Eksodas 4:15 - Nobonob Baibel

¹⁵ Nug na anidkkunu uɗitte amu, ⌊nug uɗieb, uɗat imu, da na medattem ele amu, uɗat amu haknu haen beeb,⌋ na nug amegppa appe, nug am geha nai amu oh mehuqkku. Da am geha aa keeke aɗi mattiglahnu ippunatppi, aɗi keeke hekkulahnu ele ippunatppi, aa hekkulah.

Eksodas 4:15 ပူးပေါင်းရင်းမြစ်များ

2 Samuel 14:3

na king toppa tena, na da gemu aɗi madikkutnu ippunidkkul amu, na nug amegppa mattie!” awa aum. Joap nug anam mattia, nug ah amu Dawit amegppa aɗi madikkunu ippunittom.

Sam 25:12

Am danab ah ag Yawenu ebehilag oh bodoetta le mette ele, Nug geha ag ib attenppa oiglagoitte amu, Nug ib amu ippunadkku.

Sam 51:15

O Naɗi, na da oɗel ehanidppe elele dayeb, da oɗelppa na humidkkulnu oɗ medattem.

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Eksodas 4:12

amunu, na ukke! Da geha na nai madikkutnu na oɗen ehanitten, nai amu ippunidppi, na nai amu oh madikkut,” awa aum.

Eksodas 4:28

Nug ootuqitte, Moses nug Aron amegppa keeke oh Yawe nug ⌊Paro amegppa⌋ madikknu amegppa anana, he uɗiom ele amu, nug amunu nug amegppa mattiom. Am Moses nug Aron amegppa Kayak dabmettaknu kobol danab haknu elele iitta hekkunu Yawe ⌊ippunitta⌋, hekkununab aum amu, nug Aron amegppa amunu ele mattiom.

Eksodas 4:30

Aron nug keeke oh Yawe, Moses amegppa aum amu, ag amelagppa a, Moses nug Kayak dabmettaknu kobol danab haknu elele iitta amu, danab ah anidkkulagnu heum.

Aisaia 51:16

⌊Amu Yawe Nug ele atte.⌋ “Da dahil nai ag oɗelagppa mekkul. Da ag atognoadkkulnu, da eppelppa ag tonadkkul. Da, da hab hein, wan ele hemi, amu gemu da ag Juda danab ah, da ag amelagppa attem. ‘Ag am danab ah dahilaɗ.’ ” Yawe Nug anam atte.

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.

Jeremaia 36:32

Yawe anam a, Jeremaia nug nai amu doyom amunu, nug buk itoɗiak ele laa awa, Neria bekka Baruk, nug am yaak danab, nug mette awe, Jeremaia nug nai mattieye, aakku nug bukppa yom. Buk itoɗiak laa tatamnu, buk amuppa nai oh daye, Juda dilag king Jehoiakim aab aɗuppa mane ewom ele amu, nug nai amu oh buk imuppa eɗua yom. Nug amu ye, Jeremaia nug nai laa amubia kuɗum laa ele tuɗitta a ne, nug amu ele yom.

Namba 16:28

Aria, Israel laa ag Kora, Datan, amu Abiram ele dilagnu peh lag awaidna wana, laih piɗe daaegeg amu, Moses nug aum. “Ib imuppa da uɗat digdig hettem amu, ag Yawe Nug da meiɗe uɗien hettem, da dahil dabmakppa ii uɗien hettem dooglag.

Namba 22:38

Balak nug anam a, Balam nug nob ma aum. “Aakku, amge da iikku na gemu gumitte uɗimi. Da uɗimi, amge da aɗitai laala ii apa. Kayak Nug da aɗi akkulnu akku aakkuib akkuloitte,” awa aum.

Namba 23:12

Balak nug anam a, Balam nug nob ma aum. “Da aɗitai keeke laa hekkulnu elele iitta. Yawe Nug da aɗi akkulnu atte amu, da akkuloitte. Ib laa iitta,” awa aum.

Namba 23:16

Balam nug anam awowa, nug nukka laih ukke, Yawe nug uɗa ta, Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Namba 23:5

Balam nug nai amu mattia male, Yawe Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

1 Korint 11:23

Da nai imu Naɗi Jesus Nug oɗeppan nai awen, da ag amelagppa tatam ami amu da gemu eɗuen baula attem. Nai amuam inam. Judas Nug tuqan Naɗi Jesus awa kekeɗ eppelagppa meum, tuqan amuppa Naɗi Jesus Nug bret awa,

1 Korint 15:1

O lailad, da ahilag dabmak Nai Enanu maɗedakkulnu hettem. Da tatam digmakppa Nai Ena amu mehuqi, ag Nai Ena amu doon aɗan, oolagppa genab doon, amuppa ɠagattag daatteb.

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.

Duteronomi 5:31

Amge haknunab anak dahil, ɗo iɗu iɗu dahil ele, na medakkulnu amu, na da ele ippa daagnih. Danab ah ag wan laa, wan amu ag aulag daakkunu madakkulnu hettem amu, ag wan amuppa haknunab anak dahil, ɗo iɗu iɗu dahil ele oh dim lamidkkulagnu amu, na danab ah ippunadkkut,” awa aum.

1 Samuel 16:3

Na gona, amu hekkutnu hena, na Jesi nug ele mana mettak amuppa uɗikkunu oɗ medappe, nug uɗieb, mana mettak amuppa aɗi keeke na hekkutnu da ool daatte amu, da geha ippunidkkul. Da danab aun nug king daakku ippunidppi, na nug king daakkunu goɗen gokkaɗakppa tituankkut,” awa aum.