nug Isip danab ah dilag nid ⌊danab⌋ tatamnu aqe mauhppig amu, gemu ig Israel, ig hettem imu am, alai aɗi bekkalkad tatamnu mauhmananu ag sipsip, o meeme aqaeg, doɗ amu tiilag ag lag ahilkad od uguppa laitteg, Yawe Nug tiig amu antta, laulkad amu tippalatta he, engel nug ag ii aqom amu, ig hettem imu am, keeke amu daunigppa dokkunu daatte. Doɗ imu ig aqaut mauhtteb ele amu, doɗ amuam alai aɗi doɗ aqaeg mauhna, ag bekkalkad tatamnu abenlag aoeg, ii mauhppig, amubia daanna, ippunigtteb.’ ” Moses nug ag amelagppa anam aum. Moses nug anam a amu, danab ah ag nai amu doona, ag Yawe noobppa dup nona Nug binag meppig.

Eksodas 14:31

Aria, Israel ag Yawe Nug Isip eɗatta, uɗat naɗi heum, ag amu anidna, ag nuhignu ebehilkad oh bodoetta le me, ag nuhignu, nuhig maɗi nid Mosesnu ele oolagppa genab dooppig.

Eksodas 19:8

Mattie ⌊ag doon, danab ah amelagppa mattieg,⌋ danab ah oh ag appig. “Ig geha keeke oh Yawe Nug aum amu, ig hekkunig,” aon appig. Aria, danab ah ag anam appig amunu, Moses nug nai ag appig, nug nai amu awa ukka, Yawe toppa teum.

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Eksodas 2:25

Kayak Nug amu dabmaama, Israel neekkatta, ⌊ag naunab daaegeg antta,⌋ Nug ahilagnu oo doye, ⌊Nug ag ehanadkkunu dabmeum⌋.

Eksodas 3:16

Kayak Nug anam awowa, Nug nai tuɗitta aum. “Amu na gona, Israel dilag ikki danab qagmaadna, na dahilnu ag amelagppa inam appe doyeg! ‘Yawe, Nug ag mamelkad aɗi dilag Kayak, Nug Abrahamnu, Aisaknu, amu Jakop elenu Kayak amu, Nug da gumiɗa na, Nug ahilagnu inam aum. “Da ag anattette, da kobol nau oh Isip ag ahilagppa hetteb amu da amu ele anidmi.

Eksodas 3:18

Kayak Nug Moses amegppa, nug Israel dilag ikki danab amelagppa anam akkunu awowa, amu Nug nai baula tuɗitta, Moses amegppa aum. “Na ag amelagppa anam appe amu, geha ag doon, na oɗen dim lamidkkulag. Aria, na Israel dilag ikki danab amu diippe, ag Isip dilag king toppa gona, inam amegppa akkulag. ‘Yawe, Nug am ig Hibru, ihinig Kayak, Nug ig atu taɗakppa gota, doɗ mait, Nug mettata, Nug noobppa dup nota, Nug binag mekkunignu ig gumikka uɗia, ig amenigppa aum amunu, na ig paɗaigppe, ig atu taɗak ooppa deɗ ewam gota teta, appa ig doɗ mait, Yawe mettagnignu oɗ medattem. Nug am ihinig Kayak.’ Ag anam aon aig!

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Eksodas 33:10

Anam hanhan beum, amu haen danab ah ag lombig teppu ele attan tak amu, ag oh peh lag odppa dayeye anidna amu, ag peh lag ahilag odppa hippaidna daanna, ag dup nona, Yawe binag meppig.

Eksodas 34:8

Yawe Nug nai amu mattia male, Moses nug pahanab gateg qaun o, gomela, iɗu wanppa ma, Yawe binag meum.

Eksodas 4:5

Yawe Nug anam a, Moses nug anam he, Yawe Nug aum. “Na Israel gumadna gona, na heme imu bia ele hekkut. Amu na anam hekkutnu diig am, Israel danab ah ag anidna, ag da Yawe, da genab na gumitte nemi oolagppa genab dooglagnu hekkut. Da am Yawe, da ag mamelkad aɗi dilag Kayak, amuam da am Abrahamnu Kayak, am Aisaknu Kayak, amu Jakopnu Kayak ele,” awa aum.

Sepanaia 2:7

Israel dilag huu okkai Juda oolagppanu oɗo yaak danab ah daaglag amu, ag wan amu ahilag daakkunu aoglag. Ao, ag sipsip ahilkad diiadna, Pilistia wanppa goppeg, sipsip ahilkad appa gikkiɗah lanan daaglag. Pilistia iitta meppeg, laa appa nug laugppa ii daama, ag laulkad amu oh hamu daaglag amunu, tueb meeb amu, sipsip gumak danab ag Pilistia dilag aab okkai laa Askelon, appan danab laulkadppa niiglag. Aɗinu sipsip gumak danab ag anam hekkulag? Yawe, ahilag Kayak, Nug ag atognoatta, aɗi keeke bau daaglagnu daatte amu, Nug ag madakku.

Luk 1:68

“Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Luk 8:13

Amu ee aeg men duqe ukkakppa nena qeppig ele, nai amu inam ippunigtte. Danab laa ag nai doon, oolag gamag ahehe, pahanab aotteb, amge ahilag ooppa genab doyak am ɠagattag iitta, haen tutuib daatte amunu, deɗ laa ahilag ooppa genab doyak iitta mekkunu uug laa be, ag paha ahilag ooppa genab doyak paɗatteb.

Rut 1:6

Aria, Naomi nug anam Moap wanppa dayaya, nug, “Yawe Nug danab ah nuhikkud, Israel wanppa daatteb, Nug he, enug haen iitta me, Nug ag ehanatta, ee madatte,” nai amu nug doyom amunu nug, nug ahipoɗ ele ag eɗun, Juda wanppa gokkulagnu bappaidppig.