Eksodas 4:25 - Nobonob Baibel

²⁵ Anam dayom, amge Sipora, Moses wau, nug men aeg hawaɗnab laa awa, nug nid danab nuhig hipab gaɗa otaɗa awa, Moses baeg amuppa lauɗittowa, nug aum. “⌊Na mauhmananu da bekkal gaɗa otaɗmi⌋ amunu, gemu na tiigppa da gamul, bau eɗun daattem,” awa aum.

Eksodas 4:25 ပူးပေါင်းရင်းမြစ်များ

Genesis 17:14

Danab laa nug gaɗa otaɗak ii aotte, nug dahil nug tituana nai qakkaknu nai tippaltte amunu, nug dahilad danab oolagppanu geɗittak daakkuoitte,” awa aum.

2 Samuel 16:7

Simei nug nai nau amu mattiaya, ewa aum. “Na qe mauhak danab, na ahan ukke! Na danab hamu, nahip-ppa ena laa ii daatte.

Eksodas 18:2

Amu Moses nug Midian uuom dimppa amu nug he, nug wau Sipora bekoɗ ele ag eɗun, Sipora mameg Jetro, nug laugppa ukkaeg, Jetro nug, “Ena,” a, ag aguppa daappig. Moses bekoɗ onilah am Gersom, Elieser ele. Amu anukka Gersom nuhig menuak haenppa nug do, Moses nug, “Da am wan laihnu danab, amu da wan laa imuppa daattem,” aum amunu, nug nid amu onig Gersom ataɗom. Aria, Elieser nuhig menuak haenppa nug do, Moses nug, “Mamanu Kayak Nug da ehaniɗe, Paro nug da ii iwe mauhmi,” aum amunu, nug nid amu onig Elieser ataɗom.

Eksodas 2:21

Ag anam heeg ⌊ukke, dimppa amu Jetro nug Moses nug ele oh daaglahnu oo dayom amu,⌋ Moses nug ele appa daaglahnu oo daye, “Ena,” awa a, aakku Jetro nug aɗeg laa Sipora awa, Moses mette, aa ewau matulak aopiɗ.

Eksodas 4:26

Sipora nug bekka gaɗa otaɗe, Yawe Nug amu antta, Moses uuittom; Nug ii qe mauhom. Yawe Moses uuitte daye, Sipora nug amu antta, haen amuppa nug gaɗa otaɗak kobolnu, “Na mauhmananu da bekkal gaɗa otaɗmi amunu, gemu na tiigppa da gamul, bau eɗun daattem,” awa aum.